बाळकृष्ण हरी कोल्हटकर

बाळकृष्ण हरी कोल्हटकर
पूर्ण नाव	बाळकृष्ण हरी कोल्हटकर
जन्म	सप्टेंबर २५, इ.स. १९२६
मृत्यू	जून ३०, इ.स. १९९४
कार्यक्षेत्र	नाट्यलेखन, साहित्य
राष्ट्रीयत्व	भारतीय
भाषा	मराठी
साहित्यप्रकार	कविता, नाटक

बाळकृष्ण हरी कोल्हटकर, ऊर्फ बाळ कोल्हटकर, (सप्टेंबर २५, इ.स. १९२६; सातारा, महाराष्ट्र - जून ३०, इ.स. १९९४) हे मराठीतील नाटककार, कवी , अभिनेते, दिग्दर्शक होते. यांनी लिहिलेल्या दुरितांचे तिमिर जावो, वाहतो ही दुर्वांची जुडी, मुंबईची माणसे, एखाद्याचे नशीब इत्यादी नाटकांचे हजारांहून अधिक प्रयोग झाले. तीन दशकांच्या साहित्यिक कारकिर्दीत यांनी ३०हून अधिक नाटके लिहिली.

जीवन

कोल्हटकरांचे शिक्षण सातव्या इयत्तेपर्यंतच झाले होते. त्यांनी वयाच्या पंधराव्या वर्षी प्रथमच जोहार नावाचे नाटक लिहिले. इ.स. १९४७ सालापर्यंत त्यांनी रेल्वेत नोकरी केली. मात्र त्यानंतर पेशाच्या बाबत त्यांच्या आयुष्यात बरेच चढउतार आले. काही प्रसंगी खायची पंचाईत अनुभवलेल्या कोल्हटकरांनी या काळात नाटके व चित्रपटांच्या संहिता लिहिण्याचे काम चालूच ठेवले.

कारकीर्द

नाटके

नाटक	वर्ष	प्रकाशन	भाषा	सहभाग
वाहतो ही दुर्वांची जुडी	इ.स. १९६४		मराठी	लेखन
दुरितांचे तिमिर जावो			मराठी	लेखन
आकाशगंगा			मराठी	लेखन
देव दीनाघरी धावला			मराठी	लेखन
वेगळं व्हायचंय मला			मराठी	लेखन
लहानपण देगा देवा			मराठी	लेखन
देणार्‍याचे हात हजारो			मराठी	लेखन

बाह्य दुवे

• बाळ कोल्हटकर यांची गीते. आठवणीतली-गाणी.कॉम. (मराठी मजकूर)