गुरुपौर्णिमा

विकिपीडिया, मुक्‍त ज्ञानकोशातून
चित्र:Ekalavya's Guru Dakshina.jpg
एकलव्य

गुरुपौर्णिमा ही एक परंपरा आहे जी सर्व आध्यात्मिक आणि शैक्षणिक गुरूंना समर्पित आहे.[१] हे गुरू उत्क्रांत किंवा प्रबुद्ध मानव मानले जातात जे कर्मयोगावर आधारित त्यांचे ज्ञान शिष्यांना देतात. [२] गुरुपौर्णिमेचा सण भारत, नेपाळ आणि भूतानमध्ये हिंदू, जैन आणि बौद्ध धर्मीयांद्वारे साजरा केला जातो. गुरुपौर्णिमा ही पारंपारिकपणे एखाद्याच्या निवडलेल्या आध्यात्मिक शिक्षकांचा किंवा नेत्यांचा सन्मान करण्यासाठी साजरी केली जाते.

हिंदू दिनदर्शिकेप्रमाणे आषाढ (जून-जुलै) या हिंदू महिन्यात पौर्णिमेच्या दिवशी हा सण साजरा केला जातो. [३] [४] महात्मा गांधी यांनी त्यांचे आध्यात्मिक गुरू श्रीमद राजचंद्र यांना श्रद्धांजली अर्पण करण्यासाठी या उत्सवाचे पुनरुज्जीवन केले. [५] याला व्यास पौर्णिमा असेही म्हणतात. [६] कारण हा दिवस म्हणजे महाभारताचे लेखक आणि वेद संकलित करणारे ऋषी वेद व्यास यांचा जन्मदिवस आहे. [७] म्हणून या दिवशी व्यास यांची पूजा करण्याची प्रथा आहे.[८]

चित्र:Shukracharya and Kacha.jpg
शुक्राचार्य आणि कच

हिंदू धर्म[संपादन]

गुरुपौर्णिमा म्हणजे एक प्राचीन काळापासून चालत असलेली परंपरा आहे. गुरूंबद्दल पुढील श्लोकात वर्णन केले आहे :

गुरुर्ब्रह्मा गुरुर्विष्णुः, गुरुर्देवो महेश्वरः।
गुरुर्साक्षात परब्रह्म, तस्मै श्रीगुरवे नमः।।

वैदिक परंपरेत व्यक्तीपूजन, ग्रंथपूजन नाही तर तत्वांचे पूजन आणि तत्वांचे पालन यांना महत्त्व दिले आहे. गुरू म्हणजे एखाद्या व्यक्तीपेक्षा अधिक ज्ञानी, तापसी, आदरणीय अवस्था असते. गुरू ही कदाचित एखादी व्यक्ती, प्रतिमा, पुतळा असे काहीही असू शकते.

महर्षि व्यास हे भारतीय संस्कृतीचे शिल्पकार आणि मूलाधार होत. भारतीय संस्कृतीची मूळ संकल्पना आणि पुढची जोपासना व्यासांनीच केली आहे.[९] व्यासांनी वेदांचे नीटपणे विभाजन आणि संपादन केले. पूर्वी वेद एकच होता, त्याचे चार भाग व्यासांनी केले. व्यासांनी महाभारत लिहिले महाभारत हा जगातील सर्वश्रेष्ठ व अलौकिक ग्रंथ आहे. महाभारतात धर्मशास्त्र, नीतिशास्त्र, व्यवहारशास्त्र आणि मानसशास्त्रही आहे. महाभारताची रचना करणारे व्यास त्या कथेशी फार जवळून संबंधित होते.[१०] महान ऋषी पराशर यांच्या सहवासात मत्सगंधेला पुत्रप्राप्ती झाली. त्यांनाच आपण वेदव्यास या नावाने ओळखतो. मत्सगंधा पुढे हस्तिनापुर राज्याचे राजा शंतनू यांची पत्नी झाली, त्यांनाच आपण देवी सत्यवती या नावाने ओळखतो. देवी सत्यवतीला कौमार्यावस्थेत झालेला पुत्र म्हणजे व्यास होय.[११] पुढे सत्यवती हस्तिनापूरची राणी झाली. हा पुत्र व्दैपायन नावाच्या बेटावर राहत त्यामुळे त्यांचे नाव कृष्ण व्दैपायन असे पडले.[ संदर्भ हवा ] ऋषी पराशर यांचे पुत्र असल्यामुळे त्यांना पाराशर या नावाने सुद्धा ओळखले जाते.

