"भितरकनिका राष्ट्रीय उद्यान" च्या विविध आवृत्यांमधील फरक
दीपाली फडके (चर्चा | योगदान) →भितरकनिका राष्ट्रीय उद्यानात पोहोचण्यासाठी मार्ग: दुरुस्ती केली खूणपताका: मोबाईल संपादन मोबाईल वेब संपादन |
दीपाली फडके (चर्चा | योगदान) →इतिहास: आशय बदलला खूणपताका: मोबाईल संपादन मोबाईल वेब संपादन |
||
ओळ ३: | ओळ ३: | ||
==इतिहास== |
==इतिहास== |
||
भितरकनिकाला मोठा सांस्कृतिक व ऐतिहासिक वारसा आहे. पूर्वी कनिका राजाचे हे शिकारीचे राखीव क्षेत्र होते. त्यामुळे शिकारीसाठी बांधलेले मनोरे व कृत्रिम तळी आपण जागोजागी बघू शकतो. |
भितरकनिकाला मोठा सांस्कृतिक व ऐतिहासिक वारसा आहे. पूर्वी कनिका राजाचे हे शिकारीचे राखीव क्षेत्र होते. त्यामुळे शिकारीसाठी बांधलेले मनोरे व कृत्रिम तळी आपण जागोजागी बघू शकतो. भितरकनिका येथील जैवविविधतेसाठी आणि खारफुटीच्या वनस्पतींसाठी जागतिक पातळीवर प्रसिध्द आहे. |
||
==वनस्पती== |
==वनस्पती== |
१९:४९, २४ फेब्रुवारी २०१८ ची आवृत्ती
भितरकनिका ( वित्रकर्णिका) राष्ट्रीय उद्यान हे भारतातील ओडिशा राज्यातील केंद्रपाडा जिल्ह्यात आहे. याचे एकूण क्षेत्रफळ ६७२ चौ.किमी. आहे. या राष्ट्रीय उद्यानाच्या बाजूने भितरकनिका अभयारण्य वसलेले आहे. याच्या पूर्वेला गहिरमाथा सागरकिनारा आणि सागरी अभयारण्य आहे. १६ सप्टेंबर १९९८ रोजी हे राष्ट्रीय उद्यान म्हणून घोषित केले गेले. या राष्ट्रीय उद्यानात ब्राह्मणी, बैतरणी, धामरा, पाठसाला या नद्यांमधून पाणी येते.
इतिहास
भितरकनिकाला मोठा सांस्कृतिक व ऐतिहासिक वारसा आहे. पूर्वी कनिका राजाचे हे शिकारीचे राखीव क्षेत्र होते. त्यामुळे शिकारीसाठी बांधलेले मनोरे व कृत्रिम तळी आपण जागोजागी बघू शकतो. भितरकनिका येथील जैवविविधतेसाठी आणि खारफुटीच्या वनस्पतींसाठी जागतिक पातळीवर प्रसिध्द आहे.
वनस्पती
येथे सुंदरी(थेस्पिया) सारख्या अनेक प्रकारच्या खारफुटी वनस्पतींच्या प्रजाती आहेत. भारतातील ही दुसऱ्या क्रमांकावर असलेली सर्वांत मोठी खारफुटी परिसंस्था आहे.येथील वन हे हेंतल वन म्हणून ओळखले जाते.
प्राणी व पक्षी
येथे खाऱ्या पाण्यातील मगर, पाण घोरपड, अजगर, नाग इतर अनेक साप हे सरीसृप वर्गातील प्राणी आढळतात. कोल्हा, लांडगा, तरस, खोकड, रानमांजर, रानडुक्कर, लाल तोंडी माकड, वानर,चितळ, सांबर, मुंगूस असे प्राणी आढळतात.
बगळा,पाणकावळा,तिरंदाज,काळा कुदळ्या, खंड्या, उघडया चोचीचा करकोचा हे पक्षी येथे आढळतात. हिवाळ्यात जवळपास लाखोंच्या संख्येने पक्षी इथे स्थलांतर करून येतात. पावसाळ्यात हजारो पक्षी घरटी बांधण्यासाठी येतात.
गहिरमाथा आणि इतर सागर किनाऱ्यांवर ऑलिव्ह रिडले समुद्र कासव आपण बघू शकतो. धोका असलेल्या खाऱ्या पाण्यातील मगरी येथे सर्वात जास्त संख्येने आढळतात.
खास आकर्षण
मोठ्या आकाराच्या खाऱ्या पाण्यातील मगरी; ज्यांची लांबी जवळपास २३ फूट अशी असू शकते; हे येथील सर्वात मोठे आणि खास आकर्षण आहे. तसेच पाण घोरपड हेही एक आकर्षण आहे.खंड्या या पक्ष्याच्या ८ वेगवेगळ्या जाती इथे आढळतात.
पर्यटन
येथे आपल्याला वनखात्याने परवाना दिलेल्या बोटीतून फिरावे लागते. याचे मुख्य प्रवेशद्वार म्हणजे खोला गेट आहे. तसेच अजून एक प्रवेशद्वार आहे ते आहे गुप्ती गेट. काही वर्षांपूर्वी येथे पर्यटन अजिबात नव्हते. परंतु आता मात्र परिस्थितीत बदल होत आहे. राज्य सरकार करत असलेल्या प्रयत्नांमुळे आता येथील पर्यटन थोडे वाढले आहे. येथील खोला ते डांगमल ही बोट सफारी पर्यटकांचे मोठे आकर्षण आहे. या सफारीत जैवविविधतेने नटलेली खारफुटी परिसंस्थेचा आपण आनंद घेऊ शकतो. ही सफारी शक्यतो सकाळी लवकर किंवा सूर्यास्ताच्या सुमारास केली तर आपण या वनविहाराचा आनंद घेऊ शकतो.
भितरकनिका राष्ट्रीय उद्यानात पोहोचण्यासाठी मार्ग
या ठिकाणाला भेट देण्याचा उत्तम कालावधी ऑक्टोबर ते एप्रिल हा आहे. पावसाळ्यात हे उद्यान बंद असते.
जवळील रेल्वे स्थानके - भद्रक, कटक आणि भुवनेश्वर
जवळील विमानतळ - कलकत्ता आणि भुवनेश्वर
जवळील मोठे गाव - चांदबाली
अंतर-
भुवनेश्वर ते खोला/गुप्ती प्रवेशद्वार- १६० किमी.
कटक ते खोला/गुप्ती प्रवेशद्वार- १४० किमी.
खोला आणि गुप्ती या ठिकाणी जाऊन वनविभागाकडून उद्यानात प्रवेश करण्यासाठी परवानगी घ्यावी लागते. येथे सफरीसाठी वनविभागाच्या बोटी उपलब्ध असतात. तसेच जयनगर आणि चांदबाली येथे खासगी बोटीही उपलब्ध आहेत.
चित्रदालन
-
भितरकनिका राष्ट्रीय उद्यान
-
भितरकनिका राष्ट्रीय उद्यानातील खारफुटी वनस्पती.याला हेंतल वन असे म्हणतात.
-
खाऱ्या पाण्यातील मगर
-
पाण घोरपड
हे सुद्धा पहा