बार्तन प्रांत

बार्तन प्रांत Bartın ili
तुर्कस्तानचा प्रांत
बार्तन प्रांतचे तुर्कस्तान देशामधील स्थान
देश	तुर्कस्तान
राजधानी	बार्तन
क्षेत्रफळ	२,१४० चौ. किमी (८३० चौ. मैल)
लोकसंख्या	१,८८,४३६
घनता	८८ /चौ. किमी (२३० /चौ. मैल)
आय.एस.ओ. ३१६६-२	TR-74
संकेतस्थळ	bartin.gov.tr

झोंगुल्दाक प्रांतामधील जिल्ह्यांचा विस्तृत नकाशा (तुर्की भाषा)

बार्तन (तुर्की: Sakarya ili) हा तुर्कस्तान देशामधील एक प्रांत आहे. तुर्कस्तानच्या उत्तर भागात काळ्या समुद्राच्या किनाऱ्यावर वसलेल्या ह्या प्रांताची लोकसंख्या सुमारे २ लाख आहे. बार्तन ह्याच नावाचे शहर ह्या प्रांताची राजधानी आहे.

इतिहास

बार्तनचा इतिहास इ.स.पू. १४ व्या शतकापर्यंत सापडतो. त्या सुमारास येथे गास्का जमातीचे वास्तव्य होते. त्यानंतरच्या शतकांमध्ये या प्रदेशावर हित्ती, फ्रिगियन, सिमेरियन, लिडियन, फारसी आणि ग्रीक अशा विविध संस्कृतींचे वर्चस्व राहिले. रोमन आणि बायझेंटाईन साम्राज्याचा भाग राहिल्यानंतर, ११ व्या शतकात हा प्रदेश तुर्कांच्या ताब्यात आला. १४६० मध्ये हा प्रांत आणि पार्थेनियस या नावाने ओळखले जाणारे शहर सुलतान दुसऱ्या मेहमतने ओस्मानी साम्राज्यात जिंकून घेतले.

२८ ऑगस्ट, १९९१ रोजी बार्तनला झोंगुल्दाकपासून वेगळे करून स्वतंत्र प्रांताचा दर्जा देण्यात आला.

भूगोल

बार्तन प्रांताचा एकूण भूभाग सुमारे २,१४३ चौरस किमी असून तो कृष्ण समुद्राच्या किनाऱ्यावर वसलेला आहे. या प्रांताच्या उत्तरेला ५९ किमी लांबीची किनारपट्टी असून पूर्वेला कस्तमोनू, दक्षिणेला कराबुक आणि पश्चिमेला झोंगुलल्दाक प्रांत आहेत. येथील भूप्रदेश डोंगराळ असून कुरे पर्वतरांगांचा मोठा भाग या प्रांतात येतो. बार्तन नदी या प्रदेशातील मुख्य नदी असून पात्रातून बोटींची वाहतूक होऊ शकणारी तुर्कीमधील ही एकमेव नदी आहे. येथील हवामान प्रामुख्याने सागरी असून उन्हाळा उबदार आणि हिवाळा थंड व पावसाळी असतो.

बाह्य दुवे

विकिमीडिया कॉमन्सवर

बार्तन प्रांत

संबंधित संचिका आहेत

• अधिकृत संकेतस्थळ