२०२४ आयसीसी महिला टी२० विश्वचषक अंतिम सामना

२०२४ आयसीसी महिला टी२० विश्वचषक अंतिम सामना

दुबई आंतरराष्ट्रीय क्रिकेट मैदान (२०१९ मध्ये चित्रित), येथे पहिलाच महिला टी२० विश्वचषक अंतिम सामना आयोजित केला गेला.
कार्यक्रम	२०२४ आयसीसी महिला टी२० विश्वचषक
दक्षिण आफ्रिका न्यू झीलंड १५८/५ १२६/९ २० षटके २० षटके
न्यूझीलंड ३२ धावांनी विजयी
तारीख	२० ऑक्टोबर २०२४
स्थळ	दुबई आंतरराष्ट्रीय क्रिकेट मैदान, दुबई
सामनावीर	आमेलिया केर (न्यू)
पंच	निमाली परेरा (श्री) क्लेर पोलोसॅक (ऑ)
उपस्थिती	२१,४५७
← २०२३ २०२६ →

२०२४ आयसीसी महिला टी२० विश्वचषक स्पर्धेचा अंतिम सामना २० ऑक्टोबर २०२४ रोजी दुबई, संयुक्त अरब अमिराती येथील दुबई आंतरराष्ट्रीय क्रिकेट स्टेडियमवर २०२४ आयसीसी महिला टी२० विश्वचषक स्पर्धेचा विजेता निश्चित करण्यासाठी खेळवला गेलेला महिला आंतरराष्ट्रीय टी२० क्रिकेट सामना होता. हा सामना दक्षिण आफ्रिका आणि न्यू झीलंड या संघादरम्यान खेळला गेला.

न्यू झीलंडने दक्षिण आफ्रिकेचा ३२ धावांनी पराभव करून त्यांचा पहिलावाहिला टी२० विश्वचषक जिंकला. आमेलिया केरला तिच्या ३८ चेंडूंत ४३ धावा आणि २४ धावांतील ३ बळी अशा अष्टपैलू कामगिरीसाठी तसेच सामानावीराचा तर १५ बळी आणि १३५ धावा केल्याबद्दल मालिकावीराचा पुरस्कार देण्यात आला.

पार्श्वभूमी

ऑगस्ट २०२४ मध्ये, आयसीसी महिला टी२० विश्वचषक बांगलादेशमधून संयुक्त अरब अमिरातीमध्ये स्थलांतरित केल्यानंतर, आयसीसीने जाहीर केले की दुबई आंतरराष्ट्रीय क्रिकेट स्टेडियम, दुबई २० ऑक्टोबर रोजी अंतिम सामन्याचे आयोजन करेल.

दक्षिण आफ्रिका २०२३ मध्ये ऑस्ट्रेलियाकडून पराभूत झाल्यानंतर सलग दुसऱ्यांदा अंतिम फेरीसाठी पात्र ठरली. दुसरीकडे २००९ मध्ये एकदा इंग्लंड आणि २०१० मध्ये ऑस्ट्रेलियाकडून पराभूत झालेला न्यू झीलंडचा संघ , तिसऱ्यांदा अंतिम फेरीमध्ये पोहोचला. यापूर्वी आयसीसी महिला टी२० विश्वचषक स्पर्धेत दोन्ही संघ एकमेकांविरोधात पाच वेळा खेळले होते आणि दक्षिण आफ्रिकेने दोनदा (२०१४, २०२३) आणि न्यू झीलंडने तीनदा (२०२९, २०१२, २०१६) विजय मिळवला होता.आयसीसी पुरुष किंवा महिला टी२० विश्वचषक जिंकण्याची दोन्ही देशांची ही पहिलीच संधी असणार होती.

