नटरंग (चित्रपट)

विकिपीडिया, मुक्‍त ज्ञानकोशातून
(नटरंग (म‍राठी चित्रपट) या पानावरून पुनर्निर्देशित)
Jump to navigation Jump to search
नटरंग
नटरंग.jpg
दिग्दर्शन रवी जाधव
निर्मिती

झी टॉकीज
निखिल साने
अमित फाळके

मेघना जाधव
कथा आनंद यादव
पटकथा रवी जाधव
प्रमुख कलाकार अतुल कुलकर्णी
सोनाली कुलकर्णी
किशोर कदम
विभावरी देशपांडे
याकुब सय्यद
किशोर चौगुले
सुनील देव
प्रिया बेर्डे
मिलिंद शिंदे
राजेश भोसले
सिद्धार्थ झाडबुके
अमृता खानविलकर
विठ्ठल उमप
संवाद गुरु ठाकूर
संकलन जयंत जठार
छाया महेश लिमये
कला संतोष फुटाणे
गीते गुरु ठाकूर
संगीत अजय अतुल
पार्श्वगायन बेला शेंडे
अजय अतुल
वेशभूषा संतोष गायके
देश भारत ध्वज भारत
भाषा मराठी
प्रदर्शित {{{प्रदर्शन_तारिख}}}
वितरक सादिक चितळीकर,झी टॉकीज
संकेतस्थळ [मृत दुवा] अधिकृत संकेतस्थळ


नटरंग हा २०१० मध्ये प्रदर्शित झालेला रवी जाधव यांनी दिग्दर्शित केलेला मराठी चित्रपट आहे. या चित्रपटामध्ये अतुल कुलकर्णी, किशोर कदम, विभावरी देशपांडे, प्रिया बेर्डे आणि सोनाली कुलकर्णी यांच्या प्रमुख भूमिका आहेत. हा चित्रपट १ जानेवारी २०१० रोजी सर्वत्र प्रदर्शित झाला. सुप्रसिद्ध संगीतकार अजय अतुल यांचे संगीत या चित्रपटाला लाभले आहे.

कथानक[संपादन]


अत्यवस्थता
खालील मजकूरात कथानक उघड केलेले असण्याची शक्यता आहे.

या चित्रपटात चाकोरीबाहेर विचार करणाऱ्या एका सृजनशील माणसाची संघर्ष-कथा मांडलेली आहे. एक तरुण कलाकार गुनवंतराव कागलकर उर्फ़ 'गुणा' (अतुल कुलकर्णी) स्वतःचे कुटुंब, मित्र, समाज या सर्वांच्या पुढे जाऊन आपले स्वप्न पूर्ण करतो. १९७० च्या दशकात महाराष्ट्रातल्या एका लहानश्या खेडेगावात घडणारी ही घटना, त्या काळातील स्त्री-पुरुष भेदभाव विषद करते. गुणाला तमाशा मध्ये राजाची मध्यवर्ती भूमिका करायची मनापासून इच्छा होती. त्यासाठी तो स्वतःची नाटक कंपनी चालू करतो. पण काही कारणास्तव त्याला नाच्याची भूमिका करायला कोणीही सापडत नाही. अंगापिंडाने मजबूत असलेला गुणा त्याच्या कलेच्या आसक्तीपोटी नाच्याचे पात्र स्वतःच करायचे ठरवतो. परंतु त्याचा हा निर्णय त्याचे सगळे आयुष्यच बदलून टाकतो.

स्रोत[संपादन]

या चित्रपटाची कथा आनंद यादव यांच्या 'नटरंग' या कादंबरीवर आधारलेली आहे.

कलाकार[संपादन]

प्रदर्शन[संपादन]

नटरंग १ जानेवारी २०१० रोजी सर्वत्र प्रदर्शित झाला. प्रदर्शित झाल्यानंतर केवळ २१ दिवसात नटरंगने ७ कोटी रु. ची कमाई केली.[ संदर्भ हवा ]

दिग्दर्शकाविषयी[संपादन]

रवी जाधव (जन्म: १९७१) यांनी सर जे.जे.स्कूल ऑफ आर्ट्स मधून कला शाखेची पदवी घेतलेली आहे. त्यांनी अनेक भाषांमधील जाहिरात क्षेत्रात कला-दिग्दर्शक म्हणून काम केलेले आहे. त्यांना जाहिरात क्षेत्रातील कामाबद्दल अनेक पुरस्कार प्राप्त झाले आहेत. नटरंग हा त्यांनी दिग्दर्शित केलेला पहिला चित्रपट आहे.

संगीत[संपादन]

या चित्रपटाचे संगीत ही सर्वात जमेची बाजू आहे. आजच्या काळातले आघाडीचे संगीतकार अजय अतुल यांनी या चित्रपटाला संगीत दिले आहे. या चित्रपटाची कथा / पटकथा मुख्यत्वे लोककला आणि लोकसंगीत (तमाशा) यावर आधारलेली असल्यामुळे त्या अनुषंगाने संगीत रचण्यात आलेले आहे. पिंजरा नंतर मराठीमधला हा एक महत्वाचा तमाशा वर आधारित संगीत असलेला हा चित्रपट आहे. 'नटरंग' चे संगीत बरेच लोकप्रिय झाले आहे.

गाणी[संपादन]

गाणे # गाणे गायक
नटरंग उभा अजय अतुल,कोरस
कागल गावचा गुणा अजय गोगावले
वाजले की बारा बेला शेंडे, कोरस
अचूक पडली ठिणगी अजय गोगावले
खेळ मांडीला अजय गोगावले
पेटला गडी अजय गोगावले
कशी मी जाऊ मथुरेच्या बाजारी बेला शेंडे,अजय गोगावले आणि कोरस
अप्सरा आली बेला शेंडे ,अजय अतुल

समीक्षा[संपादन]

हा चित्रपट मामि (मुंबई अकादमी ऑफ मूविंग इमेज) मध्ये प्रदर्शनापूर्वी दाखवला गेला. या चित्रपटाला चित्रपट रसिकांचा उदंड प्रतिसाद मिळाला. मराठी चित्रापाटांकडे प्रेक्षक पाठ फिरवत असतानाच या चित्रपटाने परत एकदा जादू करून दाखवली व आर्थिक दृष्ट्या मोठी कमाई केली.

चित्रपट महोत्सव[संपादन]

  • मामि - मुंबई चित्रपट महोत्सव.
  • गोवा चित्रपट महोत्सव
  • थर्ड आय आशियन चित्रपट महोत्सव
  • ३३ वा ग्यॉटेबोर्ग महोत्सव
  • म्युनिक चित्रपट महोत्सव

बाह्य दुवे[संपादन]