बौद्ध धर्म[संपादन]

बोधी प्राप्तीनंतर गौतम बुद्धांनी आपला प्रथम धर्मोपदेश सारनाथ येथे कौण्डिण्य, वप्प, भद्दीय, अस्सजि आणि महानाम या पाच भिख्खूंना दिला. बौद्ध इतिहासामध्ये पहिल्या धर्मोपदेशाला धम्मचक्र प्रवर्तन सूत्राने संबोधिले जाते आणि पाच भिक्षूंना पंचवर्गीय भिक्षू म्हणून ओळखले जाते. आषाढ पौर्णिमेच्या ज्या दिवशी बुद्धांनी पाच भिक्षूंना पहिला धर्मोपदेश दिला, ती पौर्णिमा आज गुरुपौर्णिमेच्या नावाने प्रचलित आहे. आषाढ पौर्णिमा कंबोडिया, थायलंड, श्रीलंका, लाओस, म्यानमार आणि वेगवेगळ्या देशामंध्ये साजरी केली जाते.[१२]

अन्य[संपादन]

व्यासपूजन करण्याच्या जोडीने व्यक्तीला जीवनात मार्गदर्शन करणाऱ्या विविध गुरुजनांचे पूजन यादिवशी केले जाते.[१३][१४] शाळा, महाविद्यालयातले शिक्षक, आध्यात्मिक गुरू, कला-विद्या यात मार्गदर्शन करणारे शिक्षक यांच्याविषयी कृतज्ञता व्यक्त केली जाते.[१५]

संदर्भ[संपादन]

  1. ^ Jackson, Chris; Kozlowski, Frances (2013-08-21). Driven by the Divine: A Seven-Year Journey with Shivalinga Swamy and Vinnuacharya (इंग्रजी भाषेत). BalboaPress. ISBN 9781452578934.
  2. ^ "Guru Purnima to be observed tomorrow: Know significance, time, tithi". Hindustan Times (इंग्रजी भाषेत). 2021-07-23. 2021-07-23 रोजी पाहिले.
  3. ^ गुरू पूर्णिमा - Guru Purnima: https://www.bhaktibharat.com/festival/guru-purnima
  4. ^ Article poornima.html "Guru Poornima (Vyas Puja)" Archived 2020-01-24 at the Wayback Machine. As on 22 July 2013 on www.
  5. ^ Thomas Weber (2 December 2004). Gandhi as Disciple and Mentor. Cambridge University Press. pp. 34–36. ISBN 978-1-139-45657-9.
  6. ^ Ashram, Sant Shri Asharamji Bapu. Vyas Purnima: व्यास पूर्णिमा (हिंदी भाषेत). Mahila Utthan Trust.
  7. ^ "Guru Purnima 2019: Date, Time and Significance of Vyasa Purnima". News18. 16 July 2019. 2019-12-29 रोजी पाहिले.
  8. ^ Vāgha, Nirmalā Ha (1991). Amola ṭhevā, Hindū saṇa va sãskāra. Morayā Prakāśana.
  9. ^ Khairakara, Di Mā (1981). Vyāsapraṇīta karmāce samājaśāstra. Bhāratīya Sãskr̥tī Pratishṭhāna.
  10. ^ Pargaonkar, Vithal Shankar (1989). Āsvāda āṇi samīkshā. Pratimā Prakāśana.
  11. ^ Jośī, Gajānana Nārāyaṇa (1994). Bhāratīya tattvajñānācā br̥had itihāsa: Veda, Upanishade, va bhautikavāda. Marāṭhī Tattvajñāna-Mahākośa Maṇḍaḷa yāñce karitā Śubhadā-Sārasvata Prakāśana.
  12. ^ "Asalha Puja". Wikipedia (इंग्रजी भाषेत). 2020-04-30.
  13. ^ CHARRAN, SWAMI RAM (2012). Guru Initiation Puja Handbook (इंग्रजी भाषेत). Lulu.com. ISBN 9781105274947.
  14. ^ Knapp, Stephen (2006-06-05). The Power of the Dharma: An Introduction to Hinduism and Vedic Culture (इंग्रजी भाषेत). iUniverse. ISBN 9780595837489.
  15. ^ "गुरुपौर्णिमा". २७ जुलै २०१८.