राजरत्न आंबेडकर

विकिपीडिया, मुक्‍त ज्ञानकोशातून
Jump to navigation Jump to search
राजरत्न आंबेडकर
जन्म: इ.स. १९८३
शिक्षण: मुंबई विद्यापीठ
देहरादून विद्यापीठ
आयसीएफएआय विद्यापीठ
अवगत भाषा: मराठी, हिंदी, इंग्रजी व अन्य
कार्यक्षेत्र: राजकारण, समाजकारण, धर्मप्रचार
धर्म: बौद्ध धर्म
वडील: अशोक आंबेडकर

राजरत्न अशोक आंबेडकर हे एक भारतीय सामाजिक व धार्मिक कार्यकर्ता, आणि राजकारणी आहेत. ते डॉ. बाबासाहेब आंबेडकर यांचे चुलत पणतू आहेत. राजरत्न हे भारतीय बौद्ध महासभा या संघटनेचे अध्यक्ष आहेत. ते बौद्ध धर्माच्या प्रचार व प्रसाराचे काम करतात.

वैयक्तिक जीवन[संपादन]

मुख्य लेख: आंबेडकर कुटुंब

राजरत्न आंबेडकर हे डॉ. बाबासाहेब आंबेडकरांचे भाऊ यांचे पणतू आहेत. ते अशोक आंबेडकर यांचे पुत्र तर मुकुंदराव आंबेडकर यांचे नातू होत.[१]

शिक्षण[संपादन]

राजरत्न हे उच्चविद्याविभूषित आहेत. सन २००३ मध्ये मुंबई विद्यापीठातून ते बी.कॉम. झाले, सन २००८ इन्स्टीट्युट ऑफ चार्टर्ड ॲंड फायनन्शल अकाउंटटंड ऑफ इंडिया - देहरादून विद्यापीठातून ते डी.बी.एम. झाले, आयसीएफएआय विद्यापीठातून सन २००८ मध्ये एडीएम व सन २०१० मध्ये एमबीए झाले. व्यवस्थापनात ॲडव्हॉन्स पदविका, एमबीएपर्यंत शिकलेले आहेत. कंपनी सेक्रेटरी म्हणून एका कंपनीत मोठ्या पदावर काम केलेले आहे. नोकरीत असताना त्यांचे मन रमत नव्हते. अखेर त्यांनी धम्माला शरण जाण्याचा निर्णय घेतला.[२][३]

धार्मिक कारकीर्द[संपादन]

भारतीय बौद्ध महासभा किंवा बुद्धिस्ट सोसायटी ऑफ इंडिया ही ४ मे १९५५ रोजी डॉ. बाबासाहेब आंबेडकर यांना सुरु केलेली एक भारतीची राष्ट्रीय बौद्ध संघटना आहे.[४][५][६] याचे मुख्यालय मुंबई मध्ये असून सध्या या संघटनेचे चौथे व सध्याचे राष्ट्रीय अध्यक्ष म्हणून राजरत्न आंबेडकर कार्य करत आहेत.[७] ही संघटना आंतरष्ट्रीय बौद्ध संघटना वर्ल्ड फिलोशिप ऑफ बुद्धिस्ट्सची सदस्य आहे.[८][९][१०]

२३ सप्टेंबर २०१५ रोजी, राजरत्न आंबेडकर यांनी नागपुर येथील इंदोरा बुद्धविहारात भदन्त आर्य नागार्जुन सुरई ससाई यांच्याद्वारे श्रामणेर दीक्षा ग्रहन केलेली आहे. त्यानंतर त्यांचे धम्म आंबेडकर असे नामकरण करण्यात आले होते. राजरत्न यांनी यासाठी २३ सप्टेंबर या दिवसाची निवड केली होती कारण या तारखेलाच बाबासाहेबांना गुजरात (संकल्प भूमी) येथे अस्पृश्यतेबद्दल फार त्रास सहन करावा लागला होता. भारताला बौद्धमय करण्याचे स्वप्न डॉ. बाबासाहेब आंबेडकरांनी बघितले होते. ते पूर्ण करण्यासाठी त्यांनी बौद्ध धम्माचा प्रचार प्रसार करण्याचा निर्णय घेतला.[३][११]

डॉ. बाबासाहेब आंबेडकरांनी 'बौद्ध' म्हणून बौद्ध धम्माची दीक्षा घेत जातींच्या दलदलीतून समाजाला बाहेर काढले. त्यामुळे बौद्धांनी परत स्वतःसाठी 'दलित' व 'नवबौद्ध' यासारखे शब्दप्रयोग करू नये, असे राजरत्न आंबेडकरांचे मत आहे. यापूर्वी असे मत यशवंत आंबेडकर यांनीही मांडले होते.[१२]

राजकीय कारकीर्द[संपादन]

राजरत्न आंबेडकर तीन वेळा निवडणूक लढले आहेत. सन २०१९ च्या लोकसभा निवडणुकीमध्ये, नांदेड लोकसभा मतदारसंघात बहुजन मुक्ती पार्टीचे उमेदवार म्हणून राजरत्न आंबेडकर लढले आहेत, मात्र त्यांना तृतीत क्रमांकाची मते मिळाली, व प्रथम स्थानी असलेले अशोक चव्हाण विजयी झाले.[१३][१४][२][१५]

हे सुद्धा पहा[संपादन]

संदर्भ[संपादन]

  1. ^ "डॉ.बाबासाहेब आंबेडकर यांचे नातू अशोक आंबेडकर यांचे निधन". Divya Marathi.
  2. a b "Rajratna Ambedkar(Bahujan Mukti Party):Constituency- NANDED(MAHARASHTRA) - Affidavit Information of Candidate:". myneta.info.
  3. a b "बाबासाहेबांचे पणतू झाले भन्ते". Maharashtra Times. 25 सप्टें, 2015. |date= मधील दिनांक मूल्ये तपासा (सहाय्य)
  4. ^ Omvedt, Gail (17 April 2017). "Ambedkar: Towards An Enlightened India". Random House Publishers India Pvt. Limited – Google Books द्वारे.
  5. ^ Naik, C. D. (2010). Buddhism and Dalits: Social Philosophy and Traditions (इंग्रजी भाषेत). Gyan Publishing House. ISBN 9788178357928.
  6. ^ Quack, Johannes (2011). Disenchanting India: Organized Rationalism and Criticism of Religion in India. Oxford University Press. p. 88. ISBN 978-0199812608. OCLC 704120510.
  7. ^ "TBSI, (Official) - Welcome". www.tbsi.org.in.
  8. ^ Studio, Zubvector. "The World Fellowship of Buddhists". wfbhq.org.
  9. ^ Kantowsky, Detlef (2003-01-01). Buddhists in India Today: Descriptions, Pictures, and Documents (इंग्रजी भाषेत). Manohar Publishers & Distributors. ISBN 9788173045110.
  10. ^ U.G.C.-NET/J.R.F./SET Samajshashtra (Paper-III) (हिंदी भाषेत). Upkar Prakashan. ISBN 9788174823762.
  11. ^ "राजरत्न आंबेडकर यांनी घेतली श्रामणेर दीक्षा". Lokmat. 24 सप्टें, 2015. |date= मधील दिनांक मूल्ये तपासा (सहाय्य)
  12. ^ https://maharashtratimes.indiatimes.com/maharashtra/nagpur-vidarbha-news/nagpur/nagpur-live-as-a-boudha-only-says-rajratna-ambedkar/articleshow/60226879.cms
  13. ^ कुलकर्णी, तुषार (28 मे, 2019). "वंचित बहुजन आघाडीमुळे कॉंग्रेस-राष्ट्रवादीचं नुकसान झालं नाही, कारण..." – www.bbc.com द्वारे. |date= मधील दिनांक मूल्ये तपासा (सहाय्य)
  14. ^ "कॉंग्रेस बालेकिल्ला राखणार? | eSakal". www.esakal.com.
  15. ^ https://www.electiontak.in/lok-sabha-2014/maharashtra/rajratna-ambedkar-nanded-results-378585


बाह्य दुवे[संपादन]