वसंत पंचमी

विकिपीडिया, मुक्‍त ज्ञानकोशातून
(वसंतपंचमी या पानावरून पुनर्निर्देशित)
Jump to navigation Jump to search
विशेष लेख
हा लेख मराठी विकिपिडीयावरील २[१]वा लेख आहे.
वसंत ऋतूत पळसाला आलेला बहर.
विद्येची देवता सरस्वतीची

वसंत पंचमी ही शिशिर ऋतूमध्ये येणारी माघ शुद्ध पंचमी होय.[२] वसंत पंचमीलाच श्रीपंचमी किंवा ज्ञानपंचमी म्हणतात. वसंत ऋतूला ऋतूंचा राजा असे मानले जाते. त्याचे स्वागत करण्याचा हा विशेष दिवस आहे.[३]

भारतात साधारणतः मकर संक्रांतीनंतर (खरेतर २१ डिसेंबरनंतर) सूर्याचे उत्तरायण सुरू होतानाच्या काळात येणारा हा सण आहे. भारतात वेगवेगळ्या प्रदेशात वेगवेगळ्या पद्धतीने साजरा होत असला तरी खास करून या दिवशी, नृत्यादि कला शिकवणाऱ्या संस्थांत, विद्येची देवता - सरस्वतीची पूजा करण्याची प्रथा आहे.[४] वसंत पंचमीपासून वसंत ऋतू सुरू झाला असे समजले जाते. [५] हा दिवस सरस्वतीचा जन्मदिवस आहे.[६] वसंत पंचमी ही कामदेवाच्या पूजेसाठीही ओळखली जात असे. सुफी परंपरेतील चिश्ती संप्रदायात हजरत निजामुद्दीन अवलियाचे शागीर्द मोहरीच्या पिवळ्या फुलांच्या रंगात बुडविलेली वस्त्रे नेसून हा सण साजरा करतात.[७] मध्ययुगात या दिवशी 'सुवसंतक' नावाचा उत्सव होत असे.[८]

कृषी संस्कृती[संपादन]

वसंत पंचमीचा कृषी संस्कृतीशी संबंध दिसून येतो[५]. या दिवशी नवान्न इष्टी असा एक छोटा यज्ञ करतात. शेतात तयार झालेल्या नवीन पिकाच्या लोंब्या घरात आणून त्या देवाला अर्पण करतात.

देवी सरस्वती जयंती[संपादन]

हा दिवस देवी सरस्वतीचा जन्मदिवस म्हणूनही साजरा केला जातो. एकदा फिरत असताना सृष्टी निर्माता ब्रह्मदेव यांना अवतीभवती शांतात वाटू लागली, त्यामुळे येथे काही कमतरता आहे असे वाटून त्यांच्या मुखातून वीणावादन करीत देवी सरस्वती प्रकट झाली अशी कथी प्रचलित आहे.[९]

  • नैवेद्याचे पदार्थ

वसंत पंचमीच्या दिवशी सरस्वती देवीला नैवेद्य दाखविण्यासाठी भारताच्या विविध प्रांतात बुंदीचे लाडू, नारळाची बर्फी, खिचडी, केशरी राजभोग, विविध प्रकारची भजी असे पदार्थ केले जातात आणि त्याचा प्रसाद म्हणून स्वीकार केला जातो.[१०]

दिनांक[संपादन]

गेल्या किंवा येत्या काही वर्षांतील वसंत पंचमीच्या तारखा :
सन २०२२ - ४ फेब्रुवारी,
सन २०२१ - १६ फेब्रुवारी[११]
सन २०२० - ३० जानेवारी, ३१ जानेवारी
सन २०१९ - फेब्रुवारी १०
सन २०१८ - जानेवारी २२

पेशवेकालीन उत्सव[संपादन]

