पिन कोड

विकिपीडिया, मुक्‍त ज्ञानकोशातून

पिन कोड किंवा पोस्टल इंडेक्स नंबर कोड म्हणजे भारतातील डाक कार्यालयांना दिलेले सांकेतिक क्रमांक. हे क्रमांक सहा आकडी असतात. या क्रमांकावरून एका विशिष्ट पोस्ट ऑफिसचा आणि पर्यायाने ते पोस्ट ऑफिस ज्या गावात आहे ते गाव किंवा ज्या गावाच्या जवळपास आहे ते नागरी क्षेत्र समजते.

या पिन कोडