एच.पी.सी.ए. मैदान

विकिपीडिया, मुक्‍त ज्ञानकोशातून
(एचपीसीए क्रिकेट मैदान या पानावरून पुनर्निर्देशित)
Jump to navigation Jump to search
एच.पी.सी.ए. मैदान
HPCA, Dharamshala Cricket Stadium.jpg
मैदान माहिती
स्थान धरमशाला
स्थापना २००३
आसनक्षमता २३,०००
मालक हिमाचल प्रदेश क्रिकेट संघटन
प्रचालक हिमाचल प्रदेश क्रिकेट संघटन
यजमान भारतीय क्रिकेट संघ
हिमाचल प्रदेश क्रिकेट संघ
किंग्स XI पंजाब
एण्ड नावे
रिव्हर एण्ड
कॉलेज एण्ड
प्रथम ए.सा. २७ जानेवारी २०१३:
भारत वि. इंग्लंड
अंतिम ए.सा. १६ ऑक्टोबर २०१६:
भारत वि. न्यूझीलंड
प्रथम २०-२० २ ऑक्टोबर २०१५:
भारत वि. दक्षिण आफ्रिका
अंतिम २०-२० १८ मार्च २०१६:
ऑस्ट्रेलिया वि. न्यूझीलंड
यजमान संघ माहिती
किंग्स XI पंजाब (२०१० - सद्य)
शेवटचा बदल २६ डिसेंबर २०१६
स्रोत: एच.पी.सी.ए. मैदान, क्रिकइन्फो (इंग्लिश मजकूर)

हिमाचल प्रदेश क्रिकेट असोसिएशन मैदान, संक्षिप्त रुप एचपीसीए मैदान, हे हिमाचल प्रदेश, भारत येथील धरमशाला शहरात वसलेले एक क्रिकेटचे मैदान आहे. धरमशाला शहर हे तिबेटच्या दलाई लामा यांचे घर म्हणून जगात सुप्रसिद्ध आहे.

स्थान आणि इतिहास[संपादन]

सदर मैदान हे हिमाचल प्रदेश क्रिकेट संघाचे रणजी करंडक आणि इतर मर्यादित षटकांच्या सामन्यांसाठीचे होम ग्राऊंड आहे. किंग्स XI पंजाबचे होम ग्राऊंड म्हणून ह्या मैदानावर आयपीएलचे अनेक सामने झाले आहेत.[१]

हे मैदान समुद्रसपाटीपासून १,४५७ मी (४,७८०) इतक्या उंचीवर वसलेले असून त्याची पार्श्वभूमी बर्फाच्छादित हिमालयाने व्यापलेली आहे. धरमशालाला पोहोचण्यासाठी जवळचे विमानतळ ८ किलोमीटर वर गग्गल हे आहे. असह्य हिवाळा, ज्यामध्ये पडणारा पाऊस आणि हिमवर्षाव ह्या मुळे येथे नियमित सामने होऊ शकत नाहीत.

भारतीय राष्ट्रीय क्रिकेट अकादमीचे माजी संचालक डेव्ह व्हॉटमोर यांनी त्यांच्या कार्यकालात सदर मैदान आंतरराष्ट्रीय सामने खेळवण्यासाठी योग्य असल्याची शिफारस केली. मैदानावर खेळणारा पहिला आंतरराष्ट्रीय संघ पाकिस्तानचा होता. ते २००५ मध्ये भारत अ संघाविरुद्ध एक सामना खेळले.[१]

मैदानावर पहिला आंतरराष्ट्रीय एकदिवसीय सामना भारत आणि इंग्लंड दरम्यान जानेवारी २०१३ मध्ये खेळवला गेला, ज्यामध्ये इंग्लंडने गडी राखून विजय मिळवला. १७ ऑक्टोबर २०१४ रजी भारत आणि वेस्ट इंडीज दरम्यान खेळवल्या गेलेल्या दुसर्‍या सामन्यात भारताने वेस्ट इंडीजला ५९ धावांनी पराभूत केले.

