बांगलादेश क्रिकेट संघाचा भारत दौरा, २०१६-१७

बांगलादेश क्रिकेट संघाचा भारत दौरा, २०१६-१७
		भारत		बांगलादेश
तारीख		५ – १२ फेब्रुवारी २०१७
संघनायक		विराट कोहली		मुशफिकुर रहिम
कसोटी मालिका
निकाल		भारत संघाने १-सामन्यांची मालिका १–० जिंकली
सर्वाधिक धावा		विराट कोहली (२४२)		मुशफिकुर रहिम (१५०)
सर्वाधिक बळी		रविंद्र जडेजा (६) रविचंद्रन अश्विन (६)		तास्किन अहमद (४) तैजुल इस्लाम (४)

फेब्रुवारी २०१७ मध्ये बांगलादेश क्रिकेट संघ भारताच्या दौऱ्यावर एका कसोटी सामना आला होता. हा बांगलादेशचा पाहिलाच भारत दौरा. याआधी हा दौरा ऑगस्ट २०१६ मध्ये आयोजित केला गेला होता, परंतु भारतीय क्रिकेट नियामक मंडळ केलेल्या इतर आयोजनांमुळे, बांगलादेश क्रिकेट बोर्डाने जाहीर केले की फेब्रुवारीचा पहिला आठवडा कदाचित योग्य आहे. ऑगस्ट २०१६ मध्ये सामन्याची तारीख पक्की करण्यात आली. जानेवारी २०१७ मध्ये बीसीसीआयने तारीख एक दिवसाने पुढे ढकलली. कसोटी सामन्याआधी, भारत अ आणि बांगलादेश संघादरम्यान दोन-दिवसीय सराव सामना खेळवण्यात आला.

भारताने सामना २०८ धावांनी जिंकला.

कसोटी सामन्या दरम्यान, भारताने अनेक वैयक्तिक आणि सांघिक विक्रम नोंदवले. पहिल्या डावात चेतेश्वर पुजारा आणि विराट कोहली ह्या दोघांनीही वैयक्तिक फलंदाजी विक्रम नोंदवले. पुजाराने १,६०५ धावा करून, भारतीय प्रथमश्रेणी मोसमातील सर्वात जास्त धावा करण्याचा विक्रम नोंदवला. ह्या आधीचा विक्रम १९६४-६५ साली १,६०४ धावांसाहित चंदू बोर्डे यांच्या नावावर होता. १,१६८ धावांसहित, घरच्या मोसमातील सर्वाधिक धावांचा विक्रम कोहलीने स्वतःच्या नावावर केला.{याआधीचा विक्रम विरेंद्र सेहवागच्या नावावर होता, त्याने २००४-०५ मध्ये १,१०५ धावा केल्या होत्या. त्याशिवाय सलग चार कसोटी मालिकांमध्ये चार द्विशतके करणारा कोहली हा पहिलाच खेळाडू ठरला. ह्या आधीचा सलग तीन कसोटी मालिकांमध्ये द्विशतके करण्याचा विक्रम डॉन ब्रॅडमन आणि राहुल द्रविड यांच्या नावे होता. रविचंद्रन अश्विनने सर्वात जलद २५० कसोटी बळी घेण्याचा विक्रम केला. डेनिस लिलीचा ४८ कसोटी सामन्यांचा विक्रम त्याने ४५ कसोटी सामन्यांत २५० बळी घेऊन मोडला.

भारताने पहिल्या डाव ६८७ धावांवर घोषित केला आणि कसोटीमध्ये सलग तीन डावांमध्ये ६०० पेक्षा जास्त धावा करण्याचा सांघिक विक्रम केला. ह्या कसोटी सामन्यातील विजयामुळे त्यांनी सलग सहा मालिका विजय मिळवले. ह्या विजयी मालिकेची सुरुवात सप्टेंबर २०१५ मध्ये श्रीलंकेविरुद्ध झाली. बांगलादेशविरुद्धच्या ह्या मालिकाविजयामुळे, कर्णधार म्हणून सलग १९ कसोटी सामन्यांमध्ये अजिंक्य राहणारा विराट कोहली हा पहिला भारतीय कर्णधार ठरला.

मुशफिकुर रहिम हा कसोटी क्रिकेटमध्ये ३,००० धावा पूर्ण करणारा चवथा बांगलादेशी क्रिकेट खेळाडू ठरला. सामना पूर्ण होता-होता, हबीबुल बशरला मागे टाकून, तो बांगलादेशचा तिसरा सर्वाधिक कसोटी धावा जमवणारा फलंदाज झाला.

