विजयसिंह मोहिते

महाराष्ट्र राज्याचे ६ वे उपमुख्यमंत्री (२५ डिसेंबर २००३ - १ नोव्हेंबर २००४) सार्वजनिक मंत्री ग्रामीण विकास

सदस्य, महाराष्ट्र विधानसभा (सहा टर्म) राज्य विधानसभा-माळशिरस मतदारसंघ-आमदार (१९८० ते २००९ पर्यंत)

१२ ऑक्टोबर १९८२ - २ फेब्रुवारी १९८३ महाराष्ट्र सरकारचे कृषी, पर्यटन आणि युवा मंच उप मंत्री

७ फेब्रुवारी १९८३ - ११ मार्च १९८५ महाराष्ट्र सरकारचे पाटबंधारे विभाग आणि पाणलोट विकास क्षेत्र राज्य मंत्री

१९८५ महाराष्ट्र सरकारचे सिंचन, कडा, सहकार आणि पर्यटन राज्य मंत्री

जुलै १९८५ - मार्च १९८६ महाराष्ट्र सरकारचे कृषी, कडा, पुनर्वसन आणि क्रीडा आणि युवा विकास मंत्री

२५ जून १९८८ - ६ मार्च १९९३ महाराष्ट्र सरकारचे सार्वजनिक बांधकाम विभाग, राज्य उत्पादन शुल्क, सांस्कृतिक कार्य, पर्यटन, संसदीय कामकाज, सहकार, ऊर्जा, वाहतूक इत्यादी कॅबिनेट मंत्री

१९९० - ६ मार्च १९९३ आणि १६ सप्टेंबर १९९४ - १४ मार्च १९९५ कॅबिनेट मंत्री, महाराष्ट्र सरकार

१९९५ महाराष्ट्र विधानसभेचे उपविरोधी पक्ष नेते

१९ ऑक्टोबर १९९९ महाराष्ट्र सरकारच्या सार्वजनिक बांधकाम विभागाचे कॅबिनेट मंत्री

२५ डिसेंबर २००३ - १ नोव्हेंबर २००४ उपमुख्यमंत्री, महाराष्ट्र सरकार

जुलै २००४ कॅबिनेट मंत्री, फ्लोरिकल्चर विभाग, महाराष्ट्र सरकार

४ मे २०१२ - १२ एप्रिल २०१४ सदस्य, महाराष्ट्र विधान परिषद्

मे, २०१४-१६ व्या लोकसभेवर निवडून आले. १ सप्टेंबर २०१४ पासून पुढे सदस्य, जलसंपदा स्थायी समित

१५ सप्टेंबर २०१४ पासून पुढे संसदीय स्थानिक क्षेत्र विकास योजनेच्या (MPLADS) सदस्य

अकलूज ग्रामपंचायत - सदस्य, सरपंच सोलापूर जिल्हा परिषद - सदस्य, अध्यक्ष (१९७१ ते १९७९)

अध्यक्ष - इथेनॉल मॅन्युफॅक्चरर्स असोसिएशन ऑफ इंडिया. अध्यक्ष- महाराष्ट्र राज्य साखर संघ (राज्य साखर सहकारी संघ) एमएलसी - राज्यपालांनी नामांकित केले (४ मे २०१२ - १६ मे २०१४)

खासदार - माढा- २०१४-२०१९

विजयसिंह मोहिते
लोकसभा सदस्य, माढा
मतदारसंघ	माढा
कार्यकाळ १६ मे २०१४ – १९ मे २०१९
मागील	शरद पवार
पुढील	रणजितसिंह नाईक निंबाळकर
मतदारसंघ	माढा
६वे उपमुख्यमंत्री, महाराष्ट्र राज्य
कार्यकाळ २७ डिसेंबर २००३ – १९ ऑक्टोबर २००४
मागील	छगन भुजबळ
पुढील	आर आर पाटील
कॅबिनेट मंत्री, महाराष्ट्र राज्य
कार्यकाळ ९ नोव्हेंबर २००४ – १ डिसेंबर २००८
कार्यकाळ १९ ऑक्टोबर १९९९ – १६ जानेवारी २००३
सदस्य, महाराष्ट्र विधानपरिषद
कार्यकाळ ४ मे २०१२ – १६ मे २०१४
मतदारसंघ	राज्यपालांद्वारे नामनिर्देशित
सदस्य, महाराष्ट्र विधानसभा
कार्यकाळ १९८० – २००९
मागील	शामराव भीमराव पाटील
पुढील	हनुमंत डोळस
मतदारसंघ	माळशिरस विधानसभा मतदारसंघ
जन्म	जून १२, इ.स. १९४४ महाराष्ट्र
राजकीय पक्ष	राष्ट्रवादी काँग्रेस पक्ष
पत्नी	नंदिनीदेवी
अपत्ये	*रणजितसिंह रेणुका कर्णिक
निवास	शिवरत्न बंगला, अकलूज, माळशिरस
व्यवसाय	राजकारणी
धर्म	हिंदू

विजयसिंह मोहिते-पाटील (१२ जून १९४४) हे महाराष्ट्राच्या सोलापूर जिल्ह्यामधील एक राजकारणी आहेत. विजयदादा या नावाने ते प्रसिद्ध आहेत. २००३-०४ मध्ये त्यांनी महाराष्ट्र राज्याचे ६ वे उपमुख्यमंत्री म्हणून काम केले आहे. मोहिते-पाटील हे महाराष्ट्र विधानसभेवर १९८० ते २००९ दरम्यान माळशिरस विधानसभा मतदारसंघामधून निवडून आले होते. त्यांनी २५ वर्षे सार्वजनिक बांधकाम आणि पर्यटनमंत्री म्हणून काम केले आहे.

