डेल्टा एअर लाइन्स

विकिपीडिया, मुक्‍त ज्ञानकोशातून
(डेल्टा एरलाइन्स या पानावरून पुनर्निर्देशित)
Jump to navigation Jump to search
डेल्टा एअर लाइन्स
Delta logo.svg
आय.ए.टी.ए.
DL
आय.सी.ए.ओ.
DAL
कॉलसाईन
डेल्टा
स्थापना जून १७, इ.स. १९२९
हब अटलांटा, न्यू यॉर्क-जेएफके, ॲम्स्टरडॅम, सिनसिनाटी, डीट्रॉईट, न्यू यॉर्क-लाग्वार्डिया, मिनीयापोलिस-सेंट पॉल
मुख्य शहरे मेम्फिस, टोक्यो, पॅरिस-चार्ल्स दि गॉल, सॉल्ट लेक सिटी
फ्रिक्वेंट फ्लायर स्कायमाइल्स
अलायन्स स्कायटीम
विमान संख्या ७२२
मुख्यालय अटलांटा
प्रमुख व्यक्ती एड बास्टियान (मुख्याधिकारी
संकेतस्थळ http://www.delta.com

डेल्टा एअर लाइन्स (Delta Air Lines) ही अमेरिकेतील एक आघाडीची विमान वाहतूक कंपनी आहे. ही कंपनी जगभर विमानसेवा पुरवते. डेल्टा एर लाइन्सचे मुख्यालय जॉर्जिया मधील अटलांटा येथे आहे.[१] स्थानिक आणि आंतरराष्ट्रीय स्तरावरून या कंपनीची सहा खंडामधून मोठया प्रमाणावर विमानवाहतूक सेवा कार्यान्वित आहे. ८०,००० पेक्षा जास्त कामगार वर्ग आणि दैनंदिन ५००० उड्डाणे करत असलेली ही सर्वांत मोठी विमानप्रवासी कंपनी आहे.[२] या कंपनीच्या विमानांचे विश्रांतिस्थळ हर्टजफिल्ड येथील जॅक्सन अटलांटा आंतरराष्ट्रीय विमानतळ हे असून जगामधील प्रवासी वाहतुकीसाठी सर्वांत व्यस्त ( वार्षिक ९१ अब्ज पेक्षा जास्त प्रवासी ) व या कंपनीच्या विमानांचे तांत्रिक दुरूस्ती केंद्र म्हणून ओळखले जाते.[३] ही विमानकंपनी सर्वांत जुनी विमानकंपनी असून स्थापना केल्यापासून ६ व्या क्रमांकावर आहे. २०११ मध्ये विमांनाच्या ताफ्याच्या [४] व २०१२ मध्ये प्रवाशांच्या [५] तुलनेत जगामधील सर्वांत मोठी कंपनी आहे.

इतिहास[संपादन]

डेल्टा एअर लाइन्स कंपनीने ३० मे, १९२४ रोजी जॉर्जिया मधील मेकॉन येथे पिकांवर फवारणी करण्यासाठी पहिले विमान वापरले. १९२५ मध्ये ही कंपनी लुईसिना मन्रेा येथे स्थलांतरित झाली. कंपनीचे मूळ संस्थापक , कॉलेट वुलमन यांनी १३ सप्टेंबर, १९२८ रोजी ही कंपनी विकत घेतली आणि त्याचे ‘डेल्टा एअर सर्विस’ असे नामकरण केले. १९२९ च्या सुमारास प्रवासी वाहतूक करण्यास सुरुवात केली. दक्षिणपूर्वेकडील राज्यामधून एका प्रवाशाच्या वाहतुकीने पहिला मार्ग सुरू झाला.[६] त्यानंतर या कंपनीने अनेक विमानवाहतूक कंपन्या ताब्यात घेण्यास सुरुवात केली. १९६० मध्ये जेट विमानांचा वापर केला आणि १९७० मध्ये युरोपपर्यंत आणि १९८० मध्ये पॅसिफिकपर्यंत मजल मारत आंतराराष्ट्रीय स्पर्धेमध्ये आपली घोडदौड कायम ठेवली.

