के ई एम हॉस्पिटल अँड रिसर्च सेंटर हे एक पुण्यातले जुने रुग्णालय आहे. हे रुग्णालय मुळात सरदार श्रीनिवास मुदलियार यांनी सुरू केलेले चार खाटांचे धर्मार्थ प्रसूतीगृह होते. पुढे याचे नाव किंग एडवर्ड मेमोरिअल हॉस्पिटल असे ठेवण्यात आले. १९४४ साली येथे ४० खाटांचे रुग्णालय, एक शस्त्रक्रिया-गृह, एक प्रसूतिगृह व परिचारिका निवास होते. १९४४ मध्ये डॉ.बानू कोयाजी या रुग्णालयात वैद्यकीय अधिकारी म्हणून रुजू झाल्या. १९६७ मध्ये रुग्णालय २०० खाटांचे झाले व तिथे वैद्यकीय, शल्यचिकित्सा व बालरोग हे नवीन विभाग सुरू झाले.
सध्या(सन २०११) रुग्णालयात ५५० खाटा आहेत व रुग्णसेवेबरोबर वैद्यकीय शिक्षण सुरू झाले आहे.
