क्रिकेट विश्वचषक, २०११ - अंतिम सामना

विकिपीडिया, मुक्‍त ज्ञानकोशातून
क्रिकेट विश्वचषक, २०११ - अंतिम सामना
2011 World Cup Champions.jpg
स्पर्धा क्रिकेट विश्वचषक, २०११
दिनांक २ एपिल २०११
मैदान वानखेडे मैदान, मुंबई
सामनावीर महेंद्रसिंग धोणी
मालिकावीर युवराज सिंग
पंच सायमन टॉफेल आणि अलिम दर[१]
प्रेक्षक संख्या ३३,०००
२०११ क्रिकेट विश्वचषक
2011 Cricket World Cup Logo.svg

सामना क्र : ४९
श्रीलंका वि. भारत-(अंतिम सामना)
दिनांक : २ एप्रिल,  स्थळ :मुंबई
निकाल : भारतचा ध्वज भारत विजयी


२०११ क्रिकेट विश्वचषक सामने यादी

अंतिम सामन्या पर्यंतचा प्रवास[संपादन]

श्रीलंकाचा ध्वज श्रीलंका फेरी भारतचा ध्वज भारत
विरूद्ध निकाल साखळी सामने विरूद्ध निकाल
कॅनडाचा ध्वज कॅनडा २१० धावांनी विजयी सामना १ बांगलादेशचा ध्वज बांगलादेश ८७ धावांनी विजयी
पाकिस्तानचा ध्वज पाकिस्तान ११ धावांनी पराभव सामना २ इंग्लंडचा ध्वज इंग्लंड सामना बरोबरीत
केनियाचा ध्वज केनिया ९ गडी राखुन विजयी सामना ३ आयर्लंडचे प्रजासत्ताकचा ध्वज आयर्लंड ५ गडी राखुन विजयी
ऑस्ट्रेलियाचा ध्वज ऑस्ट्रेलिया अनिर्णित सामना ४ Flag of the Netherlands नेदरलँड्स ५ गडी राखुन विजयी
झिम्बाब्वेचा ध्वज झिम्बाब्वे १३९ धावांनी विजयी सामना ५ दक्षिण आफ्रिकाचा ध्वज दक्षिण आफ्रिका ३ गड्यांनी पराभव
न्यू झीलंडचा ध्वज न्यू झीलंड ११२ धावांनी विजयी सामना ६ वेस्ट इंडीजचा ध्वज वेस्ट इंडीज ८० धावांनी विजयी


संघ सा वि हा सम अनि गुण नेरर
पाकिस्तानचा ध्वज पाकिस्तान १० ०.७५८
श्रीलंकाचा ध्वज श्रीलंका २.५८२
ऑस्ट्रेलियाचा ध्वज ऑस्ट्रेलिया १.१२३
न्यू झीलंडचा ध्वज न्यू झीलंड १.१३५
झिम्बाब्वेचा ध्वज झिम्बाब्वे ०.०३
कॅनडाचा ध्वज कॅनडा -१.९८७
केनियाचा ध्वज केनिया -३.०४२
अंतिम गुणस्थिती


संघ सा वि हा सम अनि गुण नेरर
दक्षिण आफ्रिकाचा ध्वज दक्षिण आफ्रिका १० २.०२६
भारतचा ध्वज भारत ०.९
इंग्लंडचा ध्वज इंग्लंड ०.०७२
वेस्ट इंडीजचा ध्वज वेस्ट इंडीज १.०६६
बांगलादेशचा ध्वज बांगलादेश -१.३६१
आयर्लंडचे प्रजासत्ताकचा ध्वज आयर्लंड -०.६९६
Flag of the Netherlands नेदरलँड्स -२.०४५
विरूद्ध निकाल बाद फेरी विरूद्ध निकाल
इंग्लंडचा ध्वज इंग्लंड ५ गडी राखुन विजयी उपांत्य पूर्व ऑस्ट्रेलियाचा ध्वज ऑस्ट्रेलिया ५ गडी राखुन विजयी
न्यू झीलंडचा ध्वज न्यू झीलंड ५ गडी राखुन विजयी उपांत्य पाकिस्तानचा ध्वज पाकिस्तान २९ धावांनी विजयी

सामना[संपादन]

२ एप्रिल २०११
१४:३० (दि/रा)
श्रीलंका Flag of श्रीलंका
२७४/६ (५० षटके)
वि. भारतचा ध्वज भारत
२७७/४ (४८.२ षटके)
भारतचा ध्वज भारत ६ गडी राखुन विजयी
वानखेडे स्टेडियम, मुंबई
पंच: अलिम दर (पा) आणि सायमन टॉफेल (ऑ)
सामनावीर: महेंद्रसिंग धोणी (Ind)
महेला जयवर्धने १०३*(८८)
युवराज सिंग २/४९ (१० षटके)
गौतम गंभीर ९७ (१२२)
लसिथ मलिंगा २/४२ (९ षटके)
  • नाणेफेक : श्रीलंका - फलंदाजी



