भारतीय स्टेट बँक

विकिपीडिया, मुक्‍त ज्ञानकोशातून
भारतीय स्टेट बँक
ब्रीदवाक्य द नेशन बँक्स ऑन अस
प्रकार सार्वजनिक
उद्योग क्षेत्र बँकिंग
विमा
भांडवली बाजार आणि संबंधित
स्थापना १८०६, कोलकाता (’स्टेट बँक ऑफ कलकत्ता’ नावाने)
मुख्यालय भारत कॉर्पोरेट सेंटर,
मॅडम कामा मार्ग,
मुंबई ४०० ०२१, भारत
महत्त्वाच्या व्यक्ती अध्यक्ष (विद्यमान: रजनीश कुमार)
उत्पादने कर्ज, क्रेडिट कार्डे, बचत, गुंतवणूक साधने, विमा इत्यादी
महसूली उत्पन्न १३.७७५ अब्ज अमेरिकन डॉलर (२००५)
संकेतस्थळ www.statebankofindia.com/

भारतीय स्टेट बँक (इंग्लिश: State Bank of India) (लघुरूप एसबीआय) ही भारतातील सर्वात मोठी बँक आहे. सन १९२१मध्ये स्थापन झालेल्या इंपीरियल बँक ऑफ इंडियाचे नामांतर `स्टेट बँक ऑफ इंडिया'त झाले. भाग भांडवल आणि गंगाजळी याचा विचार करता जगातील सर्वात मोठ्या १०० बँकांत या बँकेचा २०१२ साली ६० वा क्रमांक लागतो.[१] शाखा आणि कर्मचार्‍यांची संख्या लक्षात घेतल्यास स्टेट बँक जगातील सर्वात मोठी बँक ठरू शकेल.[ संदर्भ हवा ]

१८०६मध्ये बँक ऑफ कलकत्ता नावाने स्थापलेली ही बँक भारतीय उपखंडातील सर्वात जुनी बँक आहे. डिसेंबर २०१२ ची मालमत्ता विचारात घेता, ही भारतातील सर्वात मोठी बँकिंग आणि वित्तीय सेवा कंपनी असून हिची ५०१ अब्ज डॉलर मालमत्ता व १५७ परदेशी कार्यालये धारून एकूण १५,००३ शाखा होत्या. [२] मुंबई नंतर दिल्लीत सर्वात जास्त शाखा आहेत.[३] एसबीआय अनिवासी भारतीयांना (एनआरआय) भारतातील आणि भारताबाहेरील शाखांच्या नेटवर्कमधून बँकिंग सेवा पुरवते. एसबीआयच्या भारतात १४ प्रादेशिक hubs असून देशातील महत्त्वाच्या शहरांमध्ये ५७ विभागीय कार्यालये आहेत.[४] एसबीआयचा भारतीय व्यापारी बँकांमध्ये ठेवी आणि कर्ज स्वरूपात २०% हिस्सा आहे.[५]

स्टेट बँकेच्या सहयोगी बँका[संपादन]

(यांतील बहुतेक बँकांचे स्टेट बँकेत विलीनीकरण झाले आहे)

  • भारतीय महिला बँक
  • स्टेट बँक ऑफ इंदूर
  • स्टेट बँक ऑफ त्रावणकोर
  • स्टेट बँक ऑफ पतियाळा
  • स्टेट बँक ऑफ बिकानेर अॅन्ड जयपूर
  • स्टेट बँक ऑफ म्हैसूर
  • स्टेट बँक ऑफ सौराष्ट्र
  • स्टेट बँक ऑफ हैदराबाद



संदर्भ[संपादन]

  1. Do we need more banks or bigger banks? Moneycontrol.com
  2. History of the Evolution of SBI volumes १, २ and ३ and Banking Beyond Boundaries (Penguin, २०११)
  3. State Bank of India Branches. 25 May 2013, इ.स. 25 May 2013 रोजी पाहिले.
  4. State Bank of India Offices.
  5. SBI accounts for one-fifth of country's loans. 25 January 2009, इ.स. 25 May 2013 रोजी पाहिले.