१९५० फिफा विश्वचषक

१९५० फिफा विश्वचषक

IV Campeonato Mundial de Futebol
स्पर्धा माहिती
यजमान देश	ब्राझील
तारखा	२४ जून – १६ जुलै
संघ संख्या	१५
स्थळ	६ (६ यजमान शहरात)
अंतिम निकाल
विजेता	उरुग्वे (२ वेळा)
उपविजेता	ब्राझील
तिसरे स्थान	स्वीडन
चौथे स्थान	स्पेन
इतर माहिती
एकूण सामने	२२
एकूण गोल	८८ (४ प्रति सामना)
प्रेक्षक संख्या	१०,४३,५०० (४७,४३२ प्रति सामना)
← १९३८ १९५४ →

१९५० फिफा विश्वचषक ही फिफाच्या विश्वचषक ह्या फुटबॉल स्पर्धेची चौथी आवृत्ती ब्राझील देशामध्ये २४ जून ते १६ जुलै १९५० दरम्यान खेळवण्यात आली. दुसऱ्या महायुद्धामुळे १९४२ व १९४६ सालच्या स्पर्धा रद्द केल्या गेल्यामुळे १९३८ च्या विश्वचषकानंतर १२ वर्षांनी ही स्पर्धा भरवली गेली. जगातील ३७ देशांच्या राष्ट्रीय फुटबॉल संघांनी ह्या स्पर्धेच्या पात्रता फेरीत भाग घेतला ज्यांपैकी १५ संघांची अंतिम स्पर्धेसाठी निवड करण्यात आली.

उरुग्वेने अंतिम साखळी गटात यजमान ब्राझीलला २–१ असे पराभूत करून दुसरे अजिंक्यपद मिळवले. विजेतेपदासाठी अंतिम फेरीचा सामना न खेळवला गेलेला हा आजवरचा एकमेव विश्वचषक आहे.

पात्र संघ

दुसऱ्या महायुद्धात पराभूत जर्मनी व जपानला ह्या स्पर्धेचे आमंत्रण नव्हते. तसेच पूर्व युरोपातील सर्व देशांनी ह्या स्पर्धेवर बहिष्कार टाकला होता. आशिया गटामधून बर्मा, फिलिपाईन्स व इंडोनेशियाने असमर्थता दाखल्यामुळे भारत देशाला विश्वचषकात खेळण्याची प्रथमच पात्रता मिळाली.

•  बोलिव्हिया
•  ब्राझील (यजमान)
•  चिली
•  इंग्लंड
•  इटली (गतविजेते)
•  मेक्सिको
•  पेराग्वे
•  स्पेन
•  स्कॉटलंड
•  स्वीडन
•  स्वित्झर्लंड
•  अमेरिका
•  उरुग्वे
•  फ्रान्स (स्पर्धा सुरू होण्यापूर्वी माघार)
•  भारत (स्पर्धा सुरू होण्यापूर्वी माघार)

स्पर्धा सुरू होण्यापूर्वी भारताने प्रवासखर्च, संघाला सरावाचा अभाव व संघनिवडीच्या समस्या इत्यादी कारणांस्तव ह्या स्पर्धेमधून अंग काढून घेतले. फ्रान्सने देखील प्रवासखर्चाचे कारण दाखवत ह्या स्पर्धेत भाग घेण्यास नकार दिला. ह्यामुळे केवळ १३ देशांचे संघ ह्या स्पर्धेत खेळले.

यजमान शहरे

ब्राझिलमधील सहा शहरांमध्ये सामने खेळवण्यात आले.

रियो दि जानेरो	साओ पाउलो	बेलो होरिझोन्ते
माराकान्या	Estádio do Pacaembu	Estádio Sete de Setembro
26°14′5.27″S 27°58′56.47″E	33°54′12.46″S 18°24′40.15″E	29°49′46″S 31°01′49″E
क्षमता: 199,854	क्षमता: 60,000	क्षमता: 30,000
रियो दि जानेरो साओ पाउलो बेलो होरिझोन्ते     कुरितिबा पोर्तू अलेग्री रेसिफे १९५० फिफा विश्वचषक (ब्राझील)
कुरितिबा	पोर्तू अलेग्री	रेसिफे
23°55′29″S 29°28′08″E	25°27′42″S 30°55′47″E	29°07′02.25″S 26°12′31.85″E
Estádio Vila Capanema	Estádio dos Eucaliptos	Estádio Ilha do Retiro
क्षमता: 10,000	क्षमता: 20,000	क्षमता: 10,000

स्पर्धेचे स्वरूप

ह्या स्पर्धेमध्ये १५ पात्र संघांना ४ गटांत विभागण्यात आले व साखळी पद्धतीने लढती घेतल्या गेल्या. बाद फेरीऐवजी सर्वोत्तम चार संघांमध्ये पुन्हा एकदा साखळी फेरी खेळवली गेली. ह्या अंतिम साखळीमधील सर्वोत्तम संघाला विजेतेपद देण्यात आले.

अंतिम साखळी फेरी निकाल

संघ	सा	वि	ब	प	गोनों	गिवि	गू
उरुग्वे	3	2	1	0	7	5	5
ब्राझील	3	2	0	1	14	4	4
स्वीडन	3	1	0	2	6	11	2
स्पेन	3	0	1	2	4	11	1

बाह्य दुवे

• फिफाच्या संकेतस्थळावरील माहिती Archived 2016-03-07 at the Wayback Machine.

विकिमीडिया कॉमन्सवर

१९५० फिफा विश्वचषक

संबंधित संचिका आहेत