सामन्याचे वर्णन[संपादन]

नाणेफेक[संपादन]

भारत यजमान संघ असल्याने महेंद्रसिंग धोणीने कुमार संघकारा, सामनाधिकारी जेफ क्रोव आणि समालोचक रवी शास्त्री यांच्या उपस्थितीत नाणे उडवले आणि संघकाराने कौल दिला. नाणे खाली पडल्यावर संघकाराचा कौल चुकल्याचा रवी शास्त्री व धोणी यांचा समज झाला परंतु क्रोवने आपल्याला कौल ऐकूच न आल्याचे सांगितले. संघकाराने आपण कौल दिला कि नाही हे सांगितले नाही. परिणामी क्रोवने परत नाणेफेक करण्यास सांगितले. यावेळी संघकाराने दिलेला कौल बरोबर आला व श्रीलंकेने प्रथम फलंदाजी करण्याचा निर्णय घेतला. यावेळी समालोचन करणाऱ्या मायकेल वॉन आणि शेन वॉर्न यांनी आपल्याला संघकाराचा पहिला कौल ऐकू आल्याचे व संघकारा नाणेफेक हरल्याचे स्पष्ट केले आहे.[ संदर्भ हवा ]

श्रीलंकेचा डाव[संपादन]

श्रीलंकेकडून या विश्वचषकात सलामीलाच धावांचे विक्रमी डोंगर उभे करणाऱ्या तिलकरत्ने दिलशान आणि उपुल थरंगा यांच्या विरुद्ध भारताचे झहीर खान आणि शांताकुमारन श्रीसंतने गोलंदाजी सुरू केली. झहीर खानने आपली पहिली तीन षटके निर्धाव टाकून २००३च्या अंतिम सामन्यात केलेली चूक पुन्हा होणार नाही याची खात्री करून दिली. झहीर खानने आपल्या चौथ्या षटकात थरंगाला आउटस्विंगर टाकून पहिल्या स्लिपमध्ये वीरेंद्र सेहवागकरवे झेलबाद केले. झहीर विरुद्ध धावा करणे मुश्किल झाल्यामुळे फलंदाजांनी श्रीसंतच्या गोलंदाजीवर धोका पत्करुन फटके मारणे सुरू केले. बाराव्या षटकात श्रीसंतला खेळपट्टीचा निषिद्ध भाग तुडवल्याबद्दल पहिला व शेवटचा इशारा मिळाला. कदाचित त्यामुळे सैरभैर झालेल्या श्रीसंतच्या त्या षटकात एक नो-बॉलसह १५ धावा वसूल झाल्या. त्यानंतर गोलंदाजीस आलेल्या हरभजनसिंगने दिलशानचा बळी मिळवून श्रीलंकेच्या बाजूने झुकत चाललेल्या सामन्याला परत खेचले. संघकारा आणि माहेला जयवर्दने यांनी चिवटपणाने खेळत मोठी भागीदारी सुरू केली पण धोणीने संघकाराला युवराजसिंगच्या गोलंदाजीवर टिपून महत्त्वाचा ब्रेक-थ्रू[मराठी शब्द सुचवा] मिळवून दिला. डावाच्या अंतिम टप्प्यात धोणीने पुन्हा झहीर खानला गोलंदाजी दिली आणि त्याने चामर कपुगेडेराला बाद केले. याआधीच्याच षटकात थिलन समरवीरा बाद झालेल्या असल्याने एका बाजूने किल्ला लढविणाऱ्या जयवर्दनेने आक्रमण करण्याचा बेत पुढे ढकलला आणि १-२ धावा मिळवण्याकडे लक्ष केंद्रित केले. अखेरच्या पाच षटकांत पॉवर प्ले सुरू झाल्यावर जयवर्दने सह नुवान कुलशेखरा आणि थिसरा परेरा यांनी भारतीय गोलंदाजांना धारेवर धरत ६३ धावा मिळवल्या. पहिली तीन षटके निर्धाव टाकणाऱ्या झहीर खानने अखेरच्या तीन षटकांत धावांची उधळण केली आणि श्रीलंकेचा डाव २७४ धावांवर थांबला.

