द ग्रेटेस्ट इंडियन

विकिपीडिया, मुक्‍त ज्ञानकोशातून
(सर्वात महान भारतीय (सर्वेक्षण) या पानावरून पुनर्निर्देशित)
Jump to navigation Jump to search
सर्वात महान भारतीय - डॉ. बाबासाहेब आंबेडकर

द ग्रेटेस्ट इंडियन (मराठी: सर्वात महान भारतीय किंवा सर्वश्रेष्ठ भारतीय) हे सीएनएन आयबीएन आणि हिस्ट्री टिव्ही१८ या दुरचित्रवाहिन्यांसोबत आऊटलुक मॅगझीन व रिलायंस मोबाईलद्वारे आयोजित केले गेलेले सन २०१२ चे एक सर्वेक्षण होते. भारतीय जनतेच्या आयुष्यात क्रांतिकारी बदल घडवून आणणारा भारतीय स्वातंत्र्यानंतरचा (१९४७) आणि महात्मा गांधी यांच्यानंतरचा ‘सर्वात महान भारतीय कोण’? या संकल्पनेवर जून इ.स. २०१२ ते ऑगस्ट इ.स. २०१२ दरम्यान हे सर्वेक्षण आयोजित करण्यात आले होते.[१] ११ ऑगस्ट २०१२ रोजी या सर्वेक्षणाचे निष्कर्ष जाहीर होऊन डॉ. बाबासाहेब आंबेडकर यांना 'द ग्रेटेस्ट इंडियन' म्हणून घोषित केले गेले.[२][३][४][५][६]

जनमत चाचणी[संपादन]

सीएनएन-आयबीएन व हिस्ट्री 18 या नामांकित दूरचित्रवाहिन्यांच्या पुढाकारातून हे सर्वेक्षण केले गेले. यासाठी वेगवेगळ्या क्षेत्रातील २८ नामांकित व्यक्तींना ज्यूरी म्हणून नेमण्यात आले. भारताला स्वातंत्र्य मिळाल्यानंतर भारतीय समाजजीवनाच्या वेगवेगळ्या क्षेत्रातील १०० नामवंतांची यादी केली, ज्यूरींनी यातील ५० नावे निवडून यामधून सर्वात महान भारतीय कोण? असा सवाल जनतेसमोर ठेवला होता. दूरध्वनी, मोबाईल फोनइंटरनेटद्वारे मत नोंदविण्याचे आवाहन करण्यात आले. सर्वेक्षणासाठी एसी नेल्सन या कंपनीची मदत घेण्यात आली. या कंपनीने भारतातील १५ शहरातील नागरिकांची मते दोन टप्प्यात जाणून घेतली. ज्युरीतील सदस्यांनाही आपापला पसंतीक्रम नोंदविण्यास सांगण्यात आलं होते. लोकांची मते, मार्केट रिसर्च आणि ज्यूरीची मते अशा सर्वेक्षणाच्या तीन पद्धतीतून निघालेले निष्कर्ष वेगवेगळे आहेत. मात्र तिन्ही सर्वेक्षणाचा एकंदरीत निष्कर्ष डॉ. बाबासाहेब आंबेडकरांना 'द ग्रेटेस्ट इंडियन' ठरवून गेला आहे. एकंदरीत निष्कर्षात पहिल्या दहामध्ये (सर्वोत्तम दहा) बाबासाहेबांनंतर एपीजे अब्दुल कलाम, वल्लभभाई पटेल, जवाहरलाल नेहरू, मदर तेरेसा, जे.आर.डी. टाटा, इंदिरा गांधी, सचिन तेंडुलकर, अटलबिहारी वाजपेयी आणि लता मंगेशकर यांच्या नावाला पसंती मिळाली होती. सर्वसामान्य लोकांनी डॉ. बाबासाहेब आंबेडकरांना 'द ग्रेटेस्ट इंडियन' ठरविले. लोकांच्या मतांमध्ये बाबासाहेब पहिल्या, अब्दुल कलाम दुसऱ्या, तर वल्लभभाई पटेल तिसऱ्या क्रमांकावर आहेत. एकूण सर्वेक्षणात जवळपास दोन कोटी (२,००,००,०००) लोकांनी वेगवेगळ्या माध्यमातून आपली मते डॉ. बाबासाहेब आंबेडकरांना नोंदविल्याचा सीएनएन-आयबीएन व हिस्ट्री १८ या वाहिन्यांचा दावा आहे.[७]

पहिले १० सर्वात महान भारतीय[संपादन]

मिळालेल्या मतांसह पहिल्या १० (टॉप टेन) महान भारतीयांची यादी खालिलप्रमाणो आहे.[८][९] या सर्वांना भारतरत्न पुरस्काराने सन्मानित करण्यात आले आहे.[१०][११]

