कतार एरवेझ

कतार एरवेझ

आय.ए.टी.ए. QR आय.सी.ए.ओ. QTR कॉलसाईन QATARI
स्थापना	२२ नोव्हेंबर १९९३
हब	हमाद आंतरराष्ट्रीय विमानतळ (दोहा)
फ्रिक्वेंट फ्लायर	क्यूमाइल्स
अलायन्स	वनवर्ल्ड
विमान संख्या	१४९
गंतव्यस्थाने	१४६
ब्रीदवाक्य	World's 5-star airline
पालक कंपनी	कतार सरकार
मुख्यालय	दोहा, कतार

फ्रांकफुर्ट विमानतळावर उतरणारे कतार एरवेझचे बोईंग ७७७ विमान

कतार एरवेझ (अरबी: القطرية,; अल कतारिया) ही मध्य पूर्वेतील कतार ह्या देशाची राष्ट्रीय विमान वाहतूक कंपनी आहे. १९९३ साली स्थापन झालेली कतार एरवेझ दोहाजवळील हमाद आंतरराष्ट्रीय विमानतळावरून जगातील १४५ शहरांना प्रवासी विमानसेवा पुरवते. ऑक्टोबर २०१३ पासून कतार एरवेझ वनवर्ल्ड ह्या संघटनेचा सदस्य आहे.

कतार एरवेझ जगातील झपाट्याने वाढणाऱ्या विमानकंपन्यापैकी एक आहे. जुलै २०१३ पासून कतार एरवेझ स्पेनमधील एफ.सी. बार्सेलोना ह्या क्लबचा प्रमुख प्रायोजक आहे.

गंतव्यस्थाने

ॲडलेड विमानतळावर कतार एरवेझचे बोईंग ७७७-३००ईआर

कतार एरवेझ सहा खंडांवरील ९० पेक्षा जास्त देशांमध्ये उड्डाणे करते, ज्यामध्ये भारतातील १३ आणि अमेरिकेतील ११ गंतव्यस्थानांचा समावेश आहे.

ताफा

कतार एरवेझकडे अरुंद आणि रुंद अशा दोन्ही प्रकारच्या विमानांचा ताफा असून त्यात एरबस ए३२०, एरबस ए३३०, एरबस ए३५०, एरबस ए३८०, बोईंग ७३७ मॅक्स, बोईंग ७७७ आणि बोईंग ७८७ ड्रीमलायनर यांसारख्या एकूण २३० विमानांचा समावेश आहे.

अपघात आणि दुर्घटना

• १९ एप्रिल २००७: अबु धाबी एरक्राफ्ट टेक्नॉलॉजीझमध्ये देखभालीचे काम सुरू असताना हँगरमध्ये लागलेल्या आगीमुळे एरबस ए३०० (नोंदणी क्रमांक: ए७-एबीव्ही) या विमानाचे मोठे नुकसान झाले आणि ते भंगारात काढावे लागले.
• ८ डिसेंबर २०१७: दोहा येथील हमाद आंतरराष्ट्रीय विमानतळावर देखभालीदरम्यान लागलेल्या आगीनंतर एरबस ए३२१ (नोंदणी क्रमांक: ए७-एआयबी) भंगारात काढावे लागले.

बाह्य दुवे

विकिमीडिया कॉमन्सवर खालील विषयाशी संबंधित संचिका आहेत: कतार एरवेझ

• अधिकृत संकेतस्थळ