झी मराठी

झी मराठी
सुरुवात	इ.स. १९९९
मालक	झी नेटवर्क
ब्रीदवाक्य	मी मराठी, झी मराठी
देश	भारत
प्रसारण क्षेत्र	जगभर
मुख्यालय	झी टिव्ही 135, काँटीनेंटल बिल्डींग, डॉ. ॲनी बेसंट मार्ग, वरळी, मुंबई 400018.
जुने नाव	अल्फा मराठी
बदललेले नाव	झी मराठी
भगिनी वाहिनी	झी च्या इतर प्रादेशिक वाहिन्या
प्रसारण वेळ	24 तास
संकेतस्थळ	http://www.zeemarathi.com

झी मराठी ही झी नेटवर्क समूहाच्या मालकीची भारतातील दूरचित्रवाहिनी आहे.

दूरचित्रवाणीच्या झी मराठी वाहिनीची सुरुवात इ.स. १९९९मध्ये झाली. इ.स.२००४पर्यंत ही वाहिनी अल्फा मराठी या नावाने ओळखली जात होती. ही वाहिनी मराठी प्रेक्षकांमध्ये लोकप्रिय आहे. या वाहिनीवर दैनंदिन कथामालिका, चर्चा, पाककृती, प्रवासवर्णनपर मालिका, बातम्या, मराठी चित्रपट आणि क्रीडाविषयक कार्यक्रम दाखवतात.

कार्यक्रम

झी मराठी वाहिनीवर अनेक दैनंदिन कथामालिका दाखवण्यात येतात. आभाळमाया, अवंतिका, श्रीयुत गंगाधर टिपरे, वादळवाट, तू तिथे मी, राधा ही बावरी , मला सासू हवी, उंच माझा झोका, अशा अनेक मालिकांनी या वाहिनीच्या लोकप्रियतेत मोठा वाटा उचलला आहे.

पूर्वीच्या मालिका

1. अवघाची संसार
2. अवंतिका
3. असंभव
4. असे हे कन्यादान
5. अस्मिता
6. आभास हा
7. आभाळमाया
8. उंच माझा झोका
9. ऊन पाऊस
10. एका लग्नाची तिसरी गोष्ट
11. एका लग्नाची दुसरी गोष्ट
12. कळत नकळत
13. का रे दुरावा
14. काहे दिया परदेस
15. कुंकू
16. कुलवधू
17. खुलता कळी खुलेना
18. श्रीयुत गंगाधर टिपरे
19. गाव गाता गजाली
20. गुंतता हृदय हे
21. ग्रहण
22. चूकभूल द्यावी घ्यावी
23. जय मल्हार
24. जागो मोहन प्यारे
25. जाडूबाई जोरात
26. जावई विकत घेणे आहे
27. जुळून येती रेशीमगाठी
28. तुझं माझं जमेना
29. तुझं माझं ब्रेक अप
30. तू तिथे मी
31. दिल दोस्ती दुनियादारी
32. दिल दोस्ती दोबारा
33. नकटीच्या लग्नाला यायचं हं...
34. नांदा सौख्यभरे
35. नाममात्र
36. पसंत आहे मुलगी
37. पिंजरा
38. पिंपळपान
39. बाजी
40. भाग्यलक्ष्मी
41. मला सासू हवी
42. माझिया प्रियाला प्रीत कळेना
43. माझे पती सौभाग्यवती
44. राधा ही बावरी
45. वादळवाट
46. १०० डेज्
47. हम तो तेरे आशिक है
48. होणार सून मी ह्या घरची
49. तुला पाहते रे
50. लागिरं झालं जी
51. शेजारी शेजारी पक्के शेजारी
52. तुझ्यात जीव रंगला

चालू मालिका इ.स. २०१९

सोम ते शनि

• दुपारी ०१.३० आम्ही सारे खवय्ये
• सायं. ०६.०० होम मिनिस्टर
• सायं. ०६.३० तुझ्यात जीव रंगला
• सायं. ०७.०० मिसेस मुख्यमंत्री
• सायं. ०७.३० लग्नाची वाईफ वेडिंगची बायकू
• रात्री ०८.०० माझ्या नव-याची बायको
• रात्री ०८.३० अग्गंबाई सासूबाई
• रात्री ०९.०० स्वराज्यरक्षक संभाजी
• रात्री १०.३० रात्रीस खेळ चाले २

सोम आणि मंगळ

• रात्री ०९.३० चला हवा येऊ द्या

बुध ते शनि

• रात्री ०९.३० भागो मोहन प्यारे
• रात्री १०.०० अल्टी पल्टी सुमडीत कल्टी

दररोज

• सकाळी ०५.०० पतंंजलि योग
• सकाळी ०८.०० राम राम महाराष्ट्र
• सकाळी ०८.३० वेध भविष्याचा

रिॲलिटी शो

झी मराठी वाहिनीने रिॲलिटी शो ही संकल्पना मराठी वाहिनीवर पहिल्यांदा आणली आणि अल्पावधीतच प्रेक्षकांनी तिला डोक्यावर घेतले. वाहिनीने आतापर्यंत अनेक रिॲलिटी शोजची अनेक यशस्वी पर्वे सादर केली आहेत.

