राज्यराणी एक्सप्रेस

दादर - सावंतवाडी राज्यराणी एक्सप्रेस

राज्यराणी एक्सप्रेस ही भारत देशामधील भारतीय रेल्वेद्वारे चालवली जाणारी एक विशेष प्रवासी रेल्वे सेवा आहे. केंद्रीय रेल्वेमंत्री ममता बॅनर्जी ह्यांनी २०११ सालच्या रेल्वे अर्थसंकल्पामध्ये ह्या गाड्यांची घोषणा केली होती. राज्यराणी गाड्या अनेक राज्यांमधील महत्त्वाच्या सांस्कृतिक, पर्यटन अथवा व्यापारी दृष्ट्या महत्त्वाच्या शहरांना राज्याच्या राजधानीसोबत जोडतात. ह्या रेल्वेगाड्यांना कूच बिहारची युवराज्ञी व जयपूरची महाराणी गायत्री देवी ह्यांचे नाव देण्यात आले आहे. ह्याच गाड्यांसोबत रविंद्रनाथ टागोर ह्यांचे नाव दिल्या गेलेल्या कवी गुरू एक्सप्रेस व स्वामी विवेकानंदांचे नाव देण्यात आलेल्या विवेक एक्सप्रेस ह्या रेल्वेगाड्या देखील चालू करण्यात आल्या.

मार्ग

सध्या एकूण १० राज्यराणी एक्सप्रेस मार्ग कार्यरत आहेत.

क्रम	रेल्वे क्रमांक	प्रकार	नाव	राज्य	अंतर (km)	क्षेत्र	कधी	सुरूवात
1	16557 - 16558	एक्सप्रेस	म्हैसूर - बंगळूर	कर्नाटक	139	द.प.	रोज	01-जुलै-2011
2	11003 - 11004	एक्सप्रेस	दादर - सावंतवाडी	महाराष्ट्र	497	मध्य	रोज	01-जुलै-2011
3	22861 - 22862	दृतगती	शालिमार – बांकुरा	पश्चिम बंगाल	229	द.पू.	आठवड्यातून तीनदा	01-ऑक्टोबर-2011
4	22161 - 22162	दृतगती	भोपाळ - दामोह	मध्य प्रदेश	291	प.म.	रोज	12-नोव्हेंबर-2011
5	16349 - 16350	एक्सप्रेस	त्रिवेंद्रम – निलांबुर	केरळ	393	दक्षिण	रोज	16-नोव्हेंबर-2011
6	18417 - 18418	एक्सप्रेस	रुरकेला – भुवनेश्वर	ओडिशा	341	पू.त.	आठवड्यातून तीनदा	16-नोव्हेंबर-2011
7	15817 - 15818	एक्सप्रेस	धुब्री – सिलघाट	आसाम	460	उ.पू.सी.	आठवड्यातून तीनदा	14-फेब्रुवारी-2012
8	22453 - 22454	दृतगती	मेरठ – लखनौ	उत्तर प्रदेश	459	उत्तर	रोज	11-मार्च-2012
9	22101 - 22102	दृतगती	लोकमान्य टिळक टर्मिनस – मनमाड	महाराष्ट्र	242	मध्य	रोज	12-मार्च-2012
10	12567 - 12568	दृतगती	सहर्सा – पाटणा	बिहार	214	पूर्व	रोज	18-मार्च-2012