नोव्हाक जोकोविच

नोव्हाक जोकोविच
Новак Ђоковић (सर्बियन)

२०११ ची ऑस्ट्रेलियन स्पर्धा जिंकल्यानंतर
उपाख्य	नोल, जोकर
देश	सर्बिया
वास्तव्य	मोनॅको
जन्म दिनांक	मे २२, इ.स. १९८७ (1987-05-22)
जन्म स्थळ	बेलग्रेड, सर्बिया (तत्कालीन युगोस्लाव्हिया)
उंची	१.८८ मी (६)
व्यावसायिक	इ.स. २००३
खेळ	उजव्या हाताने; बॅकहँड दोन्ही हातांनी
मिळकत	३५.३४ दशलक्ष अमेरिकन डॉलर
एकेरी
कारकीर्द:	४०८ – ११२
विजय	२९
सर्वोच्च श्रेणी	पहिला (४ जुलै, इ.स. २०११)
ग्रँड स्लॅम स्पर्धा
ऑस्ट्रेलियन ओपन	विजयी (इ.स. २००८, इ.स. २०११, इ.स. २०१२)
फ्रेंच ओपन	उपांत्यफेरी (इ.स. २००७, इ.स. २००८, इ.स. २०११)
विंबल्डन	विजयी (इ.स. २०११)
यू.एस. ओपन	विजयी (इ.स. २०११)
इतर स्पर्धा
दुहेरी
कारकीर्द:	३१ - ४४
विजय	१
सर्वोच्च श्रेणी	११४ (३० नोव्हेंबर, इ.स. २००९)
शेवटचा बदल: मार्च १६, इ.स. २०१२.

ऑलिंपिक पदक माहिती
सर्बिया साठी खेळतांना
टेनिस - पुरुष
कास्य	२००८ बीजिंग	एकेरी

नोव्हाक जोकोविच (सर्बियन: Новак Ђоковић, Novak Đoković;) (२२ मे, इ.स. १९८७; बेलग्रेड, युगोस्लाव्हिया - हयात) हा एक व्यावसायिक सर्बियन टेनिसपटू आहे. एटीपी जागतिक एकेरी खेळाडूंच्या क्रमवारीत नोव्हाक सध्या प्रथम क्रमांकावर आहे. नोल व जोकर ह्या टोपणनावांनी ओळखला जाणाऱ्या नोव्हाकने २००८, २०११ व २०१२ साली ऑस्ट्रेलियन ओपन, २०११ साली विंबल्डन व २०११ साली यू.एस. ओपन ह्या चार ग्रँड स्लॅम टेनिस स्पर्धा जिंकल्या आहेत. ग्रँड स्लॅम स्पर्धा जिंकणारा तो सर्बियाचा प्रथम टेनिसपटू आहे. तसेच २०१० साली सर्बियाला डेव्हिस करंडक जिंकून देणार्‍या संघामध्ये जोकोविच होता.

२०११ हे वर्ष जोकोविचसाठी सर्वात यशस्वी ठरले आहे. त्याने २०११ सालामध्ये ७० एकेरी सामने जिंकले व केवळ ६ सामन्यांत तो पराभूत झाला. त्याच्या ह्या यशाची तुलना जॉन मॅकएन्रोच्या १९८४ सालामधील घोडदौडीसोबत केली जाते. २०११ मध्ये त्याने ३ ग्रँड स्लॅम स्पर्धा जिंकल्या आहेत. एका वर्षात तीन ग्रँड स्लॅम जिंकणारा तो जगातील केवळ सहावा पुरुष टेनिसपटू आहे. त्याचबरोबर त्याने २०११ मध्ये विक्रमी ५ ए.टी.पी. मास्टर्स टेनिस स्पर्धा देखील जिंकल्या. ह्या वर्षात त्याने भूतपूर्व अव्वल टेनिसपटू (सध्याचा क्र. २) रफायेल नदालला सलग ६ अंतिम फेरीच्या सामन्यांमध्ये पराभूत केले. २०१२ साली जोकोविचने आपली घोडदौड कायम ठेवली असून वर्षामधील ऑस्ट्रेलियन ओपन ह्या पहिल्या ग्रँड स्लॅम स्पर्धेच्या अंतिम फेरीमधील अटीतटीच्या सामन्यात त्याने पुन्हा एकदा रफायेल नदालचे आव्हान परतवले.

सर्बिया, बाल्कन तसेच भूतपूर्व युगोस्लाव्हियाच्या देशांमधील तो सर्वोत्कृष्ट टेनिसपटू मानला जातो. जोकोविचला आजवर अनेक सर्बियन राष्ट्रीय पुरस्कार व बहुमान मिळाले आहेत. पीट सॅम्प्रास ह्या माजी अव्वल टेनिसपटूने आजवर पाहिलेला सर्वोत्तम टेनिस खेळाडू असे जोकोविचचे वर्णन केले आहे.

जोकोविच आपल्या तडाखेबाज खेळासोबत खेळकर स्वभावासाठी देखील लोकप्रिय आहे. इतर टेनिसपटूंच्या नकला करणे तसेच सामन्यादरम्यान तसेच सामना संपल्यानंतर टिवल्याबावल्या करणे इत्यादी विनोदी उद्योगात तो पारंगत आहे.

कारकीर्द

ग्रँड स्लॅम एकेरी अंतिम फेर्‍या: ७ (५ - २)

निकाल	वर्ष	स्पर्धा	प्रकार	प्रतिस्पर्धी	स्कोअर
उप-विजेता	२००७	यू.एस. ओपन	हार्ड कोर्ट	रॉजर फेडरर	६–७(४–७), ६–७(२–७), ४–६
विजेता	२००८	ऑस्ट्रेलियन ओपन	हार्ड कोर्ट	जो-विल्फ्रेद साँगा	४–६, ६–४, ६–३, ७–६(७–२)
उप-विजेता	२०१०	यू.एस. ओपन (२)	हार्ड कोर्ट	रफायेल नदाल	४–६, ७–५, ४–६, २–६
विजेता	२०११	ऑस्ट्रेलियन ओपन (२)	हार्ड कोर्ट	अँडी मरे	६–४, ६–२, ६–३
विजेता	२०११	विंबल्डन	गवताळ कोर्ट	रफायेल नदाल	६–४, ६–१, १–६, ६–३
विजेता	२०११	यू.एस. ओपन	हार्ड कोर्ट	रफायेल नदाल	६–२, ६–४, ६–७(३–७), ६–१
विजेता	२०१२	ऑस्ट्रेलियन ओपन	हार्ड कोर्ट	रफायेल नदाल	५-७, ६-४, ६-२, ६-७५-७, ७-५

मास्टर्स १००० एकेरी अंतिम फेर्‍या: १७ (१० - ७)

निकाल	वर्ष	स्पर्धा	प्रकार	प्रतिस्पर्धी	स्कोअर
उप-विजेता	२००७	इंडियन वेल्स	हार्ड कोर्ट	रफायेल नदाल	२–६, ५–७
विजेता	२००७	मायामी	हार्ड कोर्ट	ग्वियेर्मो कॅन्यास	६–३, ६–२, ६–४
विजेता	२००७	रॉजर्स कप	हार्ड कोर्ट	रॉजर फेडरर	७–६(७–२), २–६, ७–६(७–२)
विजेता	२००८	इंडियन वेल्स	हार्ड कोर्ट	मार्डी फिश	६–२, ५–७, ६–३
विजेता	२००८	रोम	माती	स्टॅनिस्लास वावरिंका	४–६, ६–३, ६–३
उप-विजेता	२००८	सिनसिनाटी	हार्ड कोर्ट	अँडी मरे	६–७(४–७), ६–७(५–७)
उप-विजेता	२००९	मायामी	हार्ड कोर्ट	अँडी मरे	२–६, ५–७
उप-विजेता	२००९	मोंटे कार्लो	माती	रफायेल नदाल	३–६, ६–२, १–६
उप-विजेता	२००९	रोम	माती	रफायेल नदाल	६–७(२–७), २–६
उप-विजेता	२००९	सिनसिनाटी (२)	हार्ड कोर्ट	रॉजर फेडरर	१–६, ५–७
विजेता	२००९	पॅरिस	हार्ड कोर्ट	गायेल मॉनफिस	६–२, ५–७, ७–६(७–३)
विजेता	२०११	इंडियन वेल्स (२)	हार्ड कोर्ट	रफायेल नदाल	४–६, ६–३, ६–२
विजेता	२०११	मायामी (२)	हार्ड कोर्ट	रफायेल नदाल	४–६, ६–३, ७–६(७–४)
विजेता	२०११	माद्रिद	माती	रफायेल नदाल	७–५, ६–४
विजेता	२०११	रोम (२)	माती	रफायेल नदाल	६–४, ६–४
विजेता	२०११	रॉजर्स कप(२)	हार्ड कोर्ट	मार्डी फिश	६–२, ३–६, ६–४
उप-विजेता	२०११	सिनसिनाटी(३)	हार्ड कोर्ट	अँडी मरे	४–६, ०–३ ret.

ऑलिंपिक पदके (१ कांस्य)

निकाल	क्र.	तारीख	स्पर्धा	प्रकार	प्रतिस्पर्धी	स्कोअर
कांस्य	१.	१६ ऑगस्ट २००८	बीजिंग ऑलिंपिक	हार्ड कोर्ट	जेम्स ब्लेक	६–३, ७–६(७–४)

बाह्य दुवे

विकिमीडिया कॉमन्सवर

नोव्हाक जोकोविच

संबंधित संचिका आहेत

• अधिकृत संकेतस्थळ. (इंग्लिश मजकूर)

• अधिकृत संकेतस्थळ. (सर्बियन मजकूर)

• नोव्हाक जोकोविच. एटीपी वर्ल्ड टूर. (इंग्लिश मजकूर)

मागील रफायेल नदाल

एटीपी जागतिक क्रमवारीत प्रथम क्रमांक ४ जुलै २०११ – चालू

पुढील विद्यमान