पश्चिम मार्ग (मुंबई उपनगरी रेल्वे)

चर्चगेट हे पश्चिम मार्गाचे दक्षिण मुंबईमधील टर्मिनस आहे.

नव्या लोकल गाड्या

पश्चिम हा मुंबई उपनगरी रेल्वेच्या तीन प्रमुख मार्गांपैकी एक आहे. पश्चिम रेल्वेद्वारे चालवला जाणारा हा मार्ग दक्षिण मुंबईमधील चर्चगेटपासून सुरू होतो व मुंबई बेटाच्या पश्चिम भागातून धावतो.

पश्चिम मार्गावरील लोकल जलद व धीम्या गतीच्या असून चर्चगेट ते डहाणू रोडपर्यंत सेवा पुरवली जाते. जलद लोकल केवळ निवडक स्थानकांवर तर धीम्या लोकल सर्व स्थानकांवर थांबतात. अनेक वर्षे चर्चगेट ते विरार दरम्यान सेवा पुरवणाऱ्या पश्चिम मार्गाची सेवा १६ एप्रिल २०१३ पासून डहाणू रोडपर्यंत वाढवण्यात आली. चर्चगेटपासून धावणाऱ्या लोकल विरारपर्यंत जलद गतीने धावतात व पुढे डहाणू रोडपर्यंत धीम्या गतीने जाताना सर्व स्थानकावर थांबतात.

चर्चगेट ते वांद्रे, चर्चगेट ते अंधेरी, चर्चगेट ते बोरिवली, चर्चगेट ते भाईंदर, चर्चगेट ते वसई रोड, चर्चगेट ते विरार, चर्चगेट ते डहाणू रोड या स्थानकांदरम्यान जलद व धीम्या लोकल धावतात. दादर रेल्वे स्थानक पश्चिम व मध्य ह्या दोन्ही मार्गांवर असल्यामुळे तेथे मार्ग बदलणे शक्य होते. तसेच माहिम ते गोरेगांव ह्यादरम्यान कोणत्याही स्थानकावरुन हार्बर मार्गाद्वारे छत्रपती शिवाजी महाराज टर्मिनसपर्यंत प्रवासाची सोय उपलब्ध आहे.

स्थानके

पश्चिम मार्ग
#	स्थानक नाव	स्थानक कोड	उपनगर	गती	जोडमार्ग
1	चर्चगेट	CCG	चर्चगेट	जलद, धिमी	नाही
2	मरीन लाईन्स	MEL	मरीन लाईन्स	धिमी	नाही
3	चर्नी रोड	CYR	चर्नी रोड	धिमी	नाही
4	ग्रॅंट रोड	GTR	ग्रॅंट रोड.	धिमी	नाही
5	मुंबई सेंट्रल	BCL	मुंबई सेंट्रल	जलद, धिमी	नाही
6	महालक्ष्मी	MX	महालक्ष्मी	धिमी	नाही
7	लोअर परळ	PL	लोअर परळ	धिमी	नाही
8	प्रभादेवी	EPR	प्रभादेवी	धिमी	मध्य मार्ग
9	दादर	DDR	दादर	जलद, धिमी	मध्य मार्ग
10	माटुंगा रोड	MRU	माटुंगा	धिमी	नाही
11	माहिम	MM	माहिम	धिमी	हार्बर मार्ग
12	वांद्रे	BA	वांद्रे	जलद, धिमी	हार्बर मार्ग
13	खार रोड	KHAR	खार रोड	धिमी	हार्बर मार्ग
14	सांताक्रूझ	STC	सांताक्रूझ	धिमी	हार्बर मार्ग
15	विलेपार्ले	VLP	विलेपार्ले	धिमी	हार्बर मार्ग
16	अंधेरी	ADH	अंधेरी	जलद, धिमी	हार्बर मार्ग
17	जोगेश्वरी	JOS	जोगेश्वरी	धिमी	हार्बर मार्ग
18	राम मंदिर	RMAR	ओशिवरा	धिमी	हार्बर मार्ग
19	गोरेगाव	GMN	गोरेगाव	धिमी	हार्बर मार्ग
20	मालाड	MDD	मालाड	धिमी	नाही
21	कांदिवली	KILE	कांदिवली	धिमी	नाही
22	बोरीवली	BVI	बोरीवली	जलद, धिमी	नाही
23	दहिसर	DIC	दहिसर	धिमी	नाही
24	मीरा रोड	MIRA	मीरा रोड	धिमी	नाही
25	भाईंदर	BYR	भाईंदर	जलद, धिमी	नाही
26	नायगांव	NIG	नायगांव	धिमी	नाही
27	वसई रोड	BSR	वसई	जलद, धिमी	मध्य मार्ग
28	नालासोपारा	NSP	नालासोपारा	धिमी	नाही
29	विरार	VR	विरार	जलद, धिमी	नाही
30	वैतरणा	VTN	वैतरणा	धिमी	नाही
31	सफाळे	SAH	सफाळे	धिमी	नाही
32	केळवे रोड	KLV	केळवे	धिमी	नाही
33	पालघर	PLG	पालघर	धिमी	नाही
34	उमरोळी	UOI	उमरोळी	धिमी	नाही
35	बोईसर	BOR	बोईसर	धिमी	नाही
36	वाणगांव	VGN	वाणगांव	धिमी	नाही
37	डहाणू रोड	DRD	डहाणू	धिमी	नाही
38	घोलवढ	GVD	घोलवढ	धिमी	नाही
39	बोर्डी रोड	BDR	बोर्डी	धिमी	नाही

हेही पहा

• दिल्ली–मुंबई रेल्वेमार्ग