मार्च २९

मार्च २९ हा ग्रेगरी दिनदर्शिकेनुसार वर्षातील ८८ वा किंवा लीप वर्षात ८९ वा दिवस असतो.

ठळक घटना आणि घडामोडी

सहावे शतक

• ५३७ - व्हिजिलियस पोपपदी.

सतरावे शतक

• १६३२ - सेंट जर्मेनचा तह - इंग्लंडने तीन वर्षांपूर्वी जिंकलेला कॅनडाचा क्वेबेक प्रांत फ्रांसला परत केला.

अठरावे शतक

• १७९२ - स्वीडनचा राजा गुस्ताव तिसऱ्याचा मृत्यू. गुस्ताव चौथा एडोल्फ राजेपदी.

एकोणिसावे शतक

• १८०९ - स्वीडनमध्ये राजा गुस्ताव चौथ्या एडोल्फविरुद्ध उठाव. स्वीडनचा भाग असलेल्या फिनलंडने रशियाशी संधान बांधले.
• १८४७ - मेक्सिकन-अमेरिकन युद्ध - जनरल विनफील्ड स्कॉटच्या नेतृत्त्वाखाली अमेरिकेच्या सैन्याने व्हेराक्रुझ शहर जिंकले.
• १८४९ - ब्रिटीश ईस्ट ईंडिया कंपनीने पंजाब खालसा केले.
• १८५७ - मंगल पांडे या ब्रिटिशांच्या बंगाल पलटणीतील शिपायाने बराकपूर छावणीत अधिकाऱ्यांवर गोळ्या झाडल्या. हा १८५७ च्या स्वातंत्र्ययुद्धाचा प्रारंभ मानला जातो.
• १८८२ - नाइट्स ऑफ कोलंबस या संस्थेची स्थापना.

विसावे शतक

• १९३६ - जर्मनीत एडॉल्फ हिटलरने जनतेकडे र्‍हाइनलँड बळकावण्यासाठी कौल मागितला. याला ९९.५% मतदारांनी उजवा कौल दिला.
• १९६२ - भारताचे तत्कालीन पंतप्रधान पंडित जवाहरलाल नेहरु यांच्या हस्ते पिंपरी येथील हिंदुस्थान अँटिबायोटिक्सच्या पेनिसिलिन कारखान्यातील स्ट्रेप्टोमायसिनच्या उत्पादन प्रकल्पाचे अनावरण झाले.
• १९४२ - दुसरे महायुद्ध - रॉयल एर फोर्सने जर्मनीतील लुबेक गावावर बॉम्बफेक केली.
• १९४५ - दुसरे महायुद्ध - इंग्लंडवर व्ही-१ या उडत्या बॉम्बचा शेवटचा हल्ला.
• १९७१ - व्हियेतनाम युद्ध-माय लाईची कत्तल - निरपराध व निःशस्त्र नागरिकांची हत्या करणाऱ्या अमेरिकन सैनिक लेफ्टनंट विल्यम कॅलीला जन्मठेपेची शिक्षा सुनावण्यात आली.
• १९७३ - व्हियेतनाम युद्ध - शेवटच्या अमेरिकन सैनिकांनी दक्षिण व्हियेतनाममधून माघार घेतली.
• १९८२ - एन.टी. रामाराव यांनी तेलुगू देसम पक्षाची स्थापना केली.
• १९९३ - एदुआर्द बॅलादुर फ्रांसच्या पंतप्रधानपदी.

एकविसावे शतक

• २००३ - बल्गेरिया, एस्टोनिया, लात्व्हिया, लिथुएनिया, रोमेनिया, स्लोव्हाकिया व स्लोव्हेनियाला नाटोचे सभासदत्त्व.
• २००४ - भारतीय फलंदाज वीरेंद्र सेहवाग याने पाकिस्तान विरुद्ध कसोटी क्रिकेट सामन्यात ३०९ धावांची खेळी केली व त्रिशतक झळकवणारा पहिला भारतीय फलंदाज झाला.
• २०१० - दोन आत्मघातकी स्त्री दहशतवाद्यांनी मॉस्कोच्या उपनगरी रेल्वेत सकाळच्या गर्दीत स्फोट घडवले. ४० ठार.

जन्म

• १५५३ - व्हित्सेंत्झोस कोमारोस, ग्रीक कवी.
• १७९० - जॉन टायलर, अमेरिकेचा दहावा राष्ट्राध्यक्ष.
• १७९९ - एडवर्ड स्मिथ-स्टॅन्ली, युनायटेड किंग्डमचा पंतप्रधान.
• १९०० - जॉन मॅकइवेन, ऑस्ट्रेलियाचा १८वा पंतप्रधान.
• १९२९ - उत्पल दत्त, हिंदी चित्रपट अभिनेता (मृत्यु:१९९३)
• १९२९ - लेनार्ट मेरी, एस्टोनियाचा राष्ट्राध्यक्ष.
• १९४३ - जॉन मेजर, युनायटेड किंग्डमचा पंतप्रधान.
• १९६८ - ल्युसी लॉलेस, न्यू झीलँडची अभिनेत्री.

मृत्यू

• १०५८ - पोप स्टीवन नववा.
• १३६८ - गो-मुराकामी, जपानी सम्राट.
• १९५९ - बार्थेलेमी बोगांडा, मध्य आफ्रिकेच्या प्रजासत्ताकचा राष्ट्राध्यक्ष.
• १९६२ - करमचंद थापर, भारतीय उद्योगपती.
• १९६४ - शंकर नारायण जोशी, भारतीय इतिहाससंशोधक.
• १९९७ - श्रीमती पुपुल जयकर, , भारतीय कला आणि संस्कृतीच्या पुरस्कर्त्या

प्रतिवार्षिक पालन

• बोगांडा दिन - मध्य आफ्रिकेचे प्रजासत्ताक.
• युवा दिन - तैवान.

बाह्य दुवे

• बीबीसी न्यूजवर मार्च २९ च्या विशेष घटना (इंग्रजी मजकूर)

---

मार्च २७ - मार्च २८ - मार्च २९ - मार्च ३० - मार्च ३१ - (मार्च महिना)