अंतिम सामन्यापर्यंतचा प्रवास

आढावा

• स्रोत: इएसपीएन क्रिकइन्फो

दक्षिण आफ्रिका				वि	न्यूझीलंड
प्रतिस्पर्धी	दिनांक	निकाल	गुण	सामना	प्रतिस्पर्धी	दिनांक	निकाल	गुण
गट ब				गट फेरी	गट अ
वेस्ट इंडीज	४ ऑक्टोबर २०२४	विजयी	२	१	भारत	४ ऑक्टोबर २०२४	विजयी	२
इंग्लंड	७ ऑक्टोबर २०२४	पराभूत	२	२	ऑस्ट्रेलिया	८ ऑक्टोबर २०२४	पराभूत	२
स्कॉटलंड	९ ऑक्टोबर २०२४	विजयी	४	३	श्रीलंका	१२ ऑक्टोबर २०२४	विजयी	४
बांगलादेश	१२ ऑक्टोबर २०२४	विजयी	६	४	पाकिस्तान	१४ ऑक्टोबर २०२४	विजयी	६
उपांत्य सामना १				उपांत्य फेरी	उपांत्य सामना २
ऑस्ट्रेलिया	१७ ऑक्टोबर २०२४	विजयी		उपांत्य	वेस्ट इंडीज	१८ ऑक्टोबर २०२४	विजयी
२०२४ आयसीसी महिला टी२० विश्वचषक अंतिम सामना

दक्षिण आफ्रिका

दक्षिण आफ्रिकेने त्यांच्या टी२० विश्वचषक मोहिमेची सुरुवात वेस्ट इंडीजवर १० गडी राखून विजय मिळवून केली. ७ ऑक्टोबर रोजी त्यांना इंग्लंडकडून ७ गडी राखून पराभव स्वीकारावा लागला. ९ ऑक्टोबर रोजी त्यांनी स्कॉटलंडचा ८० धावांच्या मोठ्या फरकाने पराभव केला. त्यांच्या अंतिम गट सामन्यात, त्यांनी बांगलादेशचा ७ गडी राखून पराभव केला, आणि गट ब मध्ये उपविजेते म्हणून उपांत्य फेरीसाठी पात्र ठरले.

त्यानंतर दुबईच्या दुबई आंतरराष्ट्रीय क्रिकेट स्टेडियमवर झालेल्या उपांत्य फेरीत दक्षिण आफ्रिकेने ऑस्ट्रेलियाचा ८ गडी राखून पराभव करून सलग दुसऱ्या टी२० विश्वचषकाच्या अंतिम फेरीत स्थान मिळवले.

न्यू झीलंड

न्यू झीलंडने त्यांच्या टी२० विश्वचषक मोहिमेची सुरुवात भारतावर ५८ धावांनी विजय मिळवून केली. ८ ऑक्टोबर रोजी त्यांना दुसऱ्या सामन्यात ऑस्ट्रेलियाकडून ६० धावांनी पराभव पत्करावा लागला. त्यानंतर ९ ऑक्टोबर रोजी त्यांनी श्रीलंकेचा ८ गडी राखून पराभव केला. त्यांच्या अंतिम गट सामन्यात, त्यांनी पाकिस्तानचा ५४ धावांनी दणदणीत पराभव केला, आणि गट अ मध्ये उपविजेते म्हणून उपांत्य फेरीसाठी पात्र ठरले.

त्यानंतर न्यू झीलंडने शारजाह येथील शारजाह क्रिकेट स्टेडियमवर उपांत्य फेरीत वेस्ट इंडीजचा ८ धावांनी पराभव करून अंतिम फेरीत आपले स्थान निश्चित केले.

सामना अधिकारी

१९ ऑक्टोबर २०२४ रोजी, आंतरराष्ट्रीय क्रिकेट परिषदेने (आयसीसी) श्रीलंकेच्या निमाली परेरा आणि ऑस्ट्रेलियाच्या क्लेर पोलोसॅक यांना मैदानावरील पंच म्हणून, इंग्लंडच्या ॲना हॅरिस यांना टीव्ही पंच म्हणून, वेस्ट इंडीजच्या जॅकलीन विल्यम्सला राखीव पंच म्हणून आणि भारताच्या जी.एस. लक्ष्मी यांना सामनाधिकारी म्हणून  नियुक्त केले.

• मैदानावरील पंच: निमाली परेरा (श्रीलंका) आणि क्लेर पोलोसॅक (ऑस्ट्रेलिया)
• टीव्ही पंच: ॲना हॅरिस (इंग्लड.)
• राखीव पंच: जॅकलिन विल्यम्स (वेस्ट इंडीज)
• सामनाधिकारी: जी.एस. लक्ष्मी (भारत)

संघ आणि नाणेफेक

दोन्ही संघांनी आपापले उपांत्य फेरीतील संघ कायम ठेवले. दक्षिण आफ्रिकेची कर्णधार लॉरा वोल्वार्ड हिने नाणेफेक जिंकून प्रथम क्षेत्ररक्षणाचा निर्णय घेतला.

