गंगाधर पानतावणे

विकिपीडिया, मुक्‍त ज्ञानकोशातून

डॉ. गंगाधर पानतावणे (जून २८, इ.स. १९३७ - हयात) हे मराठीतील लेखक, समीक्षक व विचारवंत आहेत.

हे दलित साहित्य व दलित चळवळीतील अस्मितादर्श या महत्वाच्या त्रैमासिकाचे प्रकाशन करतात. त्यांनी दलित लेखक-वाचक मेळावा भरवला. त्यांनी डॉ. बाबासाहेब आंबेडकर, महात्मा फुले आणि शाहू महाराज ह्यांच्या विचारधरेला धरून लिखाण केले आहे. मराठी भाषेतील त्यांच्या ह्या योगदानाला महाराष्ट्र सरकार आणि अनेक साहित्यिक संस्थांकडून पुरस्कार मिळाले आहेत. त्यांनी डॉ. बाबासाहेब आंबेडकर मराठवाडा विद्यापीठाजवळील बौद्ध लेण्यांवरील विशेष यात्रेची सुरुवात केली. सद्यस्थितीतील त्यांचे वास्तव्य औरंगाबाद येथे आहे.

प्रकाशित साहित्य[संपादन]

  • पत्रकार डॉ. बाबासाहेब आंबेडकर (प्रतिमा प्रकाशन)
  • दलित वैचारिक वाङ्मय (समीक्षा)
  • अर्थ आणि अन्वयार्थ (समीक्षा)
  • चैत्य
  • लेणी (व्यक्तिचित्रे, प्रतिमा प्रकाशन)
  • स्मृतिशेष (व्यक्तिचित्रे, सुविद्या प्रकाशन)
  • दुसऱ्या पिढीचे मनोगत
  • विद्रोहाचे पाणी पेटले आहे
  • वादळाचे वंशज
  • अनेक कवि-लेखकांच्या पुस्तकांना विवेचक प्रस्तावना

संपादन[संपादन]

गौरव[संपादन]

  • पहिल्या मराठी विश्व साहित्य संमेलनाचे अध्यक्ष, सान होजे, अमेरिकेची संयुक्त संस्थाने. इ.स. २००९
  • अंकुशराव टोपे यांच्या वाढदिवसानिमित्त, महाराष्ट्रातील शिक्षण, साहित्य व तत्त्वज्ञान क्षेत्रात भरीव योगदान देणाऱ्या विचारवंतांना, मत्स्योदरी कला, वाणिज्य व विज्ञान महाविद्यालय (जालना) यांच्या द्वारे दिला जाणारा मत्स्योदरी शिक्षण पुरस्कार डॉ.गंगाधर पानतावणे यांना १८ सप्टेंबर २०११ रोजी देण्यात आला.
  • वाई येथील रा.ना. चव्हाण प्रतिष्ठानचा 'महर्षी विठ्ठल रामजी शिंदे पुरस्कार' (इ.स. २००६)

बाह्य दुवे[संपादन]



Wiki letter w.svg
कृपया स्वत:च्या शब्दात परिच्छेद लेखन करून या लेखाचा / विभागाचा विस्तार करण्यास मदत करा.
अधिक माहितीसाठी या लेखाचे चर्चा पान, विस्तार कसा करावा? किंवा इतर विस्तार विनंत्या पाहा.