क्रम व्यक्तिमत्त्व प्रसिद्धी मते
डॉ. बाबासाहेब आंबेडकर Dr. Bhimrao Ambedkar.jpg डॉ. भीमराव रामजी आंबेडकर उपाख्य डॉ. बाबासाहेब आंबेडकर हे भारताचे पहिले कायदा मंत्रीभारतीय संविधानाचे शिल्पकार, दलित बौद्ध चळवळीचे जनक, भारतातील जातिप्रथा व अस्पृश्यता यांना त्यांनी विरोध केला. आंदोलनाचे नेते होते. त्यांना 'आधुनिक भारताचे निर्माता' म्हटले जाते. १९,९१,७३५
डॉ. ए.पी.जे. अब्दुल कलाम A. P. J. Abdul Kalam in 2008.jpg डॉक्टर ए. पी. जे. अब्दुल कलाम हे भारताचे अकरावे राष्ट्रपती होते, त्यांना 'मिसाईल मॅन' म्हणूनही ओळखले जाते. ते वैज्ञानिक आणि अभियंता (इंजीनियर) म्हणून विख्यात होते. १३,७४,४३१
वल्लभभाई पटेल Sardar patel (cropped).jpg वल्लभभाई पटेल हे स्वतंत्रता सेनानी, भारताचे पहिले गृहमंत्री आणि पहिले उपपंतप्रधान होते. बारडोली सत्याग्रहाचे नेतृत्व केलेल्या पटेलांना तेथील महिलांनी 'सरदार' ही उपाधी दिली.  ५,५८,५३५
जवाहरलाल नेहरू Jnehru.jpg जवाहरलाल नेहरू हे भारताचे प्रथम प्रधानमंत्री होते आणि स्वातंत्र्य आधी आणि नंतरच्या भारतीय राजकारणामध्ये केंद्रीय व्यक्तिमत्त्व होते. सन १९४७ - १९६४ दरम्यान ते भारताचे पंतप्रधान होते. त्यांना आधुनिक भारतीय राष्ट्राचे शिल्पकार मानले जाते. ९,९२१
मदर तेरेसा MotherTeresa 090.jpg मदर तेरेसा ह्या रोमन कैथोलिक नन होत्या. रोमन कॅथोलिक चर्च द्वारे त्यांना कलकत्ताची संत तेरेसा असे घोषित केले आहे, त्यांचा जन्म अग्नेसे गोंकशे बोजशीयु नावाने एका अल्बेनीयाई परिवारात उस्कुब, उस्मान साम्राज्यात झाला होता. मदर तेरेसा ज्यांनी इ.स.१९४८ मध्ये स्वच्छेने भारतीय नागरीकत्व स्वीकारले होते. त्या समाजसेविका होत्या.  ९२,६४५
जे.आर.डी. टाटा J.R.D. Tata (1955).jpg जहांगीर रतनजी दादाभाई टाटा भारताचे वायुयान उद्योग आणि इतर उद्योगांचे अग्रणी होते. ते दशकांपर्यंत टाटा ग्रुपचे निर्देशक राहिले आणि इस्पात, इंजीनीयरींग, होट्ल, वायुयान आणि इतर उद्योगांचा भारतात विकास केला. इ.स. १९३२ मध्ये त्यांनी टाटा एयरलाइंस सुरु केली. भारतासाठी इंजीनियरिंग कंपनी उघडण्याच्या स्वप्नासोबत त्यांनी इ.स. १९४५ मध्ये टेल्कोची सुरूवात केली जी मूलतः इंजीनियरिंग आणि लोकोमोटिवसाठी होती. ५०,४०७
इंदिरा गांधी Indira Gandhi in 1967.jpg इंदिरा गांधी ह्या भारताच्या प्रथम आणि एकमेव महिला प्रधानमंत्री होत्या. त्या चार वेळा प्रधानमंत्री पदावर होत्या. त्यांना आयर्न लेडी (लोह महिला) म्हणून ओळखले जाते. १७,६४१
सचिन तेंडुलकर Sachin Tendulkar at MRF Promotion Event.jpg सचिन रमेश तेंडुलकर हे क्रिकेट विश्वातील सर्वश्रेष्ठ फलंदाज व गोलंदाज म्हणून ओळखले जातात. त्यांनी कसोटी व एकदिवसीय क्रिकेट सामन्यात सर्वाधिक शतक मिळवण्याचा विक्रम केला. ते कसोटी क्रिकेट मध्ये सर्वाधिक धावा काढणारे फलंदाज म्हणून ओळखले जातात. तसेच त्याच्या नावावर कसोटी सामन्यात १४,००० धावा करण्याचा विश्वविक्रम आहे. एकदिवसीय सामन्यातही त्यांची कामगिरी सर्वोत्तम आहे. ४७,७०६
अटल बिहारी वाजपेयी Ab vajpayee.jpg अटल बिहारी वाजपेयी हे भारताचे माजी प्रधानमंत्री होते. ते भारतीय जनता पक्षाचे नेते, हिंदी कवी, पत्रकार व प्रखर वक्ते सुद्धा होते. ते भारतीय जनसंघाची स्थापना करण्यात त्यांचा सहभाग होता आणि इ.स. १९६८ ते इ.स. १९७३ पर्यंत त्याचे अध्यक्ष सुद्धा राहिले. ते आयुष्यभर भारतीय राजकारणात सक्रिय राहिले. १,६७,३७८
१० लता मंगेशकर Lata.Mangeshkar.jpg लता मंगेशकर, भारताची सर्वात लोकप्रिय गायिका आहे, ज्यांचा सहा दशकांचा प्रदिर्घ गायन कार्यकाळ आहे. त्यांनी जवळजवळ तीस पेक्षा जास्त भाषांत चित्रपट आणि अ-चित्रपट गाणे गायली आहेत. त्यांची ओळख भारतीय सिनेमात एक पार्श्वगायक म्हणून राहिलेली आहे. ११,५२०