भारताचा डाव[संपादन]

या सामन्याआधी वानखेडे मैदानावर सचिन तेंडुलकर आपले शंभरावे आंतरराष्ट्रीय शतक पूर्ण करेल अशी अनेक लोकांची अपेक्षा होती. वीरेंद्र सेहवाग आणि तेंडुलकरने भारताच्या डावाची सुरुवात केली आणि लसित मलिंगाच्या दुसऱ्याच चेंडूवर वीरेंद्र सेहवाग पायचीत झाला. त्याने तडकाफडकी मागितलेल्या पुनर्निरीक्षणातही तो बाद असल्याचेच शाबित झाले. त्यानंतर गौतम गंभीर आणि तेंडुलकरने षटकी पाच धावांचा वेग ठेवला होता पण लसित मलिंगाच्या आउटस्विंगरवर संघकाराकडे झेल देउन तेंडुलकर परतला तेव्हा संपूर्ण मैदानात स्मशानशांतता पसरल्याचे भासत होते. विराट कोहली आणि गौतम गंभीरने नेटाची खेळी करत भारताचा डाव समाधानकारक स्थितीत ठेवला. दिलशानने आपल्याच गोलंदाजीत सुरेख झेल घेउन कोहलीला बाद केले तेव्हा युवराजसिंगला फलंदाजीला न पाठवता धोणीने स्वतःच आला. त्याने गंभीरच्या संगतीत शंभराहून अधिक धावा जमवल्या. आपले शतक हातातोंडाशी असताना गंभीरने आपली विकेट दिली आणि युवराजसिंग फलंदाजीला आला. साडेआठ षटकांत पन्नासेक धावा हव्या असल्या तरी प्रत्येक धाव व प्रत्येक निर्धाव चेंडू सामन्याचे पारडे इकडून तिकडे करीत होते. अखेर धोणीने एकोणपन्नासाव्या षटकात कुलशेखराच्या गोलंदाजीवर षटकार ओढला आणि भारताला विजय मिळवून दिला.

धावफलक[संपादन]

श्रीलंकेचा डाव[संपादन]

श्रीलंकाचा ध्वज श्रीलंका फलंदाजी
खेळाडू धावा चेंडू चौकार षटकार स्ट्राईक रेट
उपुल थरंगा झे सेहवाग गो खान २० १०
तिलकरत्ने दिलशान त्रिफळाचीत गो हरभजन सिंग ३३ ४९ ६७.३४
कुमार संघकारा झे धोणी गो युवराज सिंग ४८ ६७ ७१.६४
महेला जयवर्धने नाबाद १०३ ८८ १३ ११७.०४
थिलन समरवीरा पायचीत गो युवराज सिंग २१ ३४ ६१.७६
चामरा कपुगेद्रा झे रैना गो खान २०
नुवान कुलशेखरा धावबाद (धोणी) ३२ ३० १०६.६६
थिसेरा परेरा नाबाद २२ २४४.४४
लसिथ मलिंगा
सूरज रणदिव
मुथिया मुरलीधरन
इतर धावा (बा १, ले.बा. ३, वा. ६, नो. २) १२
एकूण (६ गडी ५० षटके) २७४

गडी बाद होण्याचा क्रम: १-१७ (थरंगा, ६.१ ष.), २-६० (दिलशान, १६.३ ष.), ३-१२२ (संघकारा, २७.५ ष.), ४-१७९ (समरवीरा, ३८.१ ष.), ५-१८२ (कपुगेद्रा, ३९.५ ष.), ६-२४८ (कुलशेखरा, ४७.६ ष.)

भारतचा ध्वज भारत गोलंदाजी
गोलंदाज षटके निर्धाव धावा बळी इकोनॉमी
झहिर खान १० ६०
श्रीसंत ५२ ६.५
मुनाफ पटेल ४१ ४.५५
हरभजन सिंग १० ५०
युवराज सिंग १० ४९ ४.९
सचिन तेंडुलकर १२
विराट कोहली

भारताचा डाव[संपादन]

भारतचा ध्वज भारत फलंदाजी
खेळाडू धावा चेंडू चौकार षटकार स्ट्राईक रेट
विरेंद्र सेहवाग पायचीत गो मलिंगा
सचिन तेंडुलकर झे संघकारा गो मलिंगा १८ १४ १२८.५७
गौतम गंभीर त्रिफळाचीत गो परेरा ९७ १२२ ७९.५
विराट कोहली झे आणि गो दिलशान ३५ ४९ ७१.४२
महेंद्रसिंग धोणी नाबाद ९१ ७९ ११५.१८
युवराज सिंग नाबाद २१ २४ ८७.५
सुरेश रैना
हरभजन सिंग
झहिर खान
मुनाफ पटेल
श्रीसंत
इतर धावा (बा १, ले.बा. ६, वा. ८, नो. ०) १५
एकूण (४ गडी ४८.२ षटके) २७७

गडी बाद होण्याचा क्रम: १-० (सेहवाग, ०.२ ष.), २-३१ (तेंडुलकर, ६.१ ष.), ३-११४ (कोहली, २१.४ ष.), ४-२२३ (गंभीर, ४१.२ ष.)