न्यू झीलंडचा डाव

सुझी बेट्सने पहिल्याच चेंडूवर एकेरी धाव घेत डावाची सुरुवात केली. त्यानंतर, जॉर्जिया प्लिमरने पहिल्याच षटकात दोन चौकार मारले परंतु त्याच्या पुढच्याच षटकात तिला अयाबाँगा खाकाने बाद केले. त्यानंतर बेट्स आणि अमेलिया केर यांनी ३७ धावांची भागीदारी करून धावसंख्या स्थिर ठेवली. नॉनकुलुलेको म्लाबाने बेट्सला बाद करून ही भागीदारी तोडली. त्यानंतर नेडीन डि क्लर्कने तिच्या पहिल्याच षटकात न्यू झीलंडची कर्णधार सोफी डिव्हाइनला अवघ्या ६ धावांवर असताना बाद केले. त्यानंतर केरला ब्रुक हालीडेने साथ दिली आणि त्यांच्यात ५७ धावांची भागीदारी झाली. हॅलिडेला क्लोई ट्रायॉनने ३८ धावांवर बाद केले आणि त्यानंतर केरला म्लाबाने ४३ धावांवर बाद केले. मॅडी ग्रीनने शेवटच्या षटकात षटकार मारला आणि न्यू झीलंडचा डाव २० षटकांनंतर ५ बाद १५८ धावांवर संपला.

दक्षिण आफ्रिकेचा डाव

आमेलिया केरला ३८ चेंडूंत ४३ धावा आणि २४ धावांत ३ बळी अशा अष्टपैलू कामगिरीबद्दल अंतिम सामन्यात सामनावीर पुरस्काराने सन्मानित करण्यात आले.

लॉरा वॉल्व्हार्ड आणि तझमिन ब्रिट्स यांनी दक्षिण आफ्रिकेला दमदार सुरुवात करून दिली. पॉवरप्लेमध्ये दक्षिण आफ्रिकेने बिनबाद ४७ धावांपर्यंत मजल मारली. त्यानंतर, ब्रिट्सला ७व्या षटकात फ्रान जोनसने १७ धावांवर बाद केले. १०व्या षटकात, केरने दोन गडी बाद केले, पहिल्या चेंडूवर ३३ धावांवर वोल्वार्डला बाद केले आणि त्यानंतर शेवटच्या चेंडूवर ॲनेके बॉशला ९ धावांवर बाद केले. इडन कार्सनच्या षटकामध्ये ८ धावांवर बाद होणारी मेरिझॅन कॅप पुढची फलंदाज होती आणि त्यानंतर पुढच्याच चेंडूवर रोझमेरी मायरने नेडीन डि क्लर्कला ६ धावांवर बाद करून दक्षिण आफ्रिकेची अवस्था ५ बाद ७७ अशी केली. त्यानंतर, नियमित अंतराने दक्षिण आफ्रिकेचे गडी बाद होत गेले, सुने लूस ८ धावांवर, ॲनेरी डेर्कसेन १० धावांवर आणि क्लोई ट्रायॉन १४ धावांवर बाद झाली आणि दक्षिण आफ्रिकेचा डाव २० षटकांत ९ बाद १२६ धावांवर संपला. त्यांना सामना २१ धावांनी गमावावा लागला.

सामना माहिती

२० ऑक्टोबर २०२४ १८:०० (रा) धावफलक

न्यूझीलंड  १५८/५ (२० षटके)	वि	दक्षिण आफ्रिका १२६/९ (२० षटके)
आमेलिया केर ४३ (३८) नॉनकुलुलेको म्लाबा २/३१ (४ षटके)		लॉरा वॉल्व्हार्ड ३३ (२७) आमेलिया केर ३/२४ (४ षटके)

न्यू झीलंड ३२ धावांनी विजयी दुबई आंतरराष्ट्रीय क्रिकेट स्टेडियम, दुबई पंच: निमाली परेरा (श्री) आणि क्लेर पोलोसॅक (ऑ) सामनावीर: आमेलिया केर (न्यू)

• दक्षिण आफ्रिकेने नाणेफेक जिंकून क्षेत्ररक्षणाचा निर्णय घेतला
• न्यू झीलंडचे हे पहिले आयसीसी महिला टी-२० विजेतेपद आहे.