धरमशाला मैदानाचा संपूर्ण देखावा

नोव्हेंबर २०१५ मध्ये, सदर मैदान आंतरराष्ट्रीय कसोटी क्रिकेटच्या भारतातील सहा नवीन मैदानांपैकी एक म्हणून निवडले गेले. इतर स्थळांमध्ये महाराष्ट्र क्रिकेट असोसिएशन स्टेडियम, होळकर क्रिकेट मैदान, सौराष्ट्र क्रिकेट असोसिएशन मैदान, जेएससीए आंतरराष्ट्रीय मैदान संकुल आणि डॉ. वाय.एस. राजशेखर रेड्डी एसीए-व्हिडीसीए क्रिकेट मैदान ह्या मैदानांचा समावेश होता.[२]

एसीसी सेंटर ऑफ एक्सलन्स[संपादन]

डिसेंबर २०१५ मध्ये, आशियाई क्रिकेट परिषदेने धरमशाला येथे पहिले एक्सलन्स सेंटर उभारण्याचे ठरवले.[३] ह्या एक्सलन्स सेंटरमार्फत उपखंडातील आणि काही असोसिएट देशांच्या खेळाडू आणि प्रशिक्षकांच्या विकासासाठी मदत करण्याचा परिषदेचा हेतू आहे.

२०१६ आयसीसी विश्व ट्वेंटी२०[संपादन]

२१ जुलै २०१५ रोजी, भारतीय क्रिकेट नियामक मंडळाने २०१६ आयसीसी विश्व ट्वेंटी२० साठी मैदानांची घोषणा केली. स्पर्धेसाठीच्या निवडक आठ मैदानांपैकी एक नाव होते, धरमशाला.[४] ११ डिसेंबर २०१५, रोजी वेळापत्रकाची घोषणा करण्यात आली, त्यानुसार एचपीसीए मैदानाकडे अ गटाचे सर्व सामने आणि सुपर १० गटाच्या एका सामन्याचे यजमानपद देण्यात आले.[५]

भारत वि पाकिस्तानचा सामना सुरवातीला ह्या मैदानावर होणार होता.[६] परंतू पाकिस्तानी संघाला गरजेची सुरक्षा पुरवण्याबाबत एचपीसीएने असमर्थता दर्शविली,[७] आणि सदर सामना इडन गार्डन्स, कोलकाता येथे हलविण्यात आला.[८]

आंतरराष्ट्रीय सामन्यांची यादी[संपादन]

एकदिवसीय[संपादन]

आजवर मैदानावर झालेल्या एकदिवसीय सामन्यांची यादी खालीलप्रमाणे[९]:

दिनांक संघ १ संघ २ विजयी संघ फरक धावफलक
२७ जानेवारी २०१३ भारतचा ध्वज भारत इंग्लंडचा ध्वज इंग्लंड इंग्लंडचा ध्वज इंग्लंड ७ गडी धावफलक
१७ ऑक्टोबर २०१४ भारतचा ध्वज भारत वेस्ट इंडीजचा ध्वज वेस्ट इंडीज भारतचा ध्वज भारत ५९ धावा धावफलक
१६ ऑक्टोबर २०१६ भारतचा ध्वज भारत न्यूझीलंडचा ध्वज न्यूझीलंड भारतचा ध्वज भारत ६ गडी धावफलक

टी २०[संपादन]

आजवर मैदानावर झालेल्या एकदिवसीय सामन्यांची यादी खालीलप्रमाणे[१०]:

दिनांक संघ १ संघ २ विजयी संघ फरक धावफलक
२ ऑक्टोबर २०१५ भारतचा ध्वज भारत दक्षिण आफ्रिकाचा ध्वज दक्षिण आफ्रिका दक्षिण आफ्रिकाचा ध्वज दक्षिण आफ्रिका ७ गडी धावफलक
९ मार्च २०१६ बांगलादेशचा ध्वज बांगलादेश Flag of the Netherlands नेदरलँड्स बांगलादेशचा ध्वज बांगलादेश ८ धावा धावफलक
९ मार्च २०१६ आयर्लंडचे प्रजासत्ताकचा ध्वज आयर्लंड ओमानचा ध्वज ओमान ओमानचा ध्वज ओमान २ गडी धावफलक
११ मार्च २०१६ Flag of the Netherlands नेदरलँड्स ओमानचा ध्वज ओमान अनिर्णित धावफलक
११ मार्च २०१६ बांगलादेशचा ध्वज बांगलादेश आयर्लंडचे प्रजासत्ताकचा ध्वज आयर्लंड अनिर्णित धावफलक
१३ मार्च २०१६ आयर्लंडचे प्रजासत्ताकचा ध्वज आयर्लंड Flag of the Netherlands नेदरलँड्स Flag of the Netherlands नेदरलँड्स १२ धावा धावफलक
१३ मार्च २०१६ बांगलादेशचा ध्वज बांगलादेश ओमानचा ध्वज ओमान बांगलादेशचा ध्वज बांगलादेश ५४ धावा धावफलक
१८ मार्च २०१६ ऑस्ट्रेलियाचा ध्वज ऑस्ट्रेलिया न्यूझीलंडचा ध्वज न्यूझीलंड न्यूझीलंडचा ध्वज न्यूझीलंड ८ धावा धावफलक

संदर्भ आणि नोंदी[संपादन]

  1. a b "धरमसाला आयपीएलसाठी एप्रिलपर्यंत तयार होणार" (इंग्रजी भाषेत). २७ डिसेंबर २०१६ रोजी पाहिले.
  2. ^ अरुण वेणुगोपाळ. "बीसीसीआयकडून निवड समितीमध्ये बदल, सहा नवीन कसोटी मैदानांची घोषणा" (इंग्रजी भाषेत). २७ डिसेंबर २०१६ रोजी पाहिले.
  3. ^ "एसीसी धरमशाला एक्सलन्स सेंटर उभारणार | क्रिकेट" (इंग्रजी भाषेत). २७ डिसेंबर २०१६ रोजी पाहिले.
  4. ^ "इडन गार्डनवर २०१६ ट्वेंटी२० विश्वचषकाचा अंतिम सामना होणार". इएसपीएन क्रिकइन्फो (इंग्रजी भाषेत). २७ डिसेंबर २०१६ रोजी पाहिले.
  5. ^ "आयसीसी विश्व ट्वेंटी२० भारत २०१६ चे वेळापत्रक". आयसीसी-क्रिकेट.कॉम (इंग्रजी भाषेत). २७ डिसेंबर २०१६ रोजी पाहिले.
  6. ^ "धरमशालावर होणार टी२० विश्वचषकाचा भारत वि पाकिस्तान सामना" (इंग्रजी भाषेत). २७ डिसेंबर २०१६ रोजी पाहिले.
  7. ^ गोल्लापुडि, नागराज. "भारत-पाक विश्व टी२० सामन्यावर राजकीय तंट्याचे सावट" (इंग्रजी भाषेत). २७ डिसेंबर २०१६ रोजी पाहिले.
  8. ^ "भारत-पाकिस्तान सामना कोलकत्याला हलविला" (इंग्रजी भाषेत). २७ डिसेंबर २०१६ रोजी पाहिले.
  9. ^ "एच.पी.सी.ए. मैदान, हिमाचल प्रदेश / नोंदी / एकदिवसीय सामने / सामने निकाल" (इंग्रजी भाषेत). २७ डिसेंबर २०१६ रोजी पाहिले.
  10. ^ "एच.पी.सी.ए. मैदान, हिमाचल प्रदेश / नोंदी / टी२० सामने / सामने निकाल" (इंग्रजी भाषेत). २७ डिसेंबर २०१६ रोजी पाहिले.