मे २२

मे २२ हा ग्रेगरी दिनदर्शिकेनुसार वर्षातील १४२ वा किंवा लीप वर्षात १४३ वा दिवस असतो.

<<	मे २०२४					>>
सो	मं	बु	गु	शु	श	र
१	२	३	४	५	६	७
८	९	१०	११	१२	१३	१४
१५	१६	१७	१८	१९	२०	२१
२२	२३	२४	२५	२६	२७	२८
२९	३०	३१

ठळक घटना आणि घडामोडी[संपादन]

बारावे शतक[संपादन]

११७६ - इराकी सम्राट सलाद्दीन वर खूनी हल्ला.

चौदावे शतक[संपादन]

१३७७ - पोप ग्रेगोरी अकराव्याने पाच पोपचे फतवे काढून इंग्लिश तत्त्वज्ञानी जॉन वायक्लिफची मते खोडून काढण्याचा प्रयत्न केला.

अठरावे शतक[संपादन]

१७६२ - स्वीडन व प्रशिया मध्ये हॅम्बुर्गचा तह.

एकोणिसावे शतक[संपादन]

१८०७ - अमेरिकेत ज्युरीने भूतपूर्व उपाध्यक्ष एरन बरवर देशद्रोहाचा आरोप ठेवला.
१८५६ - अमेरिकन काँग्रेसमध्ये गुलामगिरी विरुद्ध भाषण केल्या बद्दल मॅसेच्युसेट्सच्या सेनेटर चार्ल्स सम्नरला दक्षिण कॅरोलिनाच्या सेनेटर प्रेस्टन ब्रूक्सने कॉॅंग्रेसच्या आवारातच छडीने चोप दिला.
१८७२ - अमेरिकेच्या राष्ट्राध्यक्ष युलिसिस एस. ग्रॅंटने अमेरिकन गृहयुद्धात दक्षिणेकडून लढलेल्या वा दक्षिणेबद्दल सहानुभूती असलेल्या ५०० व्यक्तींना माफी जाहीर केली.

विसावे शतक[संपादन]

१९०६ - अथेन्समध्ये तिसरे ऑलिंपिक खेळ सुरू. काही काळानंतर यांची अधिकृत खेळ म्हणून मान्याता काढून घेण्यात आली.
१९०६ - राइट बंधूंना त्यांच्या उडणाऱ्या यंत्रासाठी पेटंट देण्यात आला.
१९१५ - स्कॉटलंडच्या ग्रेटना ग्रीन शहराजवळ चार रेल्वे गाड्यांची एकमेकांस धडक. २२७ ठार, २४६ जखमी.
१९३६ - आयर्लंडची राष्ट्रीय एरलाईन एर लिंगसची स्थापना.
१९३९ - जर्मनी व इटलीत पोलादी तह.
१९४२ - दुसरे महायुद्ध - मेक्सिकोने दोस्त राष्ट्रांच्या बाजूने युद्धात पदार्पण केले.
१९६० - चिली देशात आजतगायत नोंदण्यात आलेला सगळ्यात तीव्र भूकंप झाला. रिश्टर मापनपद्धतीनुसार याची तीव्रता ९.५ होती.
१९६२ - कॉन्टिनेन्टल एरलाइन्स फ्लाइट ११ या बोईंग ७०७ प्रकारच्या विमानात बॉम्बस्फोट. ४५ ठार.
१९६८ - अमेरिकेची परमाणुचलित पाणबुडी यु.एस.एस. स्कॉर्पियन एझोर्स बेटांजवळ ९९ खलाशी व अधिकाऱ्यांसहित बुडाली.
१९७२ - श्रीलंकेने नवीन संविधान अंगिकारले.
१९९० - उत्तर यमन व दक्षिण यमन यमनचे प्रजासत्ताक या नावाने एकत्र झाले.

एकविसावे शतक[संपादन]

२००४ - अमेरिकेच्या नेब्रास्का राज्यातील हलाम या गावात एफ.४ टोर्नेडो. ४ कि.मी. रुंदी असलेल्या या टोर्नेडोने सगळे गाव नेस्तनाबूद केले. आधीच धोक्याची सूचना मिळाल्यामुळे फक्त एक नागरिक ठार.
२००४ - भारताचे पंतप्रधान म्हणून मनमोहन सिंग यांचा शपथविधी.
२००९ - भारताचे पंतप्रधान म्हणून मनमोहन सिंग यांचा दुसऱ्यांदा शपथविधी.
२०११ - अमेरिकेच्या मिसूरी राज्यातील जॉपलिन शहरात एफ.५ टोर्नेडो. २ कि.मी. रुंदी असलेल्या या टोर्नेडोने अर्धे शहर नेस्तनाबूद केले. वीस मिनिटांपूर्वी धोक्याची सूचना मिळूनही ११६ ठार.
२०११ - पाकिस्तानच्या कराची शहरातील पी.एन.एस. मेहरान या नाविकी तळावर तालिबान आणि बलूची अतिरेक्यांनी हल्ला चढवला. सोळा सैनिक आणि सहा अतिरेकी ठार. पाकिस्तानच्या अनेक लढाऊ आणि सर्वेक्षक विमानांचे नुकसान.