दीपिका पडुकोण

दीपिका पडुकोन-भावनानी
दीपिका पादुकोण
जन्म	दीपिका प्रकाश पडुकोन ५ जानेवारी, १९८६ (1986-01-05) कोपनहेगन, डेन्मार्क
इतर नावे	दिपू
राष्ट्रीयत्व	भारतीय
कार्यक्षेत्र	अभिनय, मॉडेलिंग
कारकीर्दीचा काळ	२००६-चालू
भाषा	हिंदी, कोंकणी, कानडी, इंग्रजी
प्रमुख चित्रपट	बाजीराव मस्तानी, पिकू, पद्मावत इत्यादी
वडील	प्रकाश पडुकोण
आई	उज्ज्वला पडुकोण
पती	रणवीर सिंग (ल. २०१८)
अधिकृत संकेतस्थळ	https://www.deepikapadukone.com

दीपिका पदुकोण ( ५ जानेवारी १९८६) ही एक भारतीय सिने-अभिनेत्री आहे. तिचा पहिला बॉलिवूड चित्रपट ओम शांती ओम हा आहे. २००६ सालापासून बॉलिवूडमध्ये काम करीत असलेली दीपिका सध्या भारतामधील सर्वात लोकप्रिय व सुंदर अभिनेत्री मानली जाते. विविध भारतीय चित्रपटात काम करून तिने आपल्या अभिनयाची चुणूक दाखवली आहेच पण त्याचबरोबर ती आता हॉलिवूडमध्येसुद्धा कामे करीत आहे.२०१७ साली तिचा विन डिझेल सोबत XXX हा चित्रपट प्रदर्शित झाला होता. सर्वात जास्त मानधन घेणारी नटी आहे. तिने स्वतःचे वस्त्र उद्योग उघडले आहे.

खाजगी जीवन

बॅडमिंटनपटू प्रकाश पडुकोण आणि उज्ज्वला या दांपत्याच्या पोटी कोपनहेगन (डेन्मार्क) येथे दीपिकाचा जन्म झाला. एक छोट्या गटात राष्ट्रीय पातळीवर स्पर्धेत ती बॅडमिंटन खेळली, परंतु एक फॅशन मॉडेल होण्यासाठी खेळण्यातला रस कमी करून ती चित्रपटाकडे वळली आणि ऐश्वर्या या कन्नड चित्रपटातून चित्रपटसृष्टीत २००६मध्ये पदार्पण केले. तिची मातृभाषा कोकणी आहे. शिवाय तिला इंग्लिश भाषा, हिंदी भाषा, कन्नड या भाषा येतात. बेंगळुरूमधील सोफिया हायस्कूलमध्ये तिचे शिक्षण झाले. दीपिका प्रसिद्ध बॉलिवूड अभिनेता रणवीर सिंग सोबत विवाहित आहे.

वैयक्तिक आयुष्य

२०१८ मध्ये त्यांच्या लग्नाच्या स्वागत समारंभात सिंग आणि पदुकोण

पदुकोण तिच्या कुटुंबा घट्ट नाते ठेवते आणि ती बेंगलुरुला नियमितपणे त्यांना भेटायला जाते. ती मुंबईतील प्रभादेवी परिसरात राहते आणि तिथे तिला तिच्या पालकांची ओढ जाणवते तिने मान्य केले आहे. दीपिका हिंदू धर्माचे आचरण करते व धर्माला तिच्या आयुष्याचा महत्त्वाचा पैलू मानते. ती वारंवार हिंदू मंदिरे आणि इतर धार्मिक स्थळांना भेटी देते.

२००८ मध्ये बचना ऐ हसीनोच्या चित्रीकरणादरम्यान पदुकोणचे सह-कलाकार रणबीर कपूरसोबत प्रेमसंबंध सुरू झाले. तिने हे लपवून न ठेवता मानेवर त्याची आद्याक्षरे गोंदवून घेतली होती. तिने म्हटले आहे की या नात्याचा तिच्यावर खोल परिणाम झाला असून यामुळे तिचा आत्मविश्वास वाढला आहे तसेच लोकांशी अधिक मिसळायला लागली आहे. एका वर्षानंतर हे जोडपे वेगळे झाले; त्यानंतर एका मुलाखतीत तिने बराच काळ विश्वासघात झाल्यासारखे वाटल्याचे सांगितले. २०१० च्या एका मुलाखतीत पदुकोणने त्याच्यावर इतरांशी संबंध ठेवून आपल्याला फसवल्याचा आरोप केला. कपूरने तो मान्य केला. 'ये जवानी है दिवानी'मध्ये एकत्र काम करताना त्यांनी पुन्हा मैत्री प्रस्थापित केली.

यानंतर पदुकोणने तिच्या वैयक्तिक आयुष्याबद्दल चर्चा करणे टाळले. २०१७ मध्ये तिने आपला अनेकदा सह-कलाकार असलेल्या रणवीर सिंगसोबतच्या तिच्या नात्याबद्दल भाष्य केले. हे जोडपे ऑगस्ट २०१२ पासून डेटिंग करत होते. ऑक्टोबर २०१८ मध्ये त्यांनी लग्ना ठरवल्याची घोषणा केली. पुढील महिन्यात इटलीतील लेक कोमो येथे पारंपारिक कोकणी हिंदू आणि शीख आनंद कारज समारंभात त्यांचे लग्न झाले. ८ सप्टेंबर २०२४ रोजी तिने त्यांची मुलगी दुआ हिला जन्म दिला.