सहकारमहर्षी म्हणून ओळखल्या जाणाऱ्या शंकरराव मोहिते पाटील यांचे ते पुत्र आहेत. त्यांचे मोहिते पाटील घराणे हे राजकीयदृष्ट्या खूप प्रभावी मानले जाते.

२०१४ लोकसभा निवडणुकांमध्ये मोहिते-पाटील ह्यांनी माढा लोकसभा मतदारसंघामधून स्वाभिमानी पक्षाचे सदाभाऊ खोत ह्यांचा सुमारे २५,००० मतांनी पराभव केला.

वैयक्तिक जीवन

शंकरराव मोहिते पाटील आणि रत्नाप्रभादेवी यांच्या पोटी १२ जून १९४४ रोजी माळशिरस तालुक्यातील अकलूज येथे विजयसिंह यांचा जन्म झाला. अकलूजच्या सदाशिवराव माने विद्यालयातून १९६२ मध्ये ते दहावी उत्तीर्ण झाले.

विजयसिंह मोहिते पाटील आणि त्यांच्या पत्नी नंदिनीदेवी यांना एक मुलगा रणजितसिंह आणि एक मुलगी रेणुका कर्णिक आहे. अकलूजमधील शिवरत्न बंगला हे त्यांचे निवासस्थान आहे.

राजकीय कारकीर्द

विजयसिंह मोहिते-पाटील यांनी सोलापूर जिल्ह्यातील अकलूजचे सरपंच म्हणून आपल्या कारकिर्दीला सुरुवात केली. त्यांनी १९७१ ते १९७९ या काळात सोलापूर जिल्हा परिषदेचे अध्यक्ष म्हणून काम केले. १९८० ते २००९ पर्यंत ते महाराष्ट्र विधानसभेत माळशिरसचे आमदार होते. या काळात त्यांनी साखर कारखाने, दूध डेरी आणि प्रक्रिया उद्योग, पोल्ट्री फार्म, शाळा, नर्सिंग, अभियांत्रिकी आणि डी. एड. कॉलेज सुरू केले.

२५ डिसेंबर २००३ रोजी त्यांनी महाराष्ट्राचे उपमुख्यमंत्री म्हणून शपथ घेतली. मोहिते पाटील यांनी सार्वजनिक बांधकाम, पर्यटन आणि ग्रामीण विकास मंत्रालयाचे कॅबिनेट मंत्री म्हणून काम केले आहे. २००९ च्या महाराष्ट्र विधानसभा निवडणुकीत त्यांचा माळशिरस मतदारसंघ राखीव बनला, ज्यामुळे त्यांना शेजारच्या पंढरपूरच्या जागेवर जाण्यास भाग पाडले. भारत भालके यांच्याविरोधात झालेल्या या निवडणुकीत त्यांचा पराभव झाला. राष्ट्रवादीचे अध्यक्ष शरद पवार यांनी नंतर त्यांची महाराष्ट्र राज्य सहकारी साखर कारखाना महासंघाच्या अध्यक्षपदी निवड केली.

२०१४ च्या लोकसभा निवडणुकीत ते माढा मतदारसंघातून राष्ट्रवादी काँग्रेस पक्षाकडून उभे राहिले. देशात मोदी लाट असतानादेखील ते निवडून आल्याने त्यांचे राजकीय वजन वाढले. स्वाभिमानी पक्षाच्याच्या सदाभाऊ खोत यांच्याविरोधात त्यांनी २५,००० मताधिक्य घेतले.

भूषवलेली पदे

• अकलूज ग्रामपंचायत - सदस्य, सरपंच
• सोलापूर जिल्हा परिषद- सदस्य, अध्यक्ष (१९७१ ते १९७९)
• राज्य विधानसभा - माळशिरस मतदारसंघ-आमदार (१९८० ते २००९)
• उपमुख्यमंत्री. महाराष्ट्र राज्य (२५ डिसेंबर २००३ - १ नोव्हेंबर २००५)
• PWD मंत्री
• पर्यटन मंत्री
• ग्रामविकास मंत्री
• अध्यक्ष- इथेनॉल मॅन्युफॅक्चरर्स असोसिएशन ऑफ इंडिया.
• अध्यक्ष- महाराष्ट्र राज्य साखर संघ (राज्य साखर सहकारी महासंघ)
• MLC - राज्यपालांद्वारे नामनिर्देशित (४ मे २०१२ - १६ मे २०१४)
• खासदार – माढा लोकसभा मतदारसंघात (१६ मे २०१४ – २०१९)

बाह्य दुवे

• सकाळ/सरकारनामा: विजय नावाच्या 'सिंहा'चा दरारा आजही कायम...
• BBC मराठी | माढा लोकसभा : धैर्यशील मोहिते पाटील विरुद्ध रणजितसिंह निंबाळकर लढत होणार?

हे सुद्धा पहा

• १६ व्या लोकसभेचे सदस्य