रामचंद्र चिंतामण ढेरे

रामचंद्र चिंतामण ढेरे (जन्म : निगडे-पुणे जिल्हा, २१ जुलै, इ.स. १९३०; मृत्यू : पुणे, १ जुलै, इ.स. २०१६) हे मराठी इतिहास-संशोधक व लेखक होते. दैवतशास्त्र, सांस्कृतिक इतिहास या विषयांत त्यांचा विशेष अभ्यास असून त्यांनी या विषयांवर विपुल लेखन केले आहे. त्यांनी एकूण १०५ पुस्तके लिहिली आहेत.

त्यांना डॉ. अरुणा ढेरे आणि वर्षा गजेंद्रगडकर अशा दोन कन्या आहेत.

रा.चिं ढेरे यांनी त्यांच्याकडील साहित्याच्या प्रेमापोटी जमा केलेला पुस्तकांचा संग्रह एखाद्या संशोधन संस्थेप्रमाणे ट्रस्टच्या माध्यमातून समाजासाठी खुला करण्याचे ठवले आहे. त्यांच्या संग्रहामध्ये इतिहास, संत साहित्य, जुने मराठी वाङ्मय, लोकसाहित्य, लोकसंस्कृती अशा वेगवेगळ्या विषयांवरील साहित्य आहे. मराठी संस्कृतीचा अभ्यास व संशोधन करणार्‍या तरुण संशोधकांसाठी ही पुस्तके महत्त्वाची ठरणार आहेत.

प्रकाशित साहित्य

नाव	साहित्यप्रकार	प्रकाशन	प्रकाशन वर्ष (इ.स.)
आज्ञापत्र	संपादित	पद्मगंधा प्रकाशन	१९६०
करवीरनिवासी श्री महालक्ष्मी
श्रीतुळजाभवानी	धार्मिक	पद्मगंधा प्रकाशन
त्रिविधा		पद्मगंधा प्रकाशन
दत्त संप्रदायाचा इतिहास
दक्षिणेचा लोकदेव श्रीखंडोबा
श्रीनाथलीलामृत	धार्मिक	केशव भिकाजी ढवळे
श्री पर्वतीच्या छायेत		पद्मगंधा प्रकाशन
महाकवीची बखर	संपादित		१९७३
मामदेव, जनी आणि नागरी		पद्मगंधा प्रकाशन
मार्तंडविजय	संपादित		१९७५
मुक्तिगाथा महामानवाची
मुसलमान मराठी संतकवी
रुक्मिणी स्वयंवर	संपादित		१९६५
लज्जागौरी (ग्रंथ)		पद्मगंधा प्रकाशन
लोकसंस्कृतीचे उपासक		पद्मगंधा प्रकाशन
लोकसंस्कृतीचे विश्व
श्रीविठ्ठल : एक महासमन्वय	धार्मिक
श्रीव्यंकटेश्वर श्री कालहस्तीश्वर		पद्मगंधा प्रकाशन
शिव-दिग्विजय	संपादित		१९७५
श्रीकृष्ण चरित्र	संपादित		१९७२
संत, लोक आणि अभिजन	धार्मिक	पद्मगंधा प्रकाशन	-	सुभद्रा स्वयंवर	संपादित		१९६७
श्री स्वामी समर्थ	धार्मिक, बखर	अनमोल प्रकाशन

पुरस्कार

• साहित्य अकादमी पुरस्कार १९८७ - 'श्री विठ्ठल : एक महासमन्वय'
• महाराष्ट्र साहित्य परिषदेचा गं.ना. जोगळेकर पुरस्कार (२०१३)
• त्रिदल फाउंडेशनचा पुण्यभूषण पुरस्कार (१४ मार्च २०१०)
• पुणे महानगरपालिकेचा महर्षी वाल्मीकी पुरस्कार (२०१३)
• अखिल भारतीय यादव महासंघाचा विशेष पुरस्कार (२९-३-२०१५)
• चिमण्या गणपती मंडळातर्फे लोकसंस्कृतीचे गाढे अभ्यासक व संशोधक रा. चिं. ढेरे यांना 'साहित्य सेवा सन्मान' त्यांच्या निवासस्थानी प्रदान करण्यात आला. (२६-२-२०१६)

बाह्य दुवे

• रामचंद्र चिंतामण ढेरे यांचे अधिकृत संकेतस्थळ (इंग्लिश मजकूर)