जेट एअरवेज

IATA:9W, ICAO:JAI, कॉलसाइन:JETAIRWAYS

SM सेंटर, जुने मुख्यालय

जेट एअरवेज (इंग्लिश: Jet Airways) ही भारतातील दुसरी सर्वात मोठी प्रवासी वाहतूक करणारी विमान कंपनी आहे. जेट एअरवेजचे मुख्यालय मुंबई येथे आहे. भारतातील व जगभरातील एकूण ६८ शहरांमध्ये जेट एअरवेजची विमानसेवा आहे. कंपनीच्या विमानांसाठी अबूधाबी हे मुख्य विश्रांतिस्थळ असून मुंबई, दिल्ली, कलकत्ता, चेन्नई, बंगलोर ही दुय्यम विश्रांतिस्थळे आहेत. बेल्जियम येथील ब्रुसेल्स विमानतळ हा आंतरराष्ट्रीय विमानतळ आहे. भारतात विमानवाहतूक क्षेत्रात थेट परकीय गुंतवणूक (एफडीआय) आणणारी जेट एअरवेज ही पहिली कंपनी आहे.

इतिहास

१ एप्रिल १९९२ रोजी जेट एअरवेज ही कंपनी एअर टॅक्सी ऑपरेटर म्हणून अस्तित्वात आली. ५ मे १९९३ रोजी भाड्याने घेतलेल्या ४ बोइंग ७३७-३०० विमानाच्या उड्डाणाने खऱ्या अर्थाने कंपनीची विमानवाहतूक सुरू झाली.

आरंभ आणि वाढ

२०१०-सद्यःस्थिती 

भारतामधील विमानवाहतूक क्षेत्रातील सर्वांत मोठया कंपनीचा उदय:

प्रेस ट्रस्ट ऑफ इंडिया अहवालानुसार प्रवासी वाहतूक करण्याच्या क्षमतेमध्ये जेट एअरवेज (जेट + जेटलाईट) या कंपनीचा इ.स. २०१० च्या अखेरीसचा बाजारपेठेतील हिस्सा भारतामध्ये सर्वांत जास्त, २२.६ % इतका आहे. त्याखालोखाल किंगफिशरचा हिस्सा १९.९% इतका असून विमानसेवा देण्यामध्ये ती कंपनी दुसऱ्या क्रमांकावर आहे. २४ एप्रिल २०१३ रोजी जेट एअरवेजने २४% समभाग युनायटेड अरब अमिरातीच्या मालकीची असलेल्या एथिॲड विमानकंपनीला ३७९ मिलियन अमेरिकन डॉलरना विकण्याची तयारी दर्शविली होती. परंतु याबाबतची अंतिम कार्यवाही अद्यापपर्यंत पूर्ण होऊ शकलेली नाही.

रुपयाचे अवमूल्यन झाल्यानंतर जेट एअरवेजने कंपनीला नफा मिळविण्याच्या उद्देशाने संपूर्ण कंपनीचा लेखाजोगा घेऊन विमानाने प्रवास करणाऱ्या प्रवाशांना तिकिटांमध्ये प्रथमच चार वेगवेगळ्या प्रकारच्या सवलती देऊ केलेल्या आहेत.

जागतिक उलाढाल

मुंबईतील अंधेरी येथे असलेल्या सियोरा सेंटर या जेट एअरवेजच्या मुख्यालयामधून विमान प्रवासाबाबतच्या जागतिक उलाढाली होत असतात.

सहकंपन्या

जेटलाईट

२० सप्टेंबर १९९१ पासून सहारा एअरलाइन्सची जेटलाईट ही जेट एअरवेजची सह-कंपनी म्हणून काम करते आहे. ३ डिसेंबर १९९३ रोजी २ बोइंग ७३७-२०० विमानाच्या उड्डाणाने जेटलाईटने विमानवाहतूक करण्यास सुरुवात केलेली आहे.

