अण्णासाहेब हरी साळुंखे

डॉ. आ. ह. साळंखे २०१२ मध्ये

डॉ. आ.ह. साळुंखे (आण्णासाहेब हरी साळुंखे) हे मराठीतले लेखक, महाराष्ट्रातील एक विचारवंत, व्याख्याते आणि संस्कृतचे गाढे अभ्यासक आहेत. १९५९ पासून जाहीर रीत्या सभांमधून भाषणे देत असले तरी त्यांची महाराष्ट्रभर भटकंती आणि व्याख्याने १९८०-८१पासून सुरू झाली. त्यासुमारास साळुंखे यांनी चार्वाकावर लिहिलेली लेखमाला वाईच्या नवभारत मासिकात प्रकाशित झाली आणि दुसऱ्या बाजूने किर्लोस्कर मासिकाच्या जून १९८१च्या अंकात मराठा समाजावरील आत्मनिरीक्षणात्मक स्वरूपाचा गाजलेला लेख प्रसिद्ध झाला. त्या लेखावर प्रतिक्रिया म्हणून फक्त किर्लोस्करकडे तीन पोती भरतील एवढी पत्रे आली होती. तेव्हापासून आ.ह. साळुंखे यांना अखिल महाराष्ट्रातून व्याख्यानांची आमंत्रणांवर आमंत्रणे येऊ लागली.

जीवन

डॉ. साळुंखे यांचा जन्म सांगली जिल्ह्यातील खाडेवाडी या लहानशा गावी एका शेतकऱ्याच्या कुटुंबात झाला. संस्कृत विषयात पहिल्या वर्गात प्रथम येत त्यांनी आपली पदवी शिवाजी विद्यापीठ कोल्हापूर येथून घेतली. एम.ए.मध्येही त्यांनी संस्कृत विषयात प्रथम क्रमांक पटकावला. त्यांची पीएच.डी.ही संस्कृत विषयातआहे.

वैयक्तिक

• आ.ह. साळुंखे यांच्या पत्नीचे नाव मधुश्री. त्यांचे २५ एप्रिल २००० रोजी कॅन्सरने निधन झाले.
• आ.ह.साळुंके यांचे चिरंजीव नीरज साळुंखे हे प्राध्यापक आणि लेखक आहेत.
• दुसरे चिरंजीव राकेश यांची लोकायत ही प्रकाशनसंस्था, आ.ह. साळुंखे यांची पुस्तके प्रकाशित करते.

आ.ह. साळुंखे यांची पुस्तके

• अंधाराचे बुरूज ढासळले
• अशीच भेटत रहा तू
• आता आमच्या धडावर आमचेच डोके असेल
• आस्तिकशिरोमणी चार्वाक
• ऐतरेय ब्राह्मण : एक चिकित्सा
• गुलामांचा आणि गुलाम करणाऱ्यांचा धर्म एक नसतो
• चांदण्यात भिजायचं राहून जाऊ नये, म्हणून !
• चिंतन - बळीराजा ते रवींद्रनाथ
• तथागत बुद्ध आणि तुकाराम
• तुकारामांचा शेतकरी
• तुझ्यासह, तुझ्याविना
• तुळशीचे लग्न- एक समीक्षा
• त्यांना सावलीत वाढवू नका !
• धर्म की धर्मापलीकडे ?
• परशुराम : जोडण्याचे प्रतीक, की तोडण्याचे ?
• परिवर्तन : शास्त्रही, कलाही
• बळीवंश
• बहुजनांसाठी जीवनवादी सुभाषिते
• मनुस्मृतीच्या समर्थकांची संस्कृती
• महात्मा फुले आणि धर्म
• महाभारतातील स्त्रिया भाग १
• महाभारतातील स्त्रिया भाग २
• मित्रांना शत्रू करू नका
• वादांचीवादळे
• विद्रोही तुकाराम
• विद्रोही तुकाराम- समीक्षेची समीक्षा
• वैदिक धर्मसूत्रे आणि बहुजनांची गुलामगिरी
• वैदिक धर्मसूत्रे तथा बहुजनोंकी गुलामगिरी (हिंदी)
• शंभर कोटी मेंदू, दोनशे कोटी हात
• सर्वोत्तम भूमिपत्र : आक्षेप
• सर्वोत्तम भूमिपुत्र गौतम बुद्ध
• संवाद सहृदय श्रोत्यांशी
• हिंदू संस्कृती आणि स्त्री

इंग्रजी ग्रंथांचे मराठी अनुवाद

• नागार्जुन
• शीख धर्मातील निरपेक्ष जाणिवा
• स्वातंत्र्याचे भय

पुरस्कार, मानसन्मान वगैरे

• १७ फेब्रुवारी २०१३ रोजी पुण्यात झालेल्या पहिल्या छत्रपती शिवाजी महाराज साहित्य संमेलनाचे अध्यक्ष

बाह्य दुवे

• 'गुलामांचा आणि गुलाम करणार्‍यांचा धर्म एक नसतो' या पुस्तकाचे संपुर्ण इंग्रजी भाषांतर