सदानंद शांताराम रेगे

विकिपीडिया, मुक्‍त ज्ञानकोशातून
(सदानंद रेगे या पानावरून पुनर्निर्देशित)
Jump to navigation Jump to search


Wiki letter w.svg
कृपया स्वत:च्या शब्दात परिच्छेद लेखन करून या लेखाचा / विभागाचा विस्तार करण्यास मदत करा.
अधिक माहितीसाठी या लेखाचे चर्चा पान, विस्तार कसा करावा? किंवा इतर विस्तार विनंत्या पाहा.
सदानंद रेगे
जन्म नाव सदानंद शांताराम रेगे
जन्म जून २१, १९२३
मृत्यू सप्टेंबर २१, १९८२
कार्यक्षेत्र साहित्य
भाषा मराठी
साहित्य प्रकार कविता, अनुवादित साहित्य

सदानंद रेगे (जून २१, १९२३ - सप्टेंबर २१, १९८२) हे मराठी कवी, भाषांतरकार होते.सदानंद रेगे यांचा जन्म आजोळी कोकणात राजापूर येथे झाला.पण त्यांच्रे बालपण मुंबईत दादर -माटुंगा परिसरात गेले.शालेय शिक्षण दादर येथील छबिलदास हायस्कूल येथे झाले.१९४० मध्ये ते ११ वी एस.एस.सी.ची परीक्षा उत्तीर्ण झाले .बालपण पासून त्यांना असलेल्या चित्रकलेच्या आवडी मुळे त्यांनी सर ज.जी. कला महाविद्यालय येथे प्रवेश घेतला.१९४२ मध्ये ते मिल मध्ये डिझाईनर चे काम करू लागले .१९५८ मध्ये ते सिद्धार्थ महाविद्यालयातून बी.ए. झाले.तर १९६१ मध्ये कीर्ती महाविद्यालयातून एम.ए झाले. त्यांनी काही वर्षे पश्चिम रेल्वेत नोकरी केली. सन १९६२ पासून माटुंगा येथील राम नारायण रुईया महाविद्यालयात ते प्राध्यापक म्हणून रुजू झाले.मुंबईत भरलेल्या मराठी साहित्य संमेलनातील कवी संमेलनाचे त अध्यक्ष होते .दि.२१ सप्टेंबर १९८२ रोजी त्यांचे मुंबईत निधन झाले.

पुस्तके[संपादन]

सदानंद रेगे ह्यांची खालील पुस्तके प्रसिद्ध झालेली आहेत.

कथासंग्रह[संपादन]

  • जीवनाची वस्त्रे
  • काळोखाची पिसे
  • चांदणे
  • चंद्र सावली कोरतो
  • मासा आणि इतर विलक्षण कथा

कवितासंग्रह[संपादन]

  • गंधर्व
  • वेड्या कविता
  • देवापुढचा दिवा
  • बांक्रुशीचा पक्षी

अनुवादित पुस्तके[संपादन]

  • जयकेतू (रूपांतर)
  • राजा ईडिपस
  • बादशहा
  • ज्यांचे होते प्राक्तन शापित
  • ब्रांद
  • गोची

अनुवादित कविता[संपादन]

  • पँट घातलेला ढग

बालगीते[संपादन]

  • चांदोबा, चांदोबा
  • झोपाळ्याची बाग