दबंग

दबंग
दिग्दर्शन	अभिनव कश्यप
निर्मिती	अरबाज खान; मलाइका अरोरा खान
प्रमुख कलाकार	सलमान खान; सोनाक्षी सिन्हा; अरबाज खान; माही गिल; सोनू सूद; विनोद खन्ना; डिंपल कापडिया; अनुपम खेर
संगीत	साजिद-वाजिद, ललित पंडित
देश	भारत
भाषा	हिंदी
प्रदर्शित	१० सप्टेंबर २०१०
अवधी	१७२ मिनिटे
निर्मिती खर्च	३० कोटी
एकूण उत्पन्न	२२५ कोटी

दबंग हा २०१० साली प्रदर्शित झालेला एक हिंदी चित्रपट आहे. सलमान खानची प्रमुख भूमिका असलेल्या ह्या चित्रपटाचे कथानक उत्तर प्रदेशमधील चुलबुल पांडे नावाच्या एका काल्पनिक पोलीस अधिकाऱ्यावर आधारित आहे. दबंगचे चित्रीकरण महाराष्ट्रातील वाई व संयुक्त अरब अमिरातीमध्ये झाले.

१० सप्टेंबर २०१० रोजी ईद-उल-फित्रच्या दिवशी प्रदर्शित झालेल्या ह्या चित्रपटाला प्रेक्षकांचा उत्स्फुर्त प्रतिसाद लाभला. दबंगने पहिल्याच आठवड्यात ८०.८७ कोटींची मिळकत केली. एकूण २२५ कोटी कमावणारा दबंग हा बॉलिवूडमधील आजवरचा पाचवा सर्वात यशस्वी चित्रपट आहे. २०१२ मध्ये दबंगचा दुसरा भाग दबंग २ काढण्यात आला ज्याला देखील प्रचंड यश मिळाले.