श्याम मनोहर

श्याम मनोहर
राष्ट्रीयत्व	भारतीय
कार्यक्षेत्र	साहित्य, पत्रकारिता
भाषा	मराठी
साहित्य प्रकार	कादंबरी

श्याम मनोहर (जन्म : इ.स. १९४१) हे मराठी भाषेतील एक साहित्यिक आहेत. त्यांना त्यांच्या उत्सुकतेने मी झोपलो' या कादंबरीसाठी इ.स.२००८चा साहित्य अकादमी पुरस्कार मिळाला.

मनुष्यस्वभावातील विसंगतींवर नेमके बोट ठेवून अतिशय वेगळ्या अंगाने व धाटणीने त्यांची मांडणी करणारे लिखाण, असे त्यांच्या लेखनाचे वर्णन केले जाते. श्याम मनोहर यांनी आठ लघुकथा, आठ नाटकं व इतर अनेक विषयांवर लेखन केले आहे. त्यांच्या अनेक कादंबर्‍या, पुस्तके महाराष्ट्रातील विद्यापीठांमध्ये अभ्यासासाठी सुचविण्यात आली आहेत. तसेच त्यांच्या अनेक लघुकथा व कादंबर्‍यांचे गुजराती, उर्दू, हिंदी, सिंधी, कन्नड आणि इंग्रजी यासारख्या भाषांमध्ये अनुवाद झाले आहेत.

जीवन

श्याम मनोहर हे पुण्यातील एस.पी. महाविद्यालयात प्राध्यापक होते.

लेखन कारकीर्द

कथा व कादंबरी लेखन

• उत्सुकतेने मी झोपलो (कादंबरी)
• कळ (काल्पनिक कथा)
• खूप लोक आहेत (कादंबरी)
• खेकसत म्हणणे आय लव्ह यू (कादंबरी)
• दोन्ही : आणि बाकीचे सगळे बिनमौजेच्या गोष्टी (कथासंग्रह)
• प्रेम आणि खूप खूप नंतर
• शंभर मी
• शीतयुद्ध सदानंद (काल्पनिक कथा)
• हे ईश्वरराव हे पुरुषोत्तमराव (कादंबरी)

नाटके

• दर्शन
• प्रियांका आणि दोन चोर
• प्रेमाची गोष्ट?
• यकृत
• येळकोट
• सन्मान हाऊस
• हृदय

पुरस्कार

• कन्नड भाषेतील प्रसिद्ध कवी कुप्पळ्ळी वेंकटप्पा पुट्टप्पा यांच्या स्मृतिप्रीत्यर्थ दिला जाणारा प्रतिष्ठेचा कुवेंपु राष्ट्रीय पुरस्कार (२०१५)
• कराड पुरस्कार (१९८२)
• नाटय़दर्पण पुरस्कार (१९८६)
• महाराष्ट्र सरकारकडून राम गणेश गडकरी पुरस्कार (१९९८)
• साहित्य अकादमी पुरस्कार (२००८)
• ह.ना. आपटे पुरस्कार (१९८३) व इतर अनेक पुरस्कार.

अधिक वाचन

• अधिक वाचनासाठी : शीतयुद्ध सदानंद : लिमिटेड माणुसकी आणि अनलिमिटेड शहाणपण लेख, ग्रंथ :समीक्षेचा अंत:स्वर, देवानंद सोनटक्के, पद्मगंधा प्रकाशन पुणे,२०१०