कॅथे पॅसिफिक

कॅथे पॅसिफिक

आय.ए.टी.ए. CX आय.सी.ए.ओ. CPA कॉलसाईन CATHAY
स्थापना	१९४६
हब	हाँग काँग आंतरराष्ट्रीय विमानतळ
मुख्य शहरे	बँकॉक तैपै
फ्रिक्वेंट फ्लायर	एशिया माईल्स
अलायन्स	वनवर्ल्ड
उपकंपन्या	ड्रॅगनएअर
विमान संख्या	१४०
मुख्यालय	फ्युमिचिनो, लात्सियो
संकेतस्थळ	http://www.cathaypacific.com/

सिंगापूर चांगी विमानतळावर थांबलेले कॅथे पॅसिफिकचे बोईंग ७४७ विमान

कॅथे पॅसिफिक (चिनी: 國泰航空) ही हाँगकाँगची राष्ट्रीय विमान-वाहतूक कंपनी आहे. हाँग काँग आंतरराष्ट्रीय विमानतळावर प्रमुख हब असलेली कॅथे पॅसिफिक ५२ देशांमधील २०० शहरांमध्ये प्रवासी विमानसेवा पुरवते. इ.स. २०१६ साली कॅथे पॅसिफिक प्रवासी सेवा पुरवणारी जगातील तिसऱ्या क्रमांकाची तर मालवाहतूक करणारी जगातील पहिल्या क्रमांकाची विमान कंपनी आहे. कॅथे पॅसिफिकने इतर विमान कंपन्यांशी कोडशेअर करार आणि एकत्रित सेवा करार (Joint Venture) केलेले आहेत. कॅथेची स्व मालकीची ड्रॅगनएअर ही साहाय्यक एअर लाइन त्यांच्या हाँगकाँग येथील मुख्य केंद्रातून एशिया पॅसिफिक प्रदेशात ४४ ठिकाणी सेवा देते. सन २०१० मध्ये कॅथे पॅसिफिक आणि ड्रॅगनएअर यांनी जवळजवळ २७० लाख प्रवाशी आणि १८ लाख टनापेक्षा जास्त मालाची व टपालाची वाहतूक केली.

इतिहास

ऑस्ट्रेलियाचे सिडनी एच.डी. कांट झाऊ आणि अमेरिकेचे रॉय सी. फरेल यांनी प्रत्येकी HK$1 गुंतवून दिनांक २४/९/१९४६ रोजी या एअर लाइनची नोंदणी केली. उत्तर गोलार्धात जुलै १९९८ मध्ये या विमान कंपनीने जगातील पहिले विना थांबा उड्डाण केले. आणि हे विमान हाँगकाँग या नवीन विमान तळावर पोहचणारे पहिले विमान ठरले. या एअर लाइनने सन २००६ साली तिची ६० वी जयंती साजरी केली आणि सन २००९ मध्ये स्वीरे पॅसिफिक आणि एअर चायना हे तिचे प्रमुख भागधारक झाले .एअर चायना ही त्याच्यातील प्रमुख भागधारक आहे. आंतरराष्ट्रीय एअर ट्रान्सपोर्ट असोसिएशन ने केलेल्या व्यावसायिक गुणात्मक अहवालानुसार सध्या कॅथे पॅसिफिक ही जागतिक पातळीवर ३ क्रमांकाची एअर लाइन आहे. कॅथे पॅसिफिक ही माल वाहतूकीचे बाबतीत जगातील सर्वात मोठी विमान सेवा आहे त्याच बरोबर माल वाहतूकीचे बाबतीत या विमान सेवेचे मुख्य केंद्र असलेले हाँग काँग विमान तळ हे जगात सर्वात ज्यास्त गजबजलेले केंद्र आहे.

जोडजोडी आणि विमान माहिती

ऑन लाइन बुकिंग करून जगातील ११० देशांतील प्रवासी या विमान सेवेचा फयदा घेऊ शकतात. मुख्यतः आशिया खंडात या विमान सेवा ४० प्रमुख शहरांसाठी उपलब्ध आहेत. तसेच चीनमधील १७ ठिकाणी ही विमान सेवा आहे. या विमान सेवेत अत्याधुनिक १३० विमाने आकाशात भरारी घेण्यासाठी तयार आहेत.त्यांत एअर बस ए३३०-३००, एअर बस ए३४०-३००, बोईंग-७७७-३००एआर, बोईंग-७७७-२००, बोईंग ७४७-४००, यांचा समावेश आहे. जॉन स्लोसार हे सध्या(२०१६ साली)कॅथे पॅसेफिकचे मुख्य कार्यकारी अधिकारी आहेत. सन २०१४ मध्ये या एअर लाइनने व्यवसायाचे क्षेत्र वाढविले आणि मँचेस्टर, झूरिच आणि बोस्टन येथे विमानसेवा सुरू केली.

सेवा आणि सामान सवलत

विमानात चार प्रवासी वर्ग आहेत.

प्रथम वर्ग

या वर्गात उत्कृष्ट सेवा आहे. यात आरामात टेकून बसण्यासाठी शोभिवंत आसन व्यवस्था तसेच एकांत आहे. त्यात खान पान व्यवस्था आणि मनोरंजन व्यवस्था प्रवाश्याच्या इछेप्रमाणे आहे. यात सामान सवलत म्हणजेच मर्यादेबाहेरी तुम्ही सामान घेवू शकता. प्रसंगी येथील आसनांचे लाय-फ्लॅट बेड मध्ये ही रूपांतरित करता येते.

व्यवसाय वर्ग

या वर्गातील आसने विविध प्रकारे सजविलेली आहेत. व्यावसायिक प्रवाश्यासाठी हा वर्ग आदर्श आहे. प्रवाश्यांना त्यांच्या मनोरंजनासाठी अगदी प्लग पॉइंट ते डिव्हाईस पर्यन्त सर्व प्रकारच्या इलेक्ट्रिक सुविधा आहेत. प्रवाशी आरामात, आस्तेवाईकपने दिलेल्या खान पान व्यवस्थेचा समाधानकारक लाभ घेत प्रवास करू शकतात.

प्रीमियम इकॉनॉमी वर्ग

या वर्गात आरामशीर आसन व्यवस्था, चविष्ट अल्पोपअहार, जेवण, मनोरंजन आणि खूप कांही आहे.

इकॉनॉमी (किफायतशीर) वर्ग

हा वर्ग प्रवास खर्चाच्या दृष्टीने किफायतशीर आहे. यातील आसणे ऐसपैस समाधान देणारी आहेत तसेच सामानासाठी आवश्यक साठा व्यवस्था आहे. प्रत्येकासाठी दूरदर्शन व्यवस्था आहे त्यावर तुम्ही पिक्चर पाहू शकता तसेच गाणी ऐकू शकता.

विमान कंपन्यांशी कायदेशीर करार

खालील विमान कंपन्यांशी व्यावसायिक कायदेशीर करार केलेले आहेत.

• एअर चायना,
• एअर न्यूझीलंड,
• एअर सिचिलिस,
• अलास्का एअर लाइन्स,
• अमेरिकन एअर लाइन्स,
• बॅंकॉक एअरवेज,
• ब्रिटिश एअरवेज,
• कॉम एअर,
• ड्रॅगन एअर,
• फिजी एअरवेज,
• फिंनएअर,
• फ्लाय बे,
• जपान एअर लाइन्स,
• लॅन एअरलाइन्स,
• मलेसिया एअर लाइन्स,
• फिलिपीन एअर लाइन,
• कतार एअरवेज,
• एस७ एअर लाइन्स,
• व्हिएतनाम एअरलाइन्स,
• वेस्टजेट

या एअर लाइन चा फ्रेंच हाय स्पीड ट्रेन बरोबरही कोड शेअर करार अाहे. करारप्रमाणे TGV स्टेशन पासून पॅरिसमधील चार्लस द गॉल एअर फोर्टपर्यंत आणि तेथून टेन फ्रेंच सिटीपर्यंत कॅथेची सेवा घेता येते.

