अभिनव बिंद्रा

अभिनवसिंग बिंद्रा

वैयक्तिक माहिती
पूर्ण नाव	अभिनवसिंग बिंद्रा
राष्ट्रीयत्व	भारतीय
जन्मदिनांक	२८ सप्टेंबर, १९८२ (1982-09-28)
जन्मस्थान	देहरादून, उत्तराखंड, भारत
खेळ
देश	भारत
खेळ	नेमबाजी
खेळांतर्गत प्रकार	१० मीटर हवाई रायफल
पदके पदक माहिती भारत साठी खेळताना पुरुष नेमबाजी ऑलिंपिक खेळ सुवर्ण २००८ बीजिंग १० मीटर एअर रायफल विश्व नेमबाजी अजिंक्यपद सुवर्ण २००६ जाग्रेब पुरुष १० मीटर एअर रायफल कॉमनवेल्थ खेळ रौप्य २००२ मँचेस्टर १० मीटर एअर रायफल (एकेरी) सुवर्ण २००२ मँचेस्टर १० मीटर एअर रायफल (जोड़ी) कांस्य २००६ मेलबर्न १० मीटर एअर रायफल (एकेरी) सुवर्ण २००६ मेलबर्न १० मीटर एअर रायफल (जोड़ी) सुवर्ण २०१० दिल्ली १० मीटर एअर रायफल जोडी रौप्य २०१० दिल्ली १० मीटर एअर रायफल एकेरी

अभिनवसिंग बिंद्रा (पंजाबी: ਅਭਿਨਵ ਬਿੰਦਰਾ ; रोमन लिपी: Abhinav Singh Bindra ;) (२८ सप्टेंबर, इ.स. १९८२; डेहराडून, उत्तराखंड, भारत - हयात) हा भारतीय नेमबाज आहे. त्याचे शिक्षण चंदीगड येथे झाले. त्याची नेमबाजी पाहून वडिलांनी त्याला घरातच शूटिंग रेंज बनवून दिली. वयाच्या १६व्या वर्षी, सन १९९८च्या राष्ट्रकुल स्पर्धेत जेव्हा तो सहभागी झाला, तेव्हा तो वयाने सर्वात लहान खेळाडू होता. २००१ साली बिंद्राने विविध आंतरराष्ट्रीय स्पर्धांमध्ये सहा सुवर्णपदके मिळवली.

अभिनव बिंद्राने इ.स. २००८च्या बीजिंग उन्हाळी ऑलिंपिक क्रीडास्पर्धांमध्ये, तसेच झाग्रेब, क्रोएशिया येथे झालेल्या इ.स. २००६च्या जागतिक नेमबाजी अजिंक्यपद स्पर्धेत १० मी. हवाई रायफल नेमबाजीच्या पुरुष गटांत सुवर्णपदक जिंकले. पात्रता फेरीत ५९६ गुणांसह तो तो चौथ्या स्थानावर राहिला होता; अंतिम स्पर्धेत १०४.५ गुण संपादन करून त्याने एकूण ७००.५ गुणांची कमाई केली.

त्याने राष्ट्रकुल स्पर्धेत दोन रौप्य आणि एक ब्राँझपदक आणि एशियन गेम्समध्ये एक रौप्य व दोन ब्राँझपदकेही जिंकली आहेत.

पुरस्कार

• २००० – अर्जुन पुरस्कार.
• २००१ – राजीव गांधी खेळ रत्‍न पुरस्कार (भारताचा सर्वोच्च खेळ पुरस्कार).
• २००९ – पद्मभूषण.
• २०११ - ऑनररी लेफ्टनंट कर्नल भारतीय सेना

हेसुद्धा पहा

• ऑलिंपिक खेळात भारत
• राजीव गांधी खेलरत्‍न पुरस्कार
• पद्मभूषण पुरस्कार (इ.स. २००९)