पूर्वीचा इतिहास[संपादन]

८० वर्षांपासून अस्तित्त्वात असलेली सध्याची डेल्टा एअर लाइन्स ही कंपनी अनेक विमान वाहतूक कंपन्यांच्या एकत्रीकरणामुळे बनलेली आहे. अलीकडेच २९ ऑक्टोबर, २००८ मध्ये नॉर्थवेस्ट एअरलाइन्स बरोबर झालेल्या एकत्रीकरणामुळे जगातील सर्वांत मोठी विमान वाहतूक कंपनी म्हणून या कंपनीचा लौकिक आहे. सुरूवातीच्या काळात एकत्रीकरण झाले तरी नॉर्थवेस्टच्या नावाने विमान वाहतूक कंपनीचे व्यवहार चालत होते. परंतु ३१ जानेवारी, २०१० मध्ये आरक्षण पद्धती आणि वेबसाईट इत्यादींचे एकत्रीकरण झाल्यानंतर नॉर्थवेस्ट व्यवहारामधून अधिकृतरीत्या सेवानिवृत्त झाली आणि डेल्टा एअर लाइन्स या नावांने विमानवाहतूक सुरू राहिली.[७][८]

मुख्यालय आणि कार्यालय[संपादन]

डेल्टाचे मुख्यालय अटलांटा शहर


१९४१ पासून अटलांटा शहराच्या उत्तरेकडे व्यापारी संकुलामध्ये हर्टजफिल्ड – जॅक्सन अटलांटा आंतरराष्ट्रीय विमानतळाजवळ या कंपनीचे मुख्यालय आहे. [९][१०]

विश्रांतीस्थळांबाबतचा तपशील[संपादन]

डेल्टा ला खालीलप्रमाणे सात स्थानिक आणि तीन आंतरराष्ट्रीय विश्रांतीस्थळे आहेत.[११]

  • ॲमस्टरडॅम एअरपोर्ट शिफोळ
  • सिनसिनाटी / उत्तर केंचुकी आंतरराष्ट्रीय विमानतळ
  • डेट्रॉईट मेट्रोपोलिटन वायने कंट्री विमानतळ
  • हर्टजफिल्ड - जॅक्सन अटलांटा आंतरराष्ट्रीय विमानतळ
  • जॉन एफ. केनेडी आंतरराष्ट्रीय विमानतळ, न्यू यॉर्क सिटी
  • लागार्डीआ विमानतळ, न्यू यॉर्क सिटी
  • मिनॉपोलिस - संत पॉल आंतरराष्ट्रीय विमानतळ
  • नरीता आंतरराष्ट्रीय विमानतळ, टोकियो
  • पॅरीस – चार्ल्स गॉली विमानतळ
  • सॉल्ट लेक सिटी आंतरराष्ट्रीय विमानतळ

पूर्वीची विश्रांतिस्थळे[संपादन]

पूर्वीची दुय्यम विश्रांतिस्थळे[संपादन]

व्यापा-याच्या गरजेनुसार खालील विश्रांतिस्थळ बंद करण्यात आलेली आहेत.

कामगार वर्ग[संपादन]

या मुख्य आणि भागीदारी कंपनीमध्ये अंदाजित ८०,००० कामगार आहेत.[२] १२,००० इतकी वैमानिकांची संख्या असलेली ही एकमेव कंपनी आहे. युनायटेड स्टेटसमधील वैमानिक संख्या, विमानांचे उड्डाण या व्यतिरिक्त इतर सर्वच बाबतीत डेल्टा सर्वांत मोठी विमान कपंनी आहे. नॉर्थवेस्ट विमान वाहतूक कंपनीसोबत एकत्रीकरण झाल्यानंतर तेथील कामगारांचे विलीनीकरण झाल्यामुळे कामगारांच्या बढती, वेतन, ज्येष्ठता इत्यादींविषयी बरेच प्रश्न उभे राहिले होते. त्यांना सामावून घेणे, नव्याने वेतन ठरविणे, कामाचे व्यवस्थापन इत्यादींबाबतीत नियम ठरविणे आवश्यक होते. त्यानुसार कामगार वर्गाचे संघटन करुन त्याबाबत निर्णय घेण्याचे काम चालू आहे.