अवॉर्ड (बक्षिस)

या एअर लाइन्स ला खालील बक्षिशे मिळाली आहेत.

सन	बक्षीस
२००३	एअर लाइन ऑफ दी इयर
२००५	एअर लाइन ऑफ दी इयर
२००५	बेस्ट बिझिनेस क्लास लाऊंज
२००५	जागतिक बेस्ट प्रथम वर्ग
२००५	बेस्ट प्रथम वर्ग लाऊंज
२००७ - आत्ता (२०१६ पर्यंत)	जगातील फाईव्ह स्टार एअर लाइन
२००८	जगातील बेस्ट प्रथम वर्ग
२००८	बेस्ट प्रथम वर्ग खाद्यसेवा
२००९	एअर लाइन ऑफ दी इअर
२००९	बेस्ट एअर लाइन एशिया
२००९	बेस्ट एअर लाइन साऊथईस्ट एशिया
२०१०	बेस्ट एअर लाइन ट्रान्सपॅसिफिक
२०११	बेस्ट एअर लाइन ट्रान्सपॅसिफिक
२०११	बेस्ट प्रथम वर्ग आसन
२०१२	जागतिक बेस्ट व्यवसाय वर्ग
२०१३	जगातील बेस्ट केबिन स्टाफ
२०१३	बेस्ट एअर लाइन ट्रान्स पॅसिफिक
२०१४	एअर लाइन ऑफ दी इअर
२०१५	बेस्ट एअर लाइन एशिया
२०१५	बेस्ट एअर लाइन ट्रान्स पॅसिफिक

कॅथे पॅसिफिकच्या प्रवासी फ्लाइट्स

• कॅथे पॅसिफिक न्यू दिल्ली हाँग काँग फ्लाइट्स
• कॅथे पॅसिफिक मुंबई हाँग काँग फ्लाइट्स
• कॅथे पॅसिफिक बंगलोर हाँग काँग फ्लाइट्स
• कॅथे पॅसिफिक चेन्नई हाँग काँग फ्लाइट्स
• कॅथे पॅसिफिक कोलकत्ता हाँग काँग फ्लाइट्स
• कॅथे पॅसिफिक हैद्राबाद हाँग काँग फ्लाइट्स
• कॅथे पॅसिफिक हाँग काँग ताईपेई फ्लाइट
• कॅथे पॅसिफिक ताईपेई हाँग काँग फ्लाइट्स
• कॅथे पॅसिफिक हाँग काँग शांघाय फ्लाइट्स
• कॅथे पॅसिफिक शांघाय हाँग काँग फ्लाइट्स
• कॅथे पॅसिफिक न्यू यॉर्क हाँग काँग फ्लाइट्स
• कॅथे पॅसिफिक हाँग काँग न्यू यॉर्क फ्लाइट्स
• कॅथे पॅसिफिक लॉस एन्जल्स सांटियागो फ्लाइट्स
• कॅथे पॅसिफिक लीमा सांटियागो फ्लाइट्स
• कॅथे पॅसिफिक हाँग काँग टोकियो फ्लाइट्स
• कॅथे पॅसिफिक हाँग काँग सिंगापूर फ्लाइट्स
• कॅथे पॅसिफिक टोकियो हाँग काँग फ्लाइट्स
• कॅथे पॅसिफिक सिंगापूर हाँग काँग फ्लाइट्स
• कॅथे पॅसिफिक टोरोंतो व्हँकूव्हर फ्लाइट्स
• कॅथे पॅसिफिक स्टॉकहोम लंडन फ्लाइट्स

बाह्य दुवे

विकिमीडिया कॉमन्सवर खालील विषयाशी संबंधित संचिका आहेत: कॅथे पॅसिफिक

• अधिकृत संकेतस्थळ