श्रीलंकाचा ध्वज श्रीलंका गोलंदाजी
गोलंदाज षटके निर्धाव धावा बळी इकोनॉमी
लसिथ मलिंगा ४२ ४.६६
नुवान कुलशेखरा ८.२ ६४ ७.६८
थिसेरा परेरा ५५ ६.११
सूरज रणदिव ४३ ४.७७
तिलकरत्ने दिलशान २७ ५.४
मुथिया मुरलीधरन ३९ ४.८७

इतर माहिती[संपादन]

नाणेफेक: श्रीलंका - फलंदाजी

मालिका : भारतचा ध्वज भारतने क्रिकेट विश्वचषक, २०११ जिंकला.

सामनावीर : महेंद्रसिंग धोणी (भारत)

पंच : अलिम दर (पाकिस्तान) आणि सायमन टॉफेल (ऑस्ट्रेलिया)

तिसरा पंच : इयान गोल्ड (इंग्लंड)

सामना अधिकारी : जेफ क्रो (न्यू झीलंड)

राखीव पंच : स्टीव डेविस (ऑस्ट्रेलिया)

महत्त्वाचे क्षण[संपादन]

  • हा सामना मुथिया मुरलीधरनचा शेवटचा आंतरराष्ट्रीय सामना होता. मुरलीधरनचा सर्वप्रथम आंतरराष्ट्रीय सामना सुद्धा भारताविरुद्धच होता.[२]
  • श्रीलंकेचा माहेला जयवर्दने विश्वचषक अंतिम सामन्यात शतक नोंदवणारा सहावा खेळाडू झाला. जयवर्दनेचे शतक अंतिम सामना हरलेल्या संघातील पहिले शतक होते.[२]
  • दोन्ही आशियाई संघ खेळत असलेला हा पहिला अंतिम सामना होता. गेल्या सहा अंतिम सामन्यांत एकतरी आशियाई संघ खेळला. श्रीलंकेचा हा दुसरा सततचा अंतिम सामना होता. श्रीलंका संघ हे दोन्ही सामने हरला. श्रीलंका आणि भारत दोघांसाठी हा तिसरा अंतिम सामना होता.[३] यजमान संघ विजयी झालेला हा पहिलाच अंतिम सामना होता.[२]
  • ऑस्ट्रेलियाचा ध्वज ऑस्ट्रेलिया आणि वेस्ट इंडीजचा ध्वज वेस्ट इंडीज सह भारतचा ध्वज भारत एकापेक्षा जास्त वेळा विश्वविजेते झाले आहेत.
  • या सामन्यात भारताच्या गौतम गंभीरने ४,००० तर महेंद्रसिंग धोणीने ६,००० एक-दिवसीय धावा काढण्याचा विक्रम केला.[४]
  • विजयी क्षण

बक्षिसे[संपादन]

अंतिम सामना जिंकल्यावर भारतीय संघाला विश्वचषक मिळाला. त्याचबरोबर सरकार आणि खाजगी कंपन्यांकडून त्यांच्यासाठी इतर अनेक बक्षिसे जाहीर करण्यात आली.

बाह्य दुवे[संपादन]

संदर्भ आणि नोंदी[संपादन]

  1. भारत वि श्रीलंका: टॉफेल आणि दार अंतिम सामन्याचे पंच.
  2. २.० २.१ २.२ We've finally Dhon it.
  3. त्रूटी उधृत करा: <ref> चुकीचा कोड; toi नावाने दिलेल्या संदर्भांमध्ये काहीही माहिती नाही
  4. Dhoni crosses 6,000 ODI runs, Gambhir 4,000.
  5. http://timesofindia.indiatimes.com/sports/cricket/cricket-world-cup-2011/news/One-crore-bounty-for-each-Team-India-player/articleshow/7854648.cms
  6. http://www.hindustantimes.com/specials/cricket/world-cup-2011/Windfall-for-victorious-team-Dikshit-announces-cash-award/cricketnews/SP-Article10-680746.aspx
  7. http://www.indiandrives.com/new-hyundai-verna-to-be-gifted-to-indian-team.html
  8. http://economictimes.indiatimes.com/news/news-by-industry/et-cetera/india-win-world-cup-2011-munaf-yusuf-to-get-gujs-highest-sports-award-after-wc-win/articleshow/7856705.cms
  9. http://iyerdeepak.wordpress.com/2011/04/03/yeh-lo-inam/
  10. १०.० १०.१ १०.२ Laurels, awards galore for Team India.
  11. http://ibnlive.in.com/generalnewsfeed/news/maharashtra-announces-rs-1-crore-cash-prize-for-sachin-zaheer/635742.html
  12. http://economictimes.indiatimes.com/news/news-by-industry/et-cetera/cash-rewards-real-estate-flood-cricketers-after-the-world-cup-win/articleshow/7861755.cms
  13. http://www.smh.com.au/sport/cricket/land-job-car-india-cashes-in-20110404-1cyni.html?from=smh_sb