पूर्व-पश्चिम व उत्तर-दक्षिण कॉरिडॉर

पूर्व-पश्चिम व उत्तर-दक्षिण कॉरिडॉर हा भारतीय राष्ट्रीय राजमार्ग प्राधिकरणाने हाती घेतलेल्या राष्ट्रीय राजमार्ग विकास परियोजनेचा दुसरा टप्पा आहे. हा सध्या भारतातील सगळ्यात मोठा रस्तेबांधणी प्रकल्प आहे. ह्या प्रकल्पांतर्गत भारतातील श्रीनगर, कन्याकुमारी, पोरबंदर व सिलचर ही चार शहरे चौपदरी व सहापदरी महामार्गांनी जोडली जातील. पूर्व-पश्चिम व उत्तर-दक्षिण कॉरिडॉरची एकूण लांबी ७,३०० किमी आहे, ज्यापैकी ६,३७५ किमी लांबीच्या रस्त्यांचे चौपदरीकरण ३१ मार्च २०१५ अखेरीस पूर्ण करण्यात आले आहे.

कॉरिडॉरसाठी वापरले जाणारे राष्ट्रीय महामार्ग

• पूर्व-पश्चिम कॉरिडॉर (पश्चिमेकडुन): रा. म. ८-बी, रा. म. ८-ए, रा. म. १५, रा. म. १४, , रा. म. ७६, रा. म. २५, रा. म. २८, , रा. म. ५७, , रा. म. १०६, रा. म. ३१, , रा. म. ३७, , रा. म. ३६, , रा. म. ५४
• उत्तर-दक्षिण कॉरिडॉर (उत्तरेकडुन): रा. म. १-ए, रा. म. १, रा. म. २, , रा. म. ३, रा. म. ७५, रा. म. २६, रा. म. ७

महत्त्वाची शहरे

पूर्व-पश्चिम कॉरिडॉर (पश्चिमेकडुन)	उत्तर-दक्षिण कॉरिडॉर (उत्तरेकडुन)
पोरबंदर राजकोट उदयपूर चित्तोडगढ कोटा झाशी कानपूर लखनौ गोरखपूर मुझफ्फरपूर पूर्णिया सिलिगुडी गुवाहाटी सिलचर	श्रीनगर जम्मू पठाणकोट लुधियाना अंबाला दिल्ली आग्रा ग्वाल्हेर झाशी नागपूर हैदराबाद बंगळूर सेलम मदुराई कन्याकुमारी

उल्लेखनीय

• पूर्व-पश्चिम व उत्तर-दक्षिण कॉरिडॉर एकमेकांना झाशी ह्या शहरापाशी काटतात
• राष्ट्रीय महामार्गांचे खालील पट्टे पूर्व-पश्चिम व उत्तर-दक्षिण कॉरिडॉर आणि सुवर्ण चतुष्कोण दरम्यान समान आहेत:
  • रा. म. २ वर दिल्ली ते आग्रा
  • रा. म. २ वर सिकंदरा ते कानपूर
  • रा. म. ७ वर बंगळूर ते कृष्णागिरी
  • रा. म. ७६ वर उदयपूर ते चित्तोडगढ

हे सुद्धा पहा

• राष्ट्रीय महामार्ग
• भारतीय राष्ट्रीय राजमार्ग प्राधिकरण
• राष्ट्रीय राजमार्ग विकास परियोजना