कारकीर्द

उंच आणि शेलाटा बांधा लाभलेल्या दीपिकाने आपल्या कारकिर्दीची सुरुवात एक मॉडेल म्हणून केली. २००६ मध्ये दीपिकाने कन्नड चित्रपट ऐश्वर्या मध्ये अभिनेता उपेंद्र याच्यासोबत भूमिका करून चित्रपटात काम करायला सुरुवात केली. त्यानंतर २००७ मध्ये फराह खानच्या ओम शांती ओम मध्ये अभिनेता शाहरूख खानसोबत प्रमुख भूमिका केली. या चित्रपटाने तिला मोठे व्यावसायिक यश आणि पुरस्कारही मिळवले.

फोर्ब्जच्या यादीत १०वी

दीपिका पदुकोण ही जगातली सर्वोत्तम दहाव्या क्रमांकाची अभिनेत्री असल्याचे फोर्ब्जच्या यादीवरून समजते. तिचे १ जून २०१५ ते ३१ मे २०१६ या काळातले उत्पन्‍न एक कोटी डॉलर्स असल्याचा अंदाज आहे.तिने १० कोटी आयकर भरला आहे.

फुटबॉल विश्वचषक २०२२ ट्रॉफीचे अनावरण

आपल्या अभिनयाने आणि सौंदर्याने जगभरातल्या चाहत्यांना भुरळ घालणारी दीपिका नक्कीच एक इंटरनॅशनल स्टार आहे. कतार मध्ये सुरू असलेल्या फुटबॉल विश्वचषक २०२२ या जागतिक स्पर्धेच्या अंतिम सामन्यात फिफा विश्वचषक ट्रॉफीचे अनावरण दीपिका पदुकोणच्या हस्ते होणार आहे. 18 डिसेंबर रोजी, दीपिका पदुकोण लुसेल आयकॉनिक स्टेडियमवर वर्ल्ड कप ट्रॉफीचे अनावरण करणार आहे. तिच्या तमाम चाहत्यांसाठी ही अभिमानाची गोष्ट आहे.

निवडक चित्रपट

वर्ष	चित्रपट	सह-कलाकार	भूमिका	दिग्दर्शक
२००७	ओम शांती ओम	शाहरुख खान, अर्जुन रामपाल	शांतीप्रिया / संध्या	फराह खान
२००९	लव्ह आज कल	सैफ अली खान, ऋषी कपूर	मीरा पंडित	इम्तियाज अली
२०१०	हाऊसफुल्ल	अक्षय कुमार, रितेश देशमुख	सौंदर्य राव	साजिद खान
२०१२	कॉकटेल	सैफ अली खान, डायना पेंटी	वेरोनिका डी'कोस्टा	होमी अदजानिया
२०१३	ये जवानी है दिवानी	रणबीर कपूर, आदित्य रॉय कपूर	नैना तलवार	अयान मुखर्जी
२०१३	चेन्नई एक्सप्रेस	शाहरुख खान, सत्यराज	मीनालोचनी 'मीना'	रोहित शेट्टी
२०१३	गोलियों की रासलीला राम-लीला	रणवीर सिंग, सुप्रिया पाठक	लीला सनेडा	संजय लीला भन्साळी
२०१४	हॅप्पी न्यू इयर	शाहरुख खान, अभिषेक बच्चन	मोहिनी जोशी	फराह खान
२०१५	पिकू	अमिताभ बच्चन, इरफान खान	पिकू बॅनर्जी	शूजित सरकार
२०१५	तमाशा	रणबीर कपूर	तारा माहेश्वरी	इम्तियाज अली
२०१५	बाजीराव मस्तानी	रणवीर सिंग, प्रियंका चोपडा	मस्तानी	संजय लीला भन्साळी
२०१७	XXX: रिटर्न ऑफ झँडर केज	व्हिन डिझेल, डोनी येन	सेरेना उंगर	डी. जे. कारुसो
२०१८	पद्मावत	शाहिद कपूर, रणवीर सिंग	राणी पद्मावती	संजय लीला भन्साळी
२०२०	छपाक	विक्रांत मॅसी	मालती	मेघना गुलजार
२०२३	पठाण	शाहरुख खान, जॉन अब्राहम	रुबिना 'रूबै' मोहसिन	सिद्धार्थ आनंद
२०२४	फायटर	हृतिक रोशन, अनिल कपूर	मिनल 'मिन्नी' राठोड	सिद्धार्थ आनंद
२०२४	कल्की २८९८ एडी	प्रभास, अमिताभ बच्चन, कमल हासन	सुमती	नाग अश्विन

बाह्य दुवे

इंटरनेट मुव्ही डेटाबेस वरील दीपिका पडुकोण चे पान (इंग्लिश मजकूर)

विकिमीडिया कॉमन्सवर

दीपिका पडुकोण

संबंधित संचिका आहेत