पेशव्यांंच्या काळात हा उत्सव महाराष्टात उत्साहाने साजरा होत असे असा उल्लेख ब्राॅॅटन याने केला आहे. या दिवशी स्री-पुरुष आपल्या नातेवाइकांंना फुलांंचा अथवा हिरव्या देठाच्या धान्याच्या कणसांंचा गुच्छ भेट म्हणून देत. डोक्यावरील पागोट्यात तो कणसाचा तुरा रोवत असत. याच दिवशी पिवळ्या रंंगाचे वस्त्र परिधान करण्याचीही पद्धत होती. फुले, फळे, मिठाई यांंची देवाणघेवाण होत असे. वसंंत ॠतूची सन्मानपूर्वक पूजा हा मुख्य भाग असे.[१२]

बाजीराव पेशवे यांंच्या काळात सरदारांंसोबत हा उत्सव साजरा केला जाई. केशरी रंंगाची उधळण केली जात असे. ब्राह्मण, शास्त्री आणि अन्य सन्माननीय व्यक्तींंना भोजन, कलावंंतिणींंचे नृत्य असे उत्सवाचे स्वरूप असे.[१३]

कुंभमेळा[संपादन]

वसंत पंचमीचा दिवस हा कुंभमेळाप्रसंगी विशेष पवित्र मानला जातो. या दिवशी कुंभमेळ्यात शाही स्नान होते.[१४]

सूर्य मंदिर[संपादन]

बिहार राज्यातल्या औरंगाबाद जिल्ह्यातील देव नावाच्या गावामधील सूर्य मंदिरात असलेली देवतेची मूर्ती ही वसंत पंचमीच्या दिवशी स्थापन झाली असे मानले जाते. या दिवशी देवतेला स्नान घालतात आणि तिला जुनी वस्त्रे काढून नवी लाल वस्त्रे नेसवतात. भाविक मंडळी या दिवशी गीत, संगीत, नृत्य यांचे सादरीकरण करतात.[१५]


प्रेमाचे प्रतीक[संपादन]

मथुरा येथील बांके बिहारी मंदिरातील ४० दिवसीय होळी उत्सवाचा आरंभ या दिवशी केला जातो.[१६] प्रेमभावनेचे प्रतीक म्हणून हा दिवस साजरा केला जातो. लोक गुलाबी किंवा पिवळ्या रंगाची वस्त्रे परिधान करतात. या दिवशी आंब्याची पाने गुंफलेली फुलांची माळ, गजरे इत्यादी घालण्याची प्रथा आहे. लोक या दिवशी राधाकृष्ण, तसेच मदन आणि रती यांच्या प्रेमाची गीते गातात.[१७]

भारताच्या विविध प्रांतांत[संपादन]

मथुरा, वृंदावन, राजस्थान या भागात या दिवशी विशेष उत्सव साजरा केला जातो. या दिवशी गणपती, इंद्र, शिव आणि सूर्य यांची प्रार्थनाही होते. बंगाल प्रांतात या दिवशी भक्तिगीते म्हणत प्रभातफेरी काढतात.[१८][१९]

पश्चिम बंगालमध्ये या दिवशी सर्वजण पिवळी वस्त्रे परिधान करून सरस्वतीची पूजा करतात. देवीच्या पायाशी पुस्तके व लेखण्या ठेवून देवीचा आशीर्वाद घेतात. काही लोक उपासही करतात. सरस्वतीला फुले वाहतात. याला 'पुष्पांजली' असे म्हणतात. या दिवशी लहान मुलांच्या पाटीवर पहिली मुळाक्षरे काढून देऊन त्यांच्या शिक्षणाची सुरुवात करतात.[२०]

कोलकाता येथील पिवळ्या रंगाचे कपडे परिधान केलेली बालिका
  • राजस्थान - पिवळा पोशाख घालून, गोड जेवण करून, पिवळ्या रंगांच्या फुलांनी घराची सजावट करून हा उत्सव साजरा करतात. राजस्थानात मोगऱ्याच्या फुलांच्या माळा गळ्यात घालणे आवश्यक मानले जाते.[२१]
  • कुमाऊ पर्वतीय प्रदेशात या दिवशी महिला अपिवले वस्त्र परिधान करतात. पुरुष डोक्याला पिवळी टोपी अथवा रुमाल बांधतात.[२२]

सुफी संप्रदायात[संपादन]

