वांद्रे टर्मिनस

विकिपीडिया, मुक्‍त ज्ञानकोशातून
वांद्रे टर्मिनस
भारतीय रेल्वे टर्मिनस
Bandra Terminus stationboard.jpg
फलक
स्थानक तपशील
पत्ता वांद्रे पूर्व, मुंबई
गुणक 19°03′46″N 72°50′28″E / 19.06278, 72.84111
इतर माहिती
उद्घाटन इ.स. १९९२
विद्युतीकरण होय
मालकी रेल्वे मंत्रालय, भारतीय रेल्वे
विभाग पश्चिम रेल्वे
स्थान
वांद्रे is located in मुंबई
वांद्रे
वांद्रे
मुंबईमधील स्थान

वांद्रे टर्मिनस (नामभेद: बांद्रा टर्मिनस) हे मुंबई महानगरातील एक प्रमुख रेल्वे टर्मिनस आहे. हे मुंबईमधील लांब पल्ल्याच्या रेल्वे वाहतुकीच्या एकूण ६ रेल्वे टर्मिनसपैकी एक आहे (इतर चार: मुंबई सेंट्रल, बोरीबंदर, कुर्ला टर्मिनस आणि दादर टर्मिनस). पश्चिम रेल्वेच्या मुंबई सेंट्रल स्थानकावरील वाढती गर्दी विकेंद्रित करण्याच्या दृष्टीकोनातून 'वांद्रे टर्मिनस' इ.स. १९९० च्या दशकात विकसित करण्यात आले. प्रामुख्याने पश्चिम रेल्वेवरील गुजरात, राजस्थान आणि उत्तर भारताकडे ये-जा करणाऱ्या गाड्या येथून सुटतात.

मुंबईतील महत्त्वपूर्ण आर्थिक व्यवहारांशी संबंधित वांद्रे-कुर्ला संकुल, तसेच मुंबई आंतरराष्ट्रीय विमानतळ यांपासून जवळ असल्यामुळे वांद्रे टर्मिनस हे मुंबईतील प्रमुख स्थानक आहे.

येण्या-जाण्याची सुविधा[संपादन]

वांद्रे टर्मिनस हे वांद्रे रेल्वे स्थानकालगत असून मुंबई उपनगरी रेल्वेच्या पश्चिम मार्गावरील सर्व जलद आणि धिम्या लोकल येथे थाबतात. लोकल सेवेची उपलब्धता उत्तम असून साधारण दर ३ मिनिटांनी चर्चगेट आणि बोरीवली स्थानकांकडे जाणार्‍या लोकलगाड्या मिळू शकतात. याव्यतिरिक्त वांद्रे स्थानक हार्बर मार्गाने सी.एस.टी. स्थानकाशी जोडले असून दर १५ मिनिटांनी लोकल उपलब्ध आहेत. तथापि, सकाळी आणि सायंकाळी लोकलगाड्यांना गर्दी असते.

बेस्ट परिवहन सेवेची वांद्रे टर्मिनस आणि वांद्रे पश्चिम ही दोन बसस्थानके वांद्रे टर्मिनसशी संलग्न आहेत. रेल्वे स्टेशनवरून साधारण पहाटे ४.३० ते रात्री १ पर्यंत लोकल मिळतात आणि सकाळी ५:३० ते रात्री ११:३० /१२:०० पर्यंत बससेवा उपलब्ध असते. शहराच्या अंतर्भागात जाण्यासाठी रिक्षासुद्धा उपलब्ध असतात.

मुंबईमधील पश्चिम द्रुतगती महामार्ग वांद्रे टर्मिनसच्या पूर्वेकडून धावतो. तसेच इ.स. २०१० पासून कार्यान्वित झालेल्या वांद्रे-वरळी सागरी महामार्गामुळे वरळीपासून वांद्रे टर्मिनसचे अंतर कमी झाले आहे.

महत्त्वाच्या रेल्वेगाड्या[संपादन]