ऑक्टोबर १२

<<	ऑक्टोबर २०२४					>>
सो	मं	बु	गु	शु	श	र
			१	२	३	४
५	६	७	८	९	१०	११
१२	१३	१४	१५	१६	१७	१८
१९	२०	२१	२२	२३	२४	२५
२६	२७	२८	२९	३०	३१

ऑक्टोबर १२ हा ग्रेगरी दिनदर्शिकेनुसार वर्षातील २८५ वा किंवा लीप वर्षात २८६ वा दिवस असतो.

ठळक घटना आणि घडामोडी

इ.स.पू. सहावे शतक

५३९ - महान सायरसच्या सैन्याने बॅबिलॉन जिंकले.

तेरावे शतक

१२७९ - निचिरेनने आपल्या दाइ-गोहोन्झोन या ग्रंथाची रचना केली.

पंधरावे शतक

१४९२ - ख्रिस्तोफर कोलंबस हा अमेरिकेजवळच्या बहामास द्वीपसमूहात पोचला. त्याला आपण भारतात पोचलो आहोत असे वाटले.

सतरावे शतक

१६९२ - मॅसेच्युसेट्सच्या गव्हर्नर विल्यम फिप्सने खरमरीत पत्र पाठवून सेलमच्या चेटकिणींचे खटले बंद करवले.

एकोणिसावे शतक

१८१० - ऑक्टोबरफेस्ट - म्युनिकच्या राजघराण्याने आपल्या राजकुमाराच्या लग्नाप्रीत्यर्थ म्युनिकच्या जनतेला बियर पिण्यास मुक्त आमंत्रण दिले. यातून ऑक्टोबरफेस्टची सुरुवात झाली.
१८२२ - पेद्रो पहिला ब्राझीलचा सम्राट झाला.
१८२३ - चार्ल्स मॅकिंटॉशने स्कॉटलॅंडमध्ये पहिला रेनकोट विकला.
१८७१ - भारतात ब्रिटिश सरकारने क्रिमिनल ट्राइब्स ॲक्ट या कायद्याद्वारे १६१ जाती व जमातींना गुन्हेगारी जमाती ठरविले. हा कायदा १९४९मध्ये रद्द केला गेला.

विसावे शतक

१९०१ - अमेरिकेचे राष्ट्राध्यक्ष थियोडोर रुझवेल्टने राष्ट्राध्यक्षीय निवासस्थानाचे नाव एक्झिक्यूटिव्ह मॅन्शन बदलून व्हाईट हाऊस केले.
१९१५ - पहिले महायुद्ध - दोस्त राष्ट्रांच्या सैनिकांना बेल्जियममधून पळून जाण्यास मदत केल्याबद्दल जर्मनीच्या सैन्याने परिचारिका इडिथ कॅव्हेलला गोळ्या घालून मृत्युदंड दिला.
१९१७ - पाशेंडेलेची पहिली लढाई - न्यू झीलंडच्या इतिहासताली सगळ्यात मोठी जीवितहानी.
१९१८ - मिनेसोटात लागलेल्या वणव्यात ४५३ व्यक्ती मृत्युमुखी.
१९२८ - चिल्ड्रन्स हॉस्पिटल, बॉस्टनमध्ये सर्वप्रथम कृत्रिम फुफ्फुसाचा उपयोग.
१९६० - संयुक्त राष्ट्रांसमोर भाषण करताना सोवियेत संघाच्या राष्ट्राध्यक्ष निकिता क्रुश्चेव्हने टेबलावर जोडा आपटून आपला मुद्दा ठासवला.
१९६२ - अमेरिकेच्या वायव्य भागातील वादळात ४६ ठार, २.३ कोटी अमेरिकन डॉलरचे नुकसान.
१९६८ - विषुववृत्तीय गिनीला स्पेनपासून स्वातंत्र्य.
१९७९ - द हिचहायकर्स गाइड टू द गॅलेक्सी हे पुस्तक प्रकाशित.
१९८३ - लॉकहीड कॉर्पोरेशनकडून दोन कोटी अमेरिकन डॉलरची लाच घेतल्या बद्दल जपानच्या पंतप्रधान तनाका काकुऐला चार वर्षांचा कारावास.
१९८४ - प्रोव्हिजनल आयरिश रिपब्लिकन आर्मी या दहशतवादी संघटनेने युनायटेड किंग्डमच्या पंतप्रधान मार्गारेट थॅचर व तिच्या मंत्रीमंडळावर बॉम्बहल्ला केला. पाच ठार, थॅचर बचावली.
१९८८ - जाफना विद्यापीठात एल.टी.टी.ई.च्या नेत्याला पकडण्यासाठी गेलेल्या भारतीय शांती सेनेच्या पथकावर गिनिमी काव्याने हल्ला. भारतीय पथकाचे अतोनात नुकसान.
१९९१ - असकार अकायेव किर्गिझस्तानच्या राष्ट्राध्यक्षपदी बिनविरोध नियुक्त.
१९९७ - अल्जीरियामध्ये पोलीस असल्याचे भासवून दहशतवाद्यांनी ४३ व्यक्तींची हत्या केली.
१९९९ - परवेझ मुशर्रफने नवाझ शरीफचे सरकार उलथवून पाकिस्तानची सत्ता हस्तगत केली.

एकविसावे शतक

२००० - अमेरिकेच्या युद्धनौका यू.एस.एस. कोलवर दहशतवाद्यांनी हल्ला चढवला. १७ अमेरिकन सैनिक ठार, ३९ जखमी.
२००२ - दहशतवाद्यांनी बालीतील दोन बारमध्ये बॉम्बस्फोट घडवून आणले. २०२ ठार, ३०० जखमी.

जन्म

मृत्यू

६३८ - पोप ऑनरियस पहिला.
६४२ - पोप जॉन चौथा.
१५७६ - मॅक्सिमिलियन दुसरा, पवित्र रोमन सम्राट.
१७३० - फ्रेडरिक चौथा, डेन्मार्कचा राजा.
१९६७ - राम मनोहर लोहिया, भारतीय नेता.

प्रतिवार्षिक पालन

स्वातंत्र्य दिन - विषुववृत्तीय गिनी.
मातृ दिन - मलावी.
हिस्पॅनिक दिन - स्पेन.
कोलंबस दिन - अमेरिकेची संयुक्त संस्थाने.
स्थानिक संघर्ष दिन - व्हेनेझुएला.
बाल दिन - ब्राझिल.

बाह्य दुवे

बीबीसी न्यूजवर ऑक्टोबर १२ च्या विशेष घटना (इंग्रजी मजकूर)

ऑक्टोबर १० - ऑक्टोबर ११ - ऑक्टोबर १२ - ऑक्टोबर १३ - ऑक्टोबर १४ - ऑक्टोबर महिना