राजू शेट्टी

राजू शेट्टी
संसद सदस्य
कार्यकाळ २००९ – २०१९
मागील	निवेदिता माने
पुढील	धैर्यशील माने
मतदारसंघ	हातकणंगले
जन्म	१ जून, १९६७ (1967-06-01) शिरोळ, कोल्हापूर
राजकीय पक्ष	स्वाभिमानी पक्ष
पत्नी	सौ. संगीता शेट्टी
निवास	शिरोळ
गुरुकुल	जे.जे. मगदूम तंत्रनिकेतन (यांत्रिकी पदविका)
व्यवसाय	शेतकरी
संकेतस्थळ	http://www.swabhimani.com/

देवप्पा अण्णा शेट्टी उर्फ राजू शेट्टी (१ जून १९६७;शिरोळ, कोल्हापूर) हे स्वाभिमानी पक्षाचे संस्थापक आणि १६ व्या लोकसभेचे हातकणंगले मतदारसंघातील माजी खासदार आहेत. २००४ मध्ये त्यांनी शेतकरी संघटनेपासून वेगळे होऊन स्थापन केलेल्या स्वाभिमानी पक्षाचे ते अध्यक्ष आहेत. त्यांनी स्वाभिमानी शेतकरी संघटनेचीही स्थापना केली.

शेट्टी यांचे 'शिवार ते संसद' या मराठी पुस्तकाचे प्रकाशन १ जानेवारी २०१३ रोजी झाले. हे पुस्तक पद्मगंधा प्रकाशनातर्फे प्रकाशित करण्यात आले असून, यात राजू शेट्टी यांच्या शेतकरी चळवळीतील प्रवासाचा आणि संसदेतील अनुभवांचा आढावा घेण्यात आला आहे.

कारकीर्द

राजू शेट्टी सुरुवातीला जिल्हा परिषदेच्या निवडणुकीत पहिल्याच प्रयत्नात निवडून आले. नंतर शिरोळ मतदारसंघातून आमदार म्हणून निवडून येताना राजेंद्र पाटील आणि रजनी मगदूम यांचा पराभव केला होता. २००९ च्या ऑक्टोबर महिन्यातील निवडणुकीत हातकणंगले मतदारसंघातून स्वाभिमानी शेतकरी संघटनेचे आमदार राजू शेट्टी यांनी राष्ट्रवादी काँग्रेसच्या खासदार निवेदिता माने यांना ९५ हजार ६० मतांनी पराभूत करून धक्का दिला.

पुरस्कार

• लोकमत महाराष्ट्रीयन ऑफ द इयर २०११

बाह्य दुवे

• स्वाभिमान पक्षाचे अधिकृत संकेतस्थळ Archived 2010-03-14 at the वेबॅक मशीन.