सा रे ग म प

मराठी संगीत कलेला प्रोत्साहन देण्यासाठी, मराठी युवा गायकांना जगासमोर आणण्यासाठी झी ने "सा रे ग म प" या कार्यक्रमाची सुरुवात केली. "सा रे ग म प" या कार्यक्रमाने तब्बल १२ पर्वे साजरी केली. यामध्ये वेगवेगळे विषय ठेवले गेले. त्याची संक्षिप्त माहिती पुढील प्रमाणे :-

• स्वप्न स्वरांचे : यामध्ये १८ ते २५ या वयोगटातील स्पर्धकांचा समावेश होता. हे सारेगमप चे पहिले पर्व होते, या पर्वाचा विजेता महागायक पदाचा मान कोल्हापूरचा अभिजीत कोसंबी याला मिळाला. त्यानंतरच्या पर्वाची महाविजेतीचा मान जळगांवच्या वैशाली भैसने-माडे हिला मिळाला. अशाचप्रकारे ऊर्मिला धनगर देखील विजेती आहे. या पर्वाचे परीक्षक गायिका देवकी पंडित, रॉकस्टार अवधूत गुप्ते, संगीतकार अजय-अतुल इत्यादी दिग्गज व्यक्तींनी भूषवले.
• स्वप्न स्वरांचे ४०+ : या कार्यक्रमामध्ये वय वर्ष ४० वर्षे व त्या पुढील वयाच्या स्पर्धकांनी भाग घेतला होता. या कार्यक्रमाच्या विजेता जोडीचा मान संगिता चितळे व यज्ञेश्वर लिंबेकर यांना तर उपविजेता जोडीचा मान मिरजचे गायक महेश मुतालिक व मुंबईच्या अनुजा वर्तक यांना मिळाला.
• लिटिल चँप्स : या पर्वामध्ये लहानग्यांनी आपल्या सुरांनी जगाला मोहून टाकले. ६ ते १५ वयोगटातील स्पर्धकांनी भाग घेतला होता. या पर्वाला केवळ महाराष्ट्रातीलच नव्हे तर संपूर्ण जगातील प्रेक्षकांनी डोक्यावर घेतले. या कार्यक्रमातील एका भागाला लता मंगेशकर यांनी उपस्थिती लावून सर्व स्पर्धकांना आशीर्वाद दिला. याशिवाय इतर अनेक दिग्गज गायकांनी लहानग्यांना शाबासकीची थाप दिली. लिटिल चँप्सच्या पहिल्या पर्वाने मराठी संगीत विश्वाला पंचरत्न बहाल केले. पंचरत्न म्हणजेच :

१. अलिबागची लिटिल मॉनिटर मुग्धा वैशंपायन, २. आळंदीची लिटिल मास्टर कार्तिकी गायकवाड, ३. लातूरचा फ्युजन म्युझिक डायरेक्टर रोहित राऊत, ४. पुण्याची अँग्री यंग गर्ल आर्या आंबेकर, ५. रत्नागिरीचा मोदक प्रथमेश लघाटे.

या कार्यक्रमातूनच घराघरांत पोहोचलेल्या केतकी माटेगांवकरने तर संगीताबरोबरच मराठी चित्रपटांद्वारे प्रेक्षकांची मने जिंकली. गायिका वैशाली सामंत व गायक-संगीतकार अवधूत गुप्ते या पर्वांचे परीक्षक होते.

• या सोबतच "सा रे ग म प" ने अनेक यशस्वी पर्वं प्रस्तुत केली. त्या मध्ये सेलिब्रिटी स्पेशल, प्रोफेशनल स्पेशल, सूर नव्या युगाचा, घे पंगा कर दंगा, इत्यादी पर्वांचा समावेश होता. सर्वच पर्वांना प्रेक्षकांनी प्रचंड प्रतिसाद दिला. झी ने सारेगमप द्वारे मराठी संगीताला एका वेगळ्या उंचीवर नेले.

एकापेक्षा एक

झी नेटवर्क आणि मराठी सुपरस्टार सचिन पिळगांवकर यांच्या संयुक्त विद्यमाने साकारला डान्सचा महामंच "एकापेक्षा एक". 'एकापेक्षा एक'ने मराठी नृत्य कलेला अनेक रत्ने बहाल केली. महाराष्ट्राला नानाविध कलांची खाण म्हटले जाते. या खाणीतून सर्वोत्कृष्ट निवडणे म्हणजे मोठे कठीण काम; पण ही जबाबदारी लीलया पेलली ती महागुरू सचिन पिळगावकरांनी. त्यामुळे मराठी इंडस्ट्रीला सॅड्रिक डिसूझा, आशिष पाटील, फुलवा खामकर यांसारख्या डान्स कोरिओग्राफरची भेट मिळाली.

हास्यसम्राट

हास्य हे सर्व रोगांवरचं, तणावावरचं रामबाण औषध आहे असं म्हटलं जातं. हे सार्थ ठरविण्यासाठी झी ने साकारला हास्याचा पहिला मराठी रिॲलिटी शो "हास्यसम्राट". या कार्यक्रमाची एकूण 2 पर्वं सादर झाली. पहिल्या पर्वाचे विजेते सोलापूरचे दिपक देशपांडे हे विजयी झाले, तर दुसऱ्या पर्वाचे मिरजचे अजित कोष्टी हे विजेते झाले. या कार्यक्रमाचे सूत्रसंचालन प्रसिद्ध अभिनेता जितेंद्र जोशी याने केले. तर परीक्षक म्हणून अभिनेते मकरंद अनासपुरे व ज्येष्ठ कवी अशोक नायगांवकर यांनी जबाबदारी पार पाडली.

हेसुद्धा पहा

• झी नेटवर्क
• अधिकृत संकेतस्थळ - झी मराठी जागृती