फ्रेंच ओपन
| फ्रेंच ओपन | |
|---|---|
 | |
| सुरुवात | इ.स. १८९१ |
| स्थान |
पॅरिस फ्रान्स |
| स्थळ | स्ताद रोलां गारो |
| कोर्ट पृष्ठभाग | क्ले / आउटडोअर |
| बक्षीस रक्कम | € २,१०,१७,००० |
| ड्रॉ | १२८ एकेरी / १२८ पात्र / ६४ दुहेरी |
| सद्य विजेते |
 रफायेल नदाल (एकेरी) जुलिएं बेनेतेऊ / एदुआर्दे रोजर-व्हासेली (दुहेरी) |
| सर्वाधिक एकेरी अजिंक्यपदे | रफायेल नदाल (९) |
| सर्वाधिक दुहेरी अजिंक्यपदे | मॅक्स देकुगी (१४) |
| ड्रॉ | १२८ एकेरी / १२८ पात्र / ६४ दुहेरी |
| सद्य विजेत्या |
 मारिया शारापोव्हा (एकेरी) सु-वै ह्सियेह /  श्वाई पेंग (दुहेरी) |
| सर्वाधिक एकेरी अजिंक्यपदे | ख्रिस एव्हर्ट (७) |
| सर्वाधिक दुहेरी अजिंक्यपदे | मार्टिना नवरातिलोव्हा (७) |
| ड्रॉ | ६४ |
| सद्य विजेते |
 ॲना-लेना ग्रोनेफेल्ड /  ज्यां-ज्युलियेन रोयेर |
| २०१४ फ्रेंच ओपन | |
फ्रेंच ओपन (फ्रेंच: Les internationaux de France de Roland-Garros) ही फ्रान्सच्या पॅरिस शहरात भरवली जाणारी एक वार्षिक टेनिस स्पर्धा आहे. फ्रेंच ओपन ही टेनिस जगतातील चार महत्त्वाच्या व मानाच्या ग्रँड स्लॅम स्पर्धांपैकी एक आहे. दोन आठवडे चालणारी ही स्पर्धा पॅरिसच्या १६व्या जिल्ह्यातील स्ताद रोलां गारो ह्या क्रीडासंकुलात दरवर्षी मे व जून महिन्यांदरम्यान भरवली जाते. १९२८ सालापासून फ्रेंच ओपन ह्याच ठिकाणी खेळवली गेली आहे व लाल मातीच्या कोर्टावर खेळली जाणारी ही एकमेव ग्रँड स्लॅम आहे.
ह्या स्पर्धेची सर्वात पहिली आवृत्ती पुरुषांसाठी १८८१ साली तर महिलांसाठी १८८७ साली खेळवली गेली व केवळ फ्रेंच टेनिसपटूच ह्यात भाग घेऊ शकत असत. १९२५ साली ही स्पर्धा सर्व आंतरराष्ट्रीय टेनिसपटूंसाठी उपलब्ध झाली तर १९६८ सालापासून फ्रेंच ओपन स्पर्धा खुली करण्यात आली ज्यात व्यावसायिक व हौशी ह्या दोन्ही प्रकारचे खेळाडू भाग घेऊ लागले. सध्या फ्रेंच ओपनमध्ये पुरुष एकेरी व दुहेरी, महिला एकेरी व दुहेरी, मिश्र दुहेरी, मुले, मुली तसेच व्हीलचेअर स्पर्धांचे आयोयन केले जाते.
येथील वैशिष्ट्यपूर्ण मातीच्या कोर्टमुळे फ्रेंच ओपन स्पर्धेला एक वेगळे वलय प्राप्त झाले आहे. येथील सामने शारिरिक दृष्ट्या सर्वात खडतर व दमवणारे मानले जातात. मातीवर आदळल्यानंतर टेनिस बॉलचा वेग कमी होतो ज्यामुळे वेगवान सर्व्हिस करणारे खेळाडू येथे निष्प्रभ ठरतात. इतर कोर्टांच्या मानाने संथ गतीने परंतु अधिक उंच उसळणारा बॉल परतवणे अनेक खेळाडूंना जमत नाही. ह्यामुळे आजवर जॉन मॅकएन्रो, पीट सॅम्प्रास, बोरिस बेकर, स्टीफन एडबर्ग, व्हीनस विल्यम्स इत्यादी अनेक मातब्बर व यशस्वी टेनिसपटूंना फ्रेंच ओपन जिंकणे जमलेले नाही. विक्रमी १७ एकेरी ग्रँड स्लॅम स्पर्धा जिंकणाऱ्या रॉजर फेडररला फ्रेंच ओपन विजेतेपद केवळ एकदाच मिळाले आहे. संथ कोर्टासाठी साजेशी शैली असणारे ब्यॉन बोर्ग, रफायेल नदाल, इव्हान लेंडल, जस्टिन हेनिन इत्यादी टेनिसपटूंना मात्र येथे प्रचंड यश मिळाले आहे.
विजेते
[संपादन]खुल्या युगात (१९६८ नंतर) ही स्पर्धा पुरुष एकेरीमध्ये रफायेल नदालने सर्वाधिक वेळा (९ वेळा) तर महिला एकेरीमध्ये ख्रिस एव्हर्टने सात वेळा जिंकण्याचा विक्रम केला आहे. भारताच्या लिअँडर पेसने पुरुष दुहेरीमध्ये फ्रेंच ओपनचा चषक विक्रमी ३ वेळा उचलला आहे.
| स्पर्धा | विजेता | उप-विजेता | स्कोर |
|---|---|---|---|
| पुरुष एकेरी | रफायेल नदाल |
 नोव्हाक जोकोविच |
3-6, 7-5, 6–2, 6-4 |
| महिला एकेरी | मारिया शारापोव्हा |
 सिमोना हालेप |
6-4, 6-7(5–7), 6-4 |
| पुरुष दुहेरी | जुलिएं बेनेतेऊ एदुआर्दे रोजर-व्हासेली |
मार्सेल ग्रानोयेर्स मार्क लोपेझ |
6–3, 7–6(7–1) |
| महिला दुहेरी | सु-वै ह्सियेह श्वाई पेंग |
 सारा एरानी रॉबेर्ता व्हिंची |
6–4, 6–1 |
| मिश्र दुहेरी | ॲना-लेना ग्रोनेफेल्ड ज्यां-ज्युलियेन रोयेर |
जुलिया ग्योर्जेस नेनाद झिमोंजिक |
4–6, 6–2, [10–7] |
बाह्य दुवे
[संपादन]
48°50′49.79″N 2°14′57.18″E / 48.8471639°N 2.2492167°E
| मागील ऑस्ट्रेलियन ओपन |
ग्रँड स्लॅम स्पर्धा मे-जून |
पुढील विंबल्डन |
{वर्ग:पॅरिस]]