कपिलधार

विकिपीडिया, मुक्‍त ज्ञानकोशातून
Jump to navigation Jump to search

श्रीक्षेत्र कपिलधार हे महाराष्ट्र राज्यातील बीड जिल्ह्यातील एक निसर्गरम्य तीर्थक्षेत्र आहे. गर्द वनश्रीच्या सान्निध्यात येथे मन्मथ स्वामी या लिंगायत सत्पुरुषाची टुमदार समाधी आहे. तुलसीविवाहाच्या वेळी येथे पाच दिवस यात्रा भरते. बीड शहराच्या दक्षिणेस १९ किमीवर मांजरसुंभा, व तेथून दीड किलोमीटरवर छोट्या टेकड्यांच्या दरीत दहा मीटर उंचीवरून पडणार्‍या जलप्रपाताच्या पायथ्याशी हे स्थान आहे. येथे मन्मथ स्वामींचे मंदिर आहे. लिंगायतपंथीयांचे ते एक श्रद्धास्थान आहे. जवळच कपिलधार नावाचा धबधबा आहे. मांजरसुभा हे गाव बीड तालुक्यात आहे. बीड, अहमदनगर उस्मानाबाद व अंबेजोगाईस जाणारे रस्ते या ठिकाणी एकत्र येतात. [१]

संदर्भ[संपादन]

  1. ^ "कपिलधार" (मराठी मजकूर). १७ ऑगस्ट, इ.स. २०१२. १७ ऑगस्ट, इ.स. २०१२ रोजी पाहिले.