अमानत अली खाँ (भेंडीबाजारवाले)

अमानत अली खाँ (भेंडीबाजारवाले)
आयुष्य
जन्म	१८८८
मृत्यू	११ फेब्रुवारी १९५३
संगीत साधना
गायन प्रकार	हिंदुस्तानी गायन

उस्ताद अमानत अली खाँ (भेंडीबाजारवाले) (१८८८-१९५३) हे भेंडीबाजार घराण्याचे हिंदुस्तानी गायक होते. लता मंगेशकर मुंबईतील वास्तव्यादरम्यान यांच्याकडून शास्त्रीय संगीत शिकल्या.

अमान अली खाँ हे उत्तर प्रदेशातून येऊन मुंबईत भेंडीबाजार येथे स्थायिक झालेले छज्जू खाँ यांचे सुपुत्र होते. हे छज्जू खाँ भेंडीबाजार घराण्याच्या अनेक संस्थापकांपैकी एक होते.

म्हैसूरच्या दरबारातील गायक कलानिधी बिदाराम कृष्णप्पा यांच्याकडून अमान अली खाँ यांनी कर्नाटक पद्धतीचे शास्त्रीय संगीताचे धडे घेतले.. त्यांचा उपयोग करून अमान अली खाँ यांनी भेंडीबाजार घराण्याच्या गायकीत लयकारी आणि सरगम आणली.

अमान अली खाँ यांनी १९४७ साली मुंबई सोडली आणि ते पुण्यात राहू लागले. त्यांच्या दिल्लीच्या भेटीत त्यांना न्युमोनिया झाला आणि त्यांतच त्यांचा ११ फेब्रुवारी १९५३ रोजी अंत झाला.

अमान अली खाँष यांचे नामवंत शिष्य

वसंतराव देशपांडे, टी.डी. जानोरीकर, मुहम्मद हुसेन खाँ, मन्ना डे, लता मंगेशकर, निसार बाझमी, वली अहमद खाँ, बी.चैतन्य देव आणि पेटीवादक शांतीलाल.

पुस्तक

अमान अली खाँ यांच्या बंदिशींचे 'अमर बंदिशे' नावाचे पुस्तक आणि सीडी प्रकाशित झाली आहे. (प्रकाशन दिनांक २३ नोव्हेंबर २०१७)