न्यू इंग्लिश स्कूल (पुणे)

न्यू इंग्लिश स्कूल, पुणे

शाळा

स्थापना	१ जानेवारी 1880
संस्थापक	बाळ गंगाधर टिळक, गोपाळ गणेश आगरकर, Vaman Shivram Apte, विष्णुशास्त्री चिपळूणकर
देश	भारत
या राजकीय व प्रशासकीय सीमांतर्गत असणारे स्थान	पुणे
स्थान	सदाशिव पेठ, पुणे
भौगोलिक गुणक	१८°३०′३९″N ७३°५०′४१″E
वारसा अभिधान	PMC Heritage Grade II
Street address	Tilak Road, Opp. Sahitya Parishad, Sadashiv Peth, Pune, Maharashtra 411030
डाक संकेतांक	411030
अधिकृत संकेतस्थळ	http://www.despune.org/courses/des-secondary-school/

 

 From Wikidata

न्यू इंग्लिश स्कूल ही पुणे येथील एक नामवंत शाळा आहे.

न्यू इंग्लिश स्कूल

इतिहास

लोकमान्य टिळक , गोपाळ गणेश आगरकर , वामन शिवराम आपटे तसेच त्यांचे मित्र महादेव बल्लाळ नामजोशी आणि विष्णूशास्त्री चिपळूणकर यांनी १ जानेवारी, इ.स. १८८० रोजी न्यू इंग्लिश स्कूलची स्थापना केली. शालेय शिक्षण जितके स्वस्त करता येईल तितके स्वस्त करण्याचा संस्थापकांचा उद्देश होता. पण तसे करतांना शाळेचा दर्जा ढासळणार नाही याचीपण काळजी संस्थापकांनी घेतली. न्यू इंग्लिश स्कूल तत्काळ प्रसिद्ध झाले. महाराष्ट्राच्या कानाकोपऱ्यातून पालक आपल्या मुलांना त्या शाळेत पाठवू लागले. १८८०-१८८६ दरम्यानची जगन्नाथ शंकरशेठ शिष्यवृत्ती याच शाळेच्या विद्यार्थ्यांनी मिळाली.न्यू इंग्लिश स्कूल ही शाळा अनेक वर्षे पुण्यातील कसबा पेठ आणि बुधवार पेठ यांच्या सरहद्दीवर असलेल्या नाना हौदासमोरच्या नाना फडणिसांच्या वाड्यात भरत असे. शेजारील वसंत टॉकीजमध्ये चालू असणाऱ्या चित्रपटांच्या आवाजाचा गोंधळ वाढू लागल्याने ही शाळा पुण्यातील टिळक रस्त्यावरील न्यू ग्राउंड येथे नेली गेली, तिथेच ती सध्या आहे. ही शाळा डेक्कन एज्युकेशन सोसायटी चालवते. याच सोसायटीच्या पुण्यात नवीन मराठी शाळा, न्यू इंग्लिश स्कूल(रमणबाग), अहिल्यादेवी हायस्कूल, बृहन्महाराष्ट्र कॉमर्स कॉलेज आणि फर्ग्युसन कॉलेज या संस्था आहेत.