विंध्य
विंध्य मध्य भारतातील एक पर्वतरांग आहे. याला विंध्यगिरी किंवा विंध्याद्री असेही म्हटले जाते. या पर्वतामुळे भारताचे उत्तर व दक्षिण भारत असे भौगोलिक विभाजन होते, असे मानले जाते.
विंध्य पर्वतरांगांची सुरूवात पूर्व गुजरातमध्ये होते. ही रांग गुजरात, राजस्थान व मध्य प्रदेशात विभागली गेली आहे. उत्तर प्रदेशातील मिर्झापूर परिसरातील गंगा नदीपर्यंत या रांगांतीलच्या टेकड्या विखुरल्या आहेत.
सातपुडा पर्वतरांग विंध्य पर्वतरांगांच्या दक्षिणेस समांतर असून नर्मदा नदीच्या खोऱ्याने मधला प्रदेश व्यापला आहे.
पर्यावरण[संपादन]
- अरावली व विंध्य पर्वतरांगांमधील प्रदेश पर्जन्यछायेत असल्याने रूक्ष आहे.
- मानवाला ज्ञात असलेले सर्वात अर्वाचीन बहुपेशीय जीवाश्म विंध्य पर्वतरांगांत सापडले होते. [१]