लोचन सिंग बक्षी यांच्या मतानुसार, बाराव्या शतकात भारतीय सुफी मुस्लिम व्यक्तींनी ह्या हिंदू उत्सवाचा स्वीकार केल्याचे दिसते. चिश्ती संप्रदायानुसार आमीर खुस्रो यांनी एका हिंदू महिलेला या दिवशी पिवळी साडी नेसून मंदिरात गेल्याचे पाहून या संप्रदायाने ही पद्धत स्वीकारली असे मानले जाते.[२३]

शीख संप्रदायात[संपादन]

वसंत ऋतूचा प्रारंभ म्हणून शीख संप्रदाय हा दिवस उत्सव म्हणून साजरा करतो. गुरुद्वारामध्ये सामाजिक उत्सव म्हणून या दिवसाचे आयोजन करण्याची पद्धत महाराजा रणजीतसिंग यांनी सुरू केली. या उत्सवाचा भाग म्हणून पतंग उत्सव करणे. या उत्सवाची सुरुवात अमृतसरमधील हरमंदिर साहिब गुरुद्वारा येथून झाली. महाराजांच्या दरबारातील विशेष कार्यक्रम या दिवशी होत असे आणि त्या दिवशी त्यांचे मंत्री आणि सैनिक पिवळ्या रंगाचा पोशाख परिधान करीत असत.[२४]

भारताबाहेर[संपादन]

भारतातीलच नव्हे तर फाळणीनंतर पाकिस्तानात गेलेल्या पश्चिम पंजाबातसुद्धा वसंतपंचमी ही पतंगोत्सवाच्या स्वरूपात साजरी केली जाते. शेतातील सरसों (मोहरी)ची फुले पिवळी जर्द झाल्यावर नदीकाठी पंजाबात हा दिवस साजरा केला जातो. या दिवशी केशर घातलेला गोड भात खाण्याची पद्धत आहे.[२५] [२६]

बालीमध्ये हरी राया सरस्वती या नावाने ही उत्सव साजरा होतो. मंदिरे, शिक्षण संस्था, सार्वजनिक ठिकाणे येथे सकाळपासून दुपारपर्यंत प्रार्थना म्हटल्या जातात. नेहमीच्या पोशाखापेक्षा विद्यार्थी व शिक्षक गडद रंगाचे पोशाख परिधान करतात. मंदिरांत आणि देवळांत पक्वान्ने प्रसाद म्हणून दिली जातात.[२७]

चित्रदालन[संपादन]

बाह्यदुवे[संपादन]

संदर्भ आणि नोंदी[संपादन]

