मनमाड−सिकंदराबाद रेल्वेमार्ग हा भारतामधील एक रेल्वेमार्ग आहे. मनमाडलाहैदराबाद शहरासोबत जोडणारा हा ६२१ किमी लांबीचा मार्ग महाराष्ट्र व तेलंगणा ह्या राज्यांमधून धावतो. मराठवाडा भागातून जाणारा हा मार्ग छत्रपती संभाजीनगर, जालना, परभणी, नांदेड ह्या शहरांना उर्वरित महाराष्ट्रासोबत जोडतो. आजच्या घडीला ह्या मार्गावर केवळ एकच ट्रॅक असून, दुसऱ्याचे काम सुरू आहे तसेच त्यांचे विद्युतीकरण होत आहे.
