संदीप खरे

विकिपीडिया, मुक्‍त ज्ञानकोशातून
संदीप खरे
जन्म मे १३, १९७३
महाराष्ट्र, भारत
राष्ट्रीयत्व भारतीय
कार्यक्षेत्र साहित्य, चित्रपट
भाषा मराठी
साहित्य प्रकार गीतकार, कविता

संदीप खरे (जन्म : १३ मे १९७३) हे प्रसिद्ध मराठीकवीगायक आहेत. त्यांचे 'दिवस असे की' आणि 'आयुष्यावर बोलू काही' हे गीतसंग्रह विशेष प्रसिद्ध आहेत. सलील कुलकर्णींबरोबर त्यांनी बरेच गीतसंग्रह प्रकाशित केले आहेत. त्यांच्या व्यासपीठावरील आयुष्यावर बोलू काही या कार्यक्रमांमुळे ते सुरुवातीला प्रसिद्धी झोतात आले. त्या कार्यक्रमाचे हजाराच्यावर प्रयोग झाले आहेत. आजही त्यांचे कार्यक्रम हाऊसफुल असतात. आयुष्यावर बोलू काही बरोबरच, ते कवी वैभव जोशी ह्यांच्यासोबत 'इर्शाद' हा कवितांचा कार्यक्र देखील करतात. संदीप यांनी 'दमलेल्या बाबाची कहाणी' या मराठी चित्रपटात प्रमूख भूमिका केली आहे.[१]

जीवन[संपादन]

संदीपने इयत्ता चौथीत असताना संदीप खरे यांनी पहिली कविता केली. अनेक शालेय स्पर्धांमध्ये त्याने कविता आणि कथा या विषयात अनेक पारितोषिके मिळवली आहेत. महाराष्ट्र साहित्य परिषदेने आयोजलेल्या 'उमलते अंकुर' या कार्यक्रमात त्यांनी सादर केलेल्या कविता ही कवी म्हणून त्यांची ओळख निर्माण होण्याच्या दृष्टीने महत्त्वाची घटना ठरली.

१६ एप्रिल २०१८ रोजी संदीप खरे, पुणे येथील यशवंतराव चव्हाण नाट्यगृहात

संदीप खरे यांनी लिहिलेली/संपादित केलेली पुस्तके[संपादन]

  • अग्गोबाई‌‍‌ऽऽ ढग्गोबाईऽऽऽ (बालसाहित्य)
  • आरसपानी : निवडक सुधीर मोघे (लेखक : सुधीर मोघे; संपादक - संदीप खरे)
  • कधी हे कधी ते - कवितासंग्रह
  • कधी हे कधी ते - कवितासंग्रह
  • तुझ्यावरच्या कविता -कवितासंग्रह
  • नेणिवेची अक्षरे - कवितासंग्रह
  • मी अन् माझा आवाज - कवितासंग्रह
  • मौनाची भाषांतरे - कवितासंग्रह
  • सृजन @ broad (१५ देशांतील ५५ कवितांचा संग्रह. संकल्पना - डाॅ. भूषण केळकर; संपादन - डाॅ. अरुणा ढेरे, संदीप खरे). यांतील काही कविता सी.डी.वर आहेत. पुस्तकाबरोबर सी.डी.ही मिळते.

गीतसंग्रह[संपादन]

  • दिवस असे की
  • मी गातो एक गाणे
  • कधी हे कधी ते
  • आयुष्यावर बोलू काही
  • नामंजूर
  • सांग सख्या रे
  • अग्गोबाई ढग्गोबाई
  • डिबाडी डिपांग
  • दमलेल्या बाबाची कहाणी
  • हृदयामधले गाणे
  • संधिप्रकाशात

कार्यक्रम[संपादन]

पुरस्कार[संपादन]

पुरस्कार तारीख कारण
पुण्य गौरव पुरस्कार १३ मार्च २००७ कला आणि संस्कृतीमधील योगदानासाठी
झी गौरव पुरस्कार १७ फेब्रुवारी २००८
आद्यकवी मुकुंदराज पुरस्कार ११ मार्च २०१०
अखिल भारतीय मराठी नाट्य परिषद, पिंपरी-चिंचवड कलारंग प्रतिष्ठान आणि सिद्धिविनायक ग्रुप यांच्या वतीने - बालगंधर्व पुरस्कार १४ ऑगस्ट २०११
विशेष व्यावसायिक गुणवत्ता पुरस्कार - रोटरी पुरस्कार १० ऑक्टोबर २०११
साहित्यदीप प्रतिष्ठानतर्फे काव्यदीप पुरस्कार फेब्रुवारी २०१६

बाह्यदुवा[संपादन]

  1. ^ "Mothers Day Special : माझी माऊली : मांडीवर बाळ घेतलेली आई; कवी, गीतकार संदीप खरे यांची सुंदर कविता". marathi.abplive.com. 2021-05-09. 2021-05-12 रोजी पाहिले.