  1. ^ हा लेख या दिवशी लिहिला गेला.
  2. ^ "Basant Panchami 2022: बसंत पंचमी पर मां सरस्वती को अर्पित करें ये सामग्री, मिलेगा सफलता का वरदान". Dainik Jagran (हिंदी भाषेत). 2022-02-01 रोजी पाहिले.
  3. ^ Murray (Firm), John; Eastwick, Edward Backhouse (1881). Handbook of the Bombay Presidency: With an Account of Bombay City (इंग्रजी भाषेत). J. Murray.
  4. ^ "Basant Panchami 2022 : 5 फरवरी को मनेगा बसंत पंचमी का त्योहार, नोट कर लें पूजा का शुभ मुहूर्त और संपूर्ण पूजन विधि". Hindustan (hindi भाषेत). 2022-02-03 रोजी पाहिले.CS1 maint: unrecognized language (link)
  5. ^ a b Sharma, S. P.; Gupta, Seema (2006). Fairs and Festivals of India (इंग्रजी भाषेत). Pustak Mahal. ISBN 9788122309515.
  6. ^ Misra, Munindra (2019-08-13). Mantra Stuti Stotra Collection In English Rhyme (इंग्रजी भाषेत). Munindra Misra via PublishDrive.
  7. ^ Alexander, Skye (2019-12-03). Your Goddess Year: A Week-by-Week Guide to Invoking the Divine Feminine (इंग्रजी भाषेत). Simon and Schuster. ISBN 978-1-5072-1105-2.
  8. ^ जोशी महादेवशास्त्री ,भारतीय संस्कृती कोश खंड आठवा, पृष्ठ ५२३
  9. ^ "वसंत पंचमी सरस्वती पूजा कधी? तारीख व मुहूर्त जाणून घ्या..." Maharashtra Times. 2022-02-03 रोजी पाहिले.
  10. ^ "Vasant Panchami Food Dishes: वसंत पंचमी पर इन पारंपरिक फूड डिशेस से फेस्टिवल करें सेलिब्रेट". News18 हिंदी (हिंदी भाषेत). 2022-01-31. 2022-02-01 रोजी पाहिले.
  11. ^ Misra, Munindra (2019-08-13). Mantra Stuti Stotra Collection In English Rhyme (इंग्रजी भाषेत). Munindra Misra via PublishDrive.
  12. ^ डाॅॅ.कर्णिक शशिकांंत, पेशवेकालीन महाराष्ट्रातील सामाजिक व आर्थिक जीवन,इतिहास आणि संंस्कृृती,१९८६,पृृष्ठ ७४—७५
  13. ^ डाॅॅ.पाटील रत्नप्रभा, पेशवे आणि मराठे सरदार घराण्यातील स्रियांंचे धार्मिक जीवन,२००७,श्वेता पब्लिकेशन्स,पृृष्ठ ७२
  14. ^ "Kumbh Shahi Snan 2019: बसंत पंचमी पर तीसरा शाही स्नान आज, 2 करोड़ से अधिक श्रद्धालुओं के डुबकी लगाने का अनुमान". १०. २. २०१९. |date= मधील दिनांक मूल्ये तपासा (सहाय्य)
  15. ^ Anirudha Behari Saran; Gaya Pandey (1992). Sun Worship in India: A Study of Deo Sun-Shrine. Northern Book Centre. p. 68. ISBN 978-81-7211-030-7.
  16. ^ "ब्रज की होली: वसंत पंचमी पर वृंदावन के बांकेबिहारी मंदिर में उड़ेगा गुलाल, 40 दिवसीय रंगोत्सव की होगी शुरुआत". Amar Ujala (हिंदी भाषेत). 2022-02-01 रोजी पाहिले.
  17. ^ Roy, Christian. Traditional Festivals: A Multicultural Encyclopedia. ABC-CLIO. Vol.2. pp. 192-195. 2005. ISBN 9781576070895 Vema, Manish. Fast and Festivals of India. Diamond Pocket Books. p.72. 2000. ISBN 9788171820764
  18. ^ भारतीय संस्कृती कोश खंड आठ 
  19. ^ शक्ती गुप्ता , Festivals fairs and fasts of India
  20. ^ "Basant Panchami: कल है बसंत पंचमी का पर्व, जानें शुभ मुहूर्त, महत्व और भोग". NDTV Food (हिंदी भाषेत). 2021-02-16 रोजी पाहिले.
  21. ^ Journal of the Indian Anthropological Society, Volume 30 (1995)
  22. ^ Girirajshah, Dr; Shah, Dr Sarita. Parikrama Uttrakhand (हिंदी भाषेत). Diamond Pocket Books (P) Ltd. ISBN 978-81-288-0224-9.
  23. ^ Lochan Singh Buxi (1994). Prominent Mystic Poets of Punjab: Representative Sufi Poetry in Punjabi, with English Rendering. pp. 49–50. ISBN 978-81-230-0256-9.
  24. ^ Hari Ram Gupta (1991). History of the Sikhs: The Sikh lion of Lahore, Maharaja Ranjit Singh, 1799-1839. Munshiram Manoharlal.
  25. ^ Nikita Desai (2010). A Different Freedom: Kite Flying in Western India; Culture and Tradition. Cambridge Scholars Publishing. pp. 32–34, 60, 99–100, 151. ISBN 978-1-4438-2310-4.
  26. ^ शक्ती गुप्ता festivals fairs and fasts of India
  27. ^ "Bali Cultural Ceremony and Ritual". Balispirit.com. Retrieved 2017-10-08.