मूळ ५० महान भारतीयांची यादी[संपादन]

सर्वेक्षणासाठी निवडलेल्या मूळ ५० भारतीयांची यादी[१][१२]

  1. डॉ. बाबासाहेब आंबेडकर
  2. ए.पी.जे. अब्दुल कलाम
  3. जवाहरलाल नेहरू
  4. जयप्रकाश नारायण
  5. अटल बिहारी वाजपेयी
  6. वल्लभभाई पटेल
  7. कांशीराम
  8. राम मनोहर लोहिया
  9. राजगोपालाचारी
  10. सैम मानेकशॉ
  11. बाबा आमटे
  12. मदर तेरेसा
  13. इला भट्ट
  14. विनोबा भावे
  15. कमलादेवी चट्टोपाध्याय
  16. रवि शंकर
  17. एम.एस. सुब्बुलक्ष्मी
  18. मकबूल फिदा हुसैन
  19. बिस्मिल्ला खान
  20. आर.के. नारायण
  21. आर.के. लक्ष्मण
  22. बी. लालकृष्ण एस. अयंगर
  23. अमिताभ बच्चन
  24. राज कपूर
  25. कमल हासन
  26. सत्यजीत रे
  27. लता मंगेशकर
  28. ए.आर. रहमान
  29. किशोर कुमार
  30. दिलीप कुमार
  31. देव आनंद
  32. मोहम्मद रफी
  33. होमी भाभा
  34. धीरूभाई अंबानी
  35. वर्गीज कुरियन
  36. घनश्याम दास बिडला
  37. जहांगीर रतनजी दादाभाई टाटा
  38. एन. आर. नारायणमूर्ती
  39. विक्रम साराभाई
  40. एम. एस. स्वामीनाथन
  41. रामनाथ गोयनका
  42. अमर्त्य सेन
  43. ई श्रीधरन
  44. सचिन तेंडुलकर
  45. कपिल देव
  46. सुनील गावस्कर
  47. ध्यानचंद
  48. विश्वनाथन आनंद
  49. मिल्खा सिंग
  50. इंदिरा गांधी

हे सुद्धा पहा[संपादन]

बाह्य दुवे[संपादन]

संदर्भ आणि नोंदी[संपादन]

  1. a b "The Greatest Indian After Gandhi". https://www.outlookindia.com/. 2018-03-24 रोजी पाहिले. 
  2. ^ "डॉ.बाबासाहेब आंबेडकर 'द ग्रेटेस्ट इंडियन' | National - News18 Lokmat, Today's Latest Marathi News". lokmat.news18.com. 
  3. ^ "The Greatest Indian after Independence: BR Ambedkar". News18. 2018-03-24 रोजी पाहिले. 
  4. ^ "The Greatest Indian: Know all about BR Ambedkar". News18. 2018-03-24 रोजी पाहिले. 
  5. ^ "Watch: Why Ambedkar was voted as the greatest Indian - Firstpost". www.firstpost.com. 2018-03-24 रोजी पाहिले. 
  6. ^ "Dr B.R. Ambedkar voted as ‘Greatest Indian’". @businessline (en मजकूर). 2018-03-24 रोजी पाहिले. 
  7. ^ democracyandequality (2012-08-20). The Greatest INDIAN Dr. B. R. AMBEDKAR Part 1. 2018-03-24 रोजी पाहिले. 
  8. ^ "A Measure Of The Man | Outlook India Magazine". https://www.outlookindia.com/. 
  9. ^ Weekly METRO TIMES, Oct. 2014-15, page 51
  10. ^ Ambedkar Archive (2013-01-04). ▶ Nehru and Ambedkar: Was Ambedkar greater than Nehru and Patel || IBN DEBATE. 2018-03-24 रोजी पाहिले. 
  11. ^ indiainfoline.com. "Dr. B R Ambedkar is ‘The Greatest Indian after the Mahatma’" (en मजकूर). 2018-03-24 रोजी पाहिले. 
  12. ^ "History TV18 & CNN-IBN kick-off nationwide poll for 'The Greatest Indian'". www.bestmediaifo.com. 2018-03-24 रोजी पाहिले.