२०२३ आयसीसी १९ वर्षांखालील महिला टी२० विश्वचषक

२०२३ आयसीसी १९ वर्षांखालील महिला टी२० विश्वचषक
चित्र:File:ICC U19 T20 WOMEN'S WORLD CUP.png
तारीख	१४ – २९ जानेवारी २०२३
व्यवस्थापक	आंतरराष्ट्रीय क्रिकेट समिती
क्रिकेट प्रकार	२० षटके
स्पर्धा प्रकार	गट फेरी आणि बाद फेरी
यजमान	दक्षिण आफ्रिका
सहभाग	१६
सामने	४१
अधिकृत संकेतस्थळ	आयसीसी १९ वर्षांखालील महिला टी२० विश्वचषक
(नंतर) २०२५ →

२०२३ आयसीसी १९ वर्षांखालील महिला टी२० विश्वचषक हा २०२३ मध्ये दक्षिण आफ्रिकेद्वारे आयोजित आयसीसी १९ वर्षांखालील महिला क्रिकेट विश्वचषक स्पर्धेची पहिली आवृत्ती सध्या चालू आहे. एप्रिल २०२१ मध्ये, आंतरराष्ट्रीय क्रिकेट समिती (आयसीसी) ने घोषणा केली की कोविड-१९ महामारीमुळे ही स्पर्धा २०२१ च्या शेवटी त्याच्या मूळ वेळापत्रकावरून जानेवारी २०२३ पर्यंत हलवण्यात आली आहे.

पार्श्वभूमी

मूलतः, कोविड-१९ साथीच्या आजारामुळे डिसेंबर २०२१ मध्ये हलवण्यापूर्वी ही स्पर्धा जानेवारी २०२१ मध्ये होणार होती नोव्हेंबर २०२० मध्ये, आयसीसीने जानेवारी २०२१ च्या नियोजित वेळापत्रकावरून वर्षाच्या उत्तरार्धात स्पर्धा पुढे ढकलण्याची शक्यतेची चपापणी केली. जानेवारी २०२१ मध्ये, बांगलादेश क्रिकेट बोर्डाने पुष्टी केली की ते डिसेंबर २०२१ मध्ये स्पर्धेचे आयोजन करतील, तथापि ही स्पर्धा दुसऱ्यांदा पुढे ढकलून जानेवारी २०२३ मध्ये हलवण्यात आली. जानेवारी २०२२ मध्ये, आयसीसीचे सीईओ, जेफ ऑलार्डीस यांनी सांगितले की ही स्पर्धा होणारच होती आणि आयसीसी यजमानांसाठी प्रक्रिया सुरू करत आहे.

पात्रता

जून २०२२ मध्ये, आयसीसीने स्पर्धेसाठी पात्रता प्रक्रियेची पुष्टी केली. यजमान दक्षिण आफ्रिका, ऑस्ट्रेलिया, बांगलादेश, इंग्लंड, भारत, आयर्लंड, न्यू झीलंड, पाकिस्तान, श्रीलंका, वेस्ट इंडीज आणि झिम्बाब्वे या सर्व देशांनी स्पर्धेसाठी आपोआप पात्रता मिळवली. अमेरिकेनेदेखील आपोआप पात्र ठरले, कारण ते अमेरिका प्रादेशिक गटातून स्पर्धा करण्यासाठी एकमेव पात्र संघ होते. उर्वरित चार देश प्रादेशिक पात्रता गटातून पात्र ठरले. आशिया पात्रता जिंकल्यानंतर संयुक्त अरब अमिराती हा प्रादेशिक गटांमधून पात्र ठरणारा पहिला संघ होता. इंडोनेशियाने त्यांची पापुआ न्यू गिनी विरुद्धची तीन सामन्यांची मालिका जिंकून पूर्व आशिया-प्रशांत गट जिंकून पात्रता प्राप्त केली. इंडोनेशियासाठी कोणत्याही स्तरावर आयसीसी विश्वचषक स्पर्धेसाठी पात्र ठरण्याची ही पहिलीच वेळ होती. रवांडाने आफ्रिकन पात्रता जिंकून विश्वचषकासाठी पात्र ठरले. रवांडा प्रथमच आयसीसी विश्वचषक स्पर्धेसाठी कोणत्याही स्तरावर पात्र ठरला होता. स्कॉटलंड, संयुक्त अरब अमिराती, युनायटेड स्टेट्स आणि झिम्बाब्वे यांच्यासाठीसुद्धा कोणत्याही स्तरावरील हा पहिला आयसीसी महिला विश्वचषक आहे.

संघ	पात्रता
दक्षिण आफ्रिका	यजमान
ऑस्ट्रेलिया	आपोआप पात्रता
बांगलादेश
इंग्लंड
भारत
आयर्लंड
न्यू झीलंड
पाकिस्तान
श्रीलंका
अमेरिका
वेस्ट इंडीज
झिम्बाब्वे
इंडोनेशिया	प्रादेशिक पात्रता द्वारे
रवांडा
स्कॉटलंड
संयुक्त अरब अमिराती

बाह्य दुवे

• मालिका मुख्यपान ईएसपीएन क्रिकइन्फोवर