चेक प्रजासत्ताक

चेक प्रजासत्ताक Česká republika Czech Republic
ध्वज चिन्ह
ब्रीद वाक्य: प्राव्हदा व्हीतेजी (अर्थ: सत्याचा विजय होतो)
राष्ट्रगीत: Kde domov můj (क्दे दोमोव्ह मूय) (अर्थ: माझे घर कुठे आहे?)
चेक प्रजासत्ताकचे जागतिक नकाशावरील स्थान
राजधानी (व सर्वात मोठे शहर)	प्राग
अधिकृत भाषा	चेक
सरकार
- राष्ट्रप्रमुख	व्हाक्लाव क्लाउस
- पंतप्रधान	यीरी पारूबेक
महत्त्वपूर्ण घटना
- स्वातंत्र्य दिवस	(चेकोस्लोव्हाकियाचे विघटन)जानेवारी १, १९९३
क्षेत्रफळ
- एकूण	७८,८६६ किमी२ (११७वा क्रमांक)
- पाणी (%)	२.०
लोकसंख्या
-एकूण	१,०२,६५,२३१ (७८वा क्रमांक)
- घनता	१३०/किमी²
वार्षिक सकल उत्पन्न (पीपीपी)
- एकूण	१९८.९३ अब्ज अमेरिकन डॉलर (४६वा क्रमांक)
- वार्षिक दरडोई उत्पन्न	१९,४७८ अमेरिकन डॉलर (३८वा क्रमांक)
राष्ट्रीय चलन	चेक कोरुना (CZK)
आंतरराष्ट्रीय कालविभाग	मध्य युरोपीय प्रमाणवेळ (यूटीसी +१)
आंतरजाल प्रत्यय	.cz
आंतरराष्ट्रीय दूरध्वनी क्रमांक	++४२०

चेक प्रजासत्ताक हा मध्य युरोपातील एक देश आहे. प्राग ही चेक प्रजासत्ताकची राजधानी व सर्वांत मोठे शहर आहे.

१९१८ ते १९९३ दरम्यान हा देश चेकोस्लोव्हाकिया ह्या भूतपूर्व देशाचा एक भाग होता. १ जानेवारी १९९३ रोजी चेकोस्लोव्हाकियाचे शांततापुर्वक विघटन झाले व चेक प्रजासत्ताक आणि स्लोव्हाकिया हे दोन नवीन देश निर्माण झाले.

भूगोल

चतु:सीमा

चेक प्रजासत्ताकच्या उत्तरेस जर्मनी, पोलंड हे देश आहेत. पूर्वेस पोलंड, स्लोव्हेकिया, दक्षिणेस स्लोव्हेकिया, ऑस्ट्रिया, जर्मनी तर पश्चिमेस जर्मनी हे देश आहेत. चेक प्रजासत्ताकला समुद्री किनारा नाही.

राजकीय विभाग

• मोराव्हिया
• बोहेमिया

मोठी शहरे

नाव	वस्ती	क्षेत्रफळ (किमी²)	प्रांत
प्राग (प्राहा)	११,८१,६१०	४९६496	प्राग प्रांत
ब्रनो	३,६६,७५७	२३०	दक्षिण मोराव्हिया
ओस्ट्राव्हा	३,१०,०७८	२१४	मोराव्हिया-सिलेसिया
प्लझेन	१,६२,७५९	१३८	प्लझेन प्रांत
ओलोमुक	१,००,३८१	१०३	ओलोमुक प्रांत

समाजव्यवस्था

वस्तीविभागणी

चेक प्रजासत्ताकमधील बहुतांश लोक चेक आहेत (९४.२%, पैकी ३.७%नी मोराव्हियन वंशीय असल्याचे तर ०.१%ने सिलेसियन वंशीय असल्याचे जाहीर केले.) याखेरीज स्लोव्हाक (१.९%), पोलिश (०.५%), व्हियेतनामी (०.४४%), जर्मन (०.४%) व काही प्रमाणात जिप्सी लोकही येथे राहतात.

धर्म

जवळच्या एस्टोनिया देशाप्रमाणे चेक प्रजासत्ताकमध्ये बव्हंश व्यक्ती निधर्मी आहेत. यात निधर्मी, नास्तिक व कोणताही धर्म न मानणार्‍यांचा समावेश आहे. चेक प्रजासत्ताकमधील ५९% व्यक्ती स्वतःस असे निधर्मी मानतात तर २६.८% लोक रोमन कॅथोलिक व २.५% प्रोटेस्टंट पंथीय ख्रिश्चन आहेत.

येथील लोकांपैकी १९% लोकांच्या मते जगात देव आहे तर ५०% लोकांच्या मते देव किंवा देवासारखी शक्ती जगात आहे तर ३०% लोकांनी सांगितले की जगात देव वा तत्सम शक्ती अस्तित्त्वात नाही.

खेळ

• ऑलिंपिक खेळात चेक प्रजासत्ताक