पद्मा गोळे

पद्मा गोळे
जन्म	जुलै १०, इ.स. १९१३ तासगाव, (वर्तमान) महाराष्ट्र
मृत्यू	फेब्रुवारी १२, इ.स. १९९८
कार्यक्षेत्र	साहित्य
राष्ट्रीयत्व	भारतीय
भाषा	मराठी
साहित्यप्रकार	कविता, नाटक

पद्मा गोळे (जुलै १०, इ.स. १९१३; तासगाव - फेब्रुवारी १२, इ.स. १९९८) या मराठी कवयित्री, लेखिका, नाटककार होत्या.

जीवन

पद्मा गोळ्यांचा जन्म १० जुलै, इ.स. १९१३ रोजी तासगाव येथील पटवर्धन राजघराण्यात जन्म झाला. पुण्याच्या श्रीमती नाथीबाई दामोदर ठाकरसी महाविद्यालयातून एम.ए. पदव्युत्तर अभ्यासक्रमापर्यंत त्यांचे शिक्षण झाले .

त्यांचा पहिला कवितासंग्रह प्रीतिपथावर हा इ.स. १९४७ साली प्रकाशित झाला. कवितासंग्रहांशिवाय त्यांनी रायगडावरील एक रात्र, स्वप्न (इ.स. १९५५), नवी जाणीव या नाटिकाही लिहिल्या. त्यांनी लिहिलेली वाळवंटातील वाट नावाची कादंबरीही प्रकाशित झाली.

प्रकाशित साहित्य

शीर्षक	साहित्यप्रकार	प्रकाशक	प्रकाशनवर्ष (इ.स.)	भाषा
आकाशवेडी	कवितासंग्रह		इ.स. १९६८	मराठी
श्रावणमेघ	कवितासंग्रह			मराठी
प्रीतिपथावर	कवितासंग्रह		इ.स. १९४७	मराठी
निहार	कवितासंग्रह		इ.स. १९५४	मराठी
स्वप्नजा	कवितासंग्रह		इ.स. १९६२	मराठी
स्वप्न	नाटक		इ.स. १९५५	मराठी
रायगडावरील एक रात्र	नाटक			मराठी

बाह्य दुवे

• गोखले, विमल. "गोळे,पद्मा" : मराठी विश्वकोश, खंड ५. महाराष्ट्र राज्य मराठी विश्वकोश निर्मिती मंडळ, मुंबई. (मराठी मजकूर)