न्यू यॉर्क

न्यू यॉर्क
New York
	न्यू यॉर्क; New York
	अमेरिका देशाचे राज्य
ध्वज	चिन्ह
	टोपणनाव: द एंपायर स्टेट (The Empire State)
	ब्रीदवाक्य: Excelsior
अधिकृत भाषा	इंग्लिश
राजधानी	आल्बनी
मोठे शहर	न्यू यॉर्क शहर
क्षेत्रफळ	अमेरिकेत २७वा क्रमांक
- एकूण	१,४१,३०० किमी²
- रुंदी	४५५ किमी
- लांबी	५३० किमी
- % पाणी	१३.५
लोकसंख्या	अमेरिकेत ३वा क्रमांक
- एकूण	१,९३,७८,१०२ (२०१० सालच्या गणनेनुसार)
- लोकसंख्या घनता	४०८.७/किमी² (अमेरिकेत ७वा क्रमांक)
- सरासरी उत्पन्न	$४८५६२
संयुक्त संस्थानांमध्ये प्रवेश	२६ जुलै १७८८ (११वा क्रमांक)
संक्षेप	US-NY
संकेतस्थळ	http://www.ny.gov

हा लेख अमेरिकेतील एक राज्य, न्यू यॉर्क याबद्दल आहे. या राज्यातील सर्वात मोठे शहर यासाठी पाहा, न्यूयॉर्क शहर.

न्यू यॉर्क (इंग्रजी: New York) हे अमेरिकेच्या ईशान्य भागातील एक राज्य आहे. न्यू यॉर्क हे क्षेत्रफळाच्या दृष्टीने अमेरिकेमधील २७वे तर लोकसंख्येच्या दृष्टीने तिसर्‍या क्रमांकाचे राज्य आहे.

न्यू यॉर्कच्या उत्तरेला कॅनडाचे ओन्टारियो व क्वेबेक हे प्रांत, वायव्येला ओन्टारियो सरोवर, पूर्वेला ईरी सरोवर, दक्षिणेला पेनसिल्व्हेनिया व न्यू जर्सी, आग्नेयेला अटलांटिक महासागर तर पूर्वेला व्हरमाँट, कनेक्टिकट व मॅसेच्युसेट्स ही राज्ये आहेत. आल्बनी ही न्यू यॉर्क राज्याची राजधानी असून न्यू यॉर्क शहर हे अमेरिकेतील सर्वात मोठे शहर ह्याच राज्याच्या अखत्यारीत येते. न्यूयॉर्क राज्य आणि न्यू यॉर्क शहर ह्यांत फरक करण्यासाठी बरेच वेळा राज्याचा उल्लेख 'न्यू यॉर्क राज्य' (New York State) असा स्पष्टपणे केला जातो.

न्यू यॉर्क राज्याची अर्थव्यवस्था अमेरिकेमध्ये तिसर्‍या क्रमांकावर आहे, ज्यापैकी बव्हंशी उलाढाल न्यू यॉर्क शहराशी निगडित आहे. वाहतूक व्यवस्था, शिक्षण, संस्कृती इत्यादी सर्वच बाबतीत न्यू यॉर्क अमेरिकेचे एक आघाडीचे राज्य मानले जाते.

[संपादन] शहरे

खालील सहा न्यू यॉर्क राज्यातील सर्वात मोठी शहरे आहेत.

**सर्वात मोठी शहरे**
शहर	लोकसंख्या
न्यू यॉर्क शहर	८१,७५,१३३
बफेलो	२,६१,३१०
रॉचेस्टर	२,१०,५६५
याँकर्स	१,९५,९७६
सिरॅक्युज	१,४५,१७०
आल्बनी	९७,८५६