सामना धावफलक

• स्रोत: ईएसपीएन क्रिकइन्फो

१ला डाव

न्यूझीलंड फलंदाजी
खेळाडू		धावा	चेंडू	चौकार	षटकार	स्ट्राईक रेट
सुझी बेट्स	गो. म्लाबा	३२	३१	३	०	१०३.२२
जॉर्जिया प्लिमर	झे. लूस गो. खाका	९	७	२	०	१२८.५७
आमेलिया केर	झे. ब्रिट्स गो. म्लाबा	४३	३८	४	०	११३.१५
सोफी डिव्हाइन (क)	पायचीत गो. डी क्लर्क	६	१०	०	०	६०.००
ब्रुक हालीडे	झे. बॉश गो. ट्रायॉन	३८	२८	३	०	१३५.७१
मॅडी ग्रीन	नाबाद	१२	६	०	१	२००.००
इझ्झी गेझ (य)	नाबाद	३	३	०	०	१००.००
अतिरिक्त	(ले.बा. २, नो ३, वा १०)	१५
एकूण	(५ गडी बाद; २० षटके)	१५८		१२	१	धावगती: ७.९०

फलंदाजी केली नाही:रोझमेरी मायर, लिया ताहुहु, इडन कार्सन, फ्रान जोनस
गडी बाद होण्याचा क्रम: १/१६ (प्लिमर, १.५ ष), २/५३ (बेट्स, ७.४ ष), ३/७० (डिव्हाइन, १०.२ ष), ४/१२७ (हालीडे, १७.२ ष), ५/१४१ (केर, १८.५ ष)

दक्षिण आफ्रिका गोलंदाजी
गोलंदाज	षटके	निर्धाव	धावा	बळी	इकोनॉमी	वाईड	नो
मेरिझॅन कॅप	४	०	२५	०	६.२५	१	२
अयाबाँगा खाका	४	०	४४	१	११.००	१	०
क्लोई ट्रायॉन	४	०	२२	१	५.५०	१	०
नॉनकुलुलेको म्लाबा	४	०	३१	२	७.७५	३	०
नादिन डी क्लर्क	२	०	१७	१	८.५०	०	१
सुने लूस	२	०	१७	०	८.५०	०	०

२रा डाव

दक्षिण आफ्रिका फलंदाजी
खेळाडू		धावा	चेंडू	चौकार	षटकार	स्ट्राईक रेट
लॉरा वॉल्व्हार्ड (क)	झे. बेट्स गो. केर	३३	२७	५	०	१२२.२२
तझमिन ब्रिट्स	झे. ग्रीन गो. जोनस	१७	१८	१	०	९४.४४
ॲनेके बॉश	झे. †गेझ गो. केर	९	१३	१	०	६९.२३
मेरिझॅन कॅप	झे. प्लिमर गो. कार्सन	८	८	१	०	१००.००
नादिन डी क्लर्क	झे. केर गो. मायर	६	७	०	०	८५.७१
क्लोई ट्रायॉन	झे. ग्रीन गो. मायर	१४	१६	१	०	८७.५०
सुने लूस	झे. बेट्स गो. हालीडे	८	९	०	०	८८.८८
ॲनेरी डेर्कसेन	झे. बेट्स गो. केर	१०	९	०	०	१११.११
सिनालो जाफ्ता (य)	गो. मायर	६	४	१	०	१५०.००
नॉनकुलुलेको म्लाबा	नाबाद	४	५	०	०	८०.००
अयाबाँगा खाका	नाबाद	४	४	०	०	१००.००
अवांतर	(बा २, वा ५)	७
एकूण	(९ बाद; २० षटके)	१२६		१०	०	धावगती: ६.३०

गडी बाद होण्याचा क्रम: १/५१ (ब्रिट्स, ६.५ ष), २/५९ (वॉल्व्हार्ड, ९.१ ष), ३/६४ (बॉश, १० ष), ४/७७ (कॅप, १२ ष), ५/७७ (डी क्लर्क, १२.१ ष), ६/९७ (लूस, १५.१ ष), ७/१११ (डेर्कसेन, १७.३ ष), ८/११७ (ट्रायॉन, १८.१ ष), ९/१२० (जाफ्ता, १८.५ ष)

न्यूझीलंड गोलंदाजी
गोलंदाज	षटके	निर्धाव	धावा	बळी	इकोनॉमी	वाईड	नो
रोझमेरी मायर	४	०	२५	३	६.२५	३	०
इडन कार्सन	४	०	२२	१	५.५०	०	०
फ्रान जोनस	४	०	२८	१	७.००	१	०
लिया ताहुहु	३	०	२१	०	७.००	०	०
आमेलिया केर	४	०	२४	३	६.००	०	०
ब्रुक हालीडे	१	०	४	१	४.००	१	०