संघ

भारत	बांगलादेश
विराट कोहली (क) अजिंक्य रहाणे अभिनव मुकुंद अमित मिश्रा इशांत शर्मा उमेश यादव करुण नायर कुलदीप यादव चेतेश्वर पुजारा जयंत यादव भुवनेश्वर कुमार मुरली विजय रविचंद्रन अश्विन रवींद्र जडेजा लोकेश राहुल वृद्धिमान साहा (य) हार्दिक पंड्या	मुशफिकुर रहिम (क व य) इमरुल केस कामरुल इस्लाम रब्बी तमिम इक्बाल तास्किन अहमद तैजुल इस्लाम महमुदुल्ला मेहेदी हसन मोमिनुल हक मोसद्देक होसेन लितन दास (य) शकिब अल हसन शफिउल इस्लाम शब्बीर रहमान सुभाशिष रॉय सौम्य सरकार

• बांगलादेशच्या इमरुल केसला सराव सामन्या दरम्यान दुखापत झाल्याने त्याच्या ऐवजी मोसद्देक होसेनची निवड करण्यात आली.
• इंग्लंडविरुद्धच्या शेवटच्या ट्वेंटी२० सामन्यात दुखापत झाल्याने भारताच्या अमित मिश्राला संघाबाहेर बसावे लागले. त्याची जागा कुलदीप यादवने घेतली.

सराव सामना

५-६ फेब्रुवारी २०१७ ९:३० धावफलक

बांगलादेश	वि	भारत अ
२२४/८घो (६७ षटके) सौम्य सरकार ५२ (७३) अनिकेत चौधरी ४/२६ (१२ षटके)		४६१/८घो (९० षटके) विजय शंकर १०३* (८१) सुभाशिष रॉय ३/५७ (१६ षटके)
७३/२ (१५ षटके) तमिम इक्बाल ४२* (५४) कुलदीप यादव २/२ (२ षटके)

सामना अनिर्णित राजीव गांधी आंतरराष्ट्रीय मैदान, हैदराबाद पंच: कुशा प्रकाश (भा) आणि नंद किशोर (भा)

• नाणेफेक: बांगलादेश, फलंदाजी.
• प्रत्यकी १४ खेळाडू (११ फलंदाज, ११ क्षेत्ररक्षक).

एकमेव कसोटी

९-१३ फेब्रुवारी २०१७ ९ः३० धावफलक

भारत	वि	बांगलादेश
६८७/६घो (१६६ षटके) विराट कोहली २०४ (२४६) तैजुल इस्लाम ३/१५६ (४७ षटके)		३८८ (१२७.५ षटके) मुशफिकुर रहिम १२७ (२६२) उमेश यादव ३/८४ (२५ षटके)
१५९/४घो (२९ षटके) चेतेश्वर पुजारा ५४* (५८) तास्किन अहमद २/४३ (७ षटके)		२५० (१००.३ षटके) महमुदुल्ला ६४ (१४९) रविचंद्रन अश्विन ४/७३ (३०.३ षटके)

भारत २०८ धावांनी विजयी. राजीव गांधी आंतरराष्ट्रीय मैदान, हैदराबाद पंच: मराइस ईरास्मुस (द) आणि जोएल विल्सन (वे) सामनावीर: विराट कोहली (भा)

• नाणेफेक: भारत, फलंदाजी
• भारतीय प्रथम वर्गीय क्रिकेटच्या मोसमात सर्वाधिक धावा करण्याचा चेतेश्वर पुजाराचा नवा विक्रम (१,६०५).
• विराट कोहलीचा कसोटी क्रिकेटमध्ये लागोपाठ चार मालिकांमध्ये चार द्विशतके ठोकण्याचा विक्रम.
• विराट कोहलीचा घरच्या मोसमात सर्वाधिक धावांचा विक्रम (१,१६८).
• लागोपाठ तीन कसोटी डावांमध्ये ६०० पेक्षा जास्त धावा करणारा भारत हा पहिलाच देश.
• मुशफिकुर रहिमच्या (बा) ३,००० कसोटी धावा पूर्ण.
• रविचंद्रन अश्विन (भा) हा सर्वात जलद २५० कसोटी बळी घेणारा गोलंदाज ठरला (४५ कसोटी).

संदर्भयादी

बांगलादेश क्रिकेट संघाचे भारत दौरे
२०१६-१७