जेटकनेक्ट

जेट एअरवेजची जेटकनेक्ट, पूर्वीची जेट एअरवेज कनेक्ट ही सर्वांत कमी दर असलेली सह-कंपनी आहे. ८ मे २००९ रोजी या कंपनीने विमानवाहतुकीसाठी बोइंग ७३७ या विमानाचा वापर सुरूकेला आहे.

स्थानके

जॆटकनेक्ट ही कंपनी आशिया, युरोप आणि उत्तर अमेरिका या देशांमध्ये ५२ स्थानिके आणि २१ आंतराराष्ट्रीय स्थानके अशा एकूण ७३ स्थानकांपर्यंत प्रवाशांना विमानसेवा उपलब्ध करून देते. बोईंग ७३७ ही विमाने जवळच्या ठिकाणी प्रवाशांना पोहोचविण्यासाठी, आणि एअरबस ए३३०-२०० आणि बोइंग 777-३०० ई आर ही विमाने लांब पल्ल्याच्या प्रवासासाठी वापरली जातात. २००५ मध्ये, जेटकनेक्टची लंडन, इंग्लंड सारख्या दूरच्या स्थानकांपर्यंत विमानसेवा सुरू झाली.

करार

जून २०१३ रोजी जेट एअरवेजने खालील विमानसेवा कंपन्यांशी सांकेतांक करार केलेला आहे.

एर कॅनडा एअर फ्रान्स ऑल निपॉन एरवेझ अलिटालिया अमेरिकन एरलाइन्स ब्रसेल्स एरलाइन्स एतिहाद एरवेझ गरुडा इंडोनेशिया केनिया एरवेझ केएलएम| मलेशिया एरलाइन्स साऊथ आफ्रिकन एरवेझ क्वांटास युनायटेड एरलाइन्स

उड्डाणे

Jet Airways Fleet

विमान	सेवा	मागणी	प्रवासी				शेरा
			एफ	जे	वाय	एकूण
ए३३०-२०० एअरबस	१०	—
			०	३०	१९६	२२६
ए३३०-३०० एअरबस	४	१	०	३४	२५९	२९३
एटीआर ७२-५००	१६	—	०	०	६२	६२
			०	०	६८	६८
एटीआर ७२-६००	१	३	०	०	६८	६८	जेटकनेक्टसाठी वापरतात
बोइंग ७३७-७००	७	—	०	१६	१०२	११८	जेटकनेक्टसाठी वापरतात
बोइंग ७३७-८००	४८	२२	०	१६	१३८	१५४	जेटकनेक्टसाठी ६ वापरतात
			०	८	१६२	१७०
बोईंग ७३७-९००	४	—	०	२८	१३८	१६६	जेटकनेक्टसाठी 2 वापरतात
बोइंग ७3७ एमएएक्स ८	—	५०	—	—	—	—	२०१७ मध्ये सेवा सुरू
बोइंग ७७७-३००ईआर	१०	—	८	३0	२७४	३१२	३ तुर्की विमानसेवेला लीजवर
			८	३0	३१२	३५0
बोइंग ७८७-९	—	१०	टीबीए				२०१५ पासून पुरवठा सुरू
एकूण	१००	८६

विमानाची रंगसंगती

फिकट निळा, करडा आणि सोनरी हे तीन रंग जेट एअरच्या विमानावरील पृष्ठभागावर वापरलेले असून 'उडता सूर्य' हा या विमान कंपनीचा लोगो आहे.

सेवा

सर्व विमानामध्ये पॅनासॉनिक ईएफएक्स आयएफई सारख्या सुविधा दिल्यामुळे चित्रपट, दूरचित्रवाणीवरील कार्यक्रम, संगीत, जगभरातील चॅनेलवरील सर्व कार्यक्रम यासारखी मनोरंजनाची साधने कोणत्याही वर्गाच्या प्रवाशांना विमानामध्ये बसल्या जागेवरून बघता येणे शक्य झाले आहे.

बाह्य दुवे

• जेट एअरवेजची अधिकृत वेबसाईट