विमानसेवा[संपादन]

६ खंडामध्ये ४९३२ उड्डांणाद्वारे आणि २५३३ रोजच्या फेर्‍यांद्वारे डेल्टा एअर लाइन्सची विमाने प्रवाशांना विमान सेवा देत आहेत.[२]

तळांची सांख्यिकी[संपादन]

श्रेणी विमानतळ दैनंदिन फे-या अंतर
अटलांटा (एटीएल) ९६० २१६
डेट्रॉईट (डीटीडब्ल्यू) ४५० १३२
मिनेपोलिस- सेंट पॉल (एमएसपी) ४१० १३६
न्यू यॉर्क सिटी (एलजीए) २६८ ६३
सॉल्ट लेक सिटी (एसएलसी) २४३ ८६
न्यू यॉर्क सिटी (जेएफके) १४३ ७८
सिनसिनाटी/ उत्तर केंटकी (सीव्हीजी) १०१ ४२
पॅरिस (सीडीजी) २४ १९
ॲमस्टरडॅम (एएमएस) २३ २०
१० टोकीयो (एनआरटी) २२ १९

जोडीदार[संपादन]

उड्डाण[संपादन]

जानेवारी २०१३ पर्यंत डेल्टा कडून एअरबस, बोइंग आणि मॅकडोनेल डग्लस यांचेकडून बनविण्यात आलेल्या ७०० पेक्षा जास्त विमानांचे उड्डाण केले होते. इतर यू.एस.विमानवाहतूक कंपनीच्या मानाने बोइंग ७५७, बोइंग ७६७, आणि एअरबस ए३३० विमानांची वाहतूक जास्त होते. जगामध्ये मॅकडोनेल डग्लस एमडी – ८८ आणि मॅकडोनेल डग्लस एमडी-९० या विमानांची वाहतूक जास्त होते.

केबीन[संपादन]

आंतरराष्ट्रीय दर्जाच्या व्यापारी वर्गासाठी बोइंग ७७७ – २०० एल आर सारख्या विमानांमध्ये डेल्टाकडून बिझनेस एलाईट कक्ष तयार केलेले आहे. हा विशेष वर्ग असल्यामुळे यामध्ये जेवण, नाश्ता, मदय आणि इतर सुविधा पुरविलेल्या आहेत.

याव्यतिरिक्त प्रथम वर्ग व्यापारी वर्ग, इकॉनॉमी कम्फर्ट क्लास आणि इकॉनॉमी क्लास या विमानकंपनीकडून पुरविलेल्या आहेत.

सुविधा[संपादन]

वाय फाय, पॅनासोनिक इएफएक्स ऑडिओ व्हिडिओ सारख्या अत्याधुनिक सोशल नेटवर्किंग सुविधा मागणीनुसार वरील सर्व क्लासमध्ये पुरविल्या जातात.

संदर्भ[संपादन]

  1. ^ "फेडरल एव्हिऐशन ॲडमिनिस्ट्रेशन- एअरलाइन सर्टीफिकेट इनफॉर्मेशन-डिटेल व्हिव" (इंग्लिश मजकूर). २०१२-०५-०१. 
  2. a b c "डेल्टा स्टेट ॲन्ड फॅक्टस" (इंग्लिश मजकूर). डिसेंबर ११,२०१२. 
  3. ^ "डेल्टा टेकओप्स" (इंग्लिश मजकूर). २०१४-०३-१२. 
  4. ^ "जगातील दहावी विमानवाहतूक कंपनी" (इंग्लिश मजकूर). रेडीफ.कॉम. सप्टेंबर १५,२०११. 
  5. ^ "प्रवासांना विमान वाहतूक सेवा" (इंग्लिश मजकूर). आयएटीए वर्ल्ड एअर ट्रान्सपोर्ट स्टॅटिस्टिक्स,५७ वे प्रकाशन. ,२०१३-७-०५. 
  6. ^ "डेल्टा एअर लाइन्स" (इंग्लिश मजकूर). द न्यू जॉर्जिया एनसायक्लोपेडिया. ( मे ३१, २००७). 
  7. ^ "डेल्टा विमान वाहतुकीचे काम कराण्यासाठी प्रमाणपत्र मिळविण्यात यशस्वी" (इंग्लिश मजकूर). यूएसए टुडे.कॉम. २०१३-०१-३१). 
  8. ^ "डेल्टा नॉर्थवेस्ट यांच्या एकत्रिकरणाचा निर्णय" (इंग्लिश मजकूर). द न्यू यॉर्क् टाईम्स. २०१३-०१-३१). 
  9. ^ "डेल्टामध्ये झालेला गोंधळ" (इंग्लिश मजकूर). द न्यू यॉर्क् टाईम्स. २००९-१२-२७. 
  10. ^ "कॉन्टॅक् कोर्पोरेट" (इंग्लिश मजकूर). डेल्टा एर लाइन्स. ऑक्टोबर १७, २००८. 
  11. ^ "डेल्टा एअर लाइन्स" (इंग्लिश मजकूर). क्लियर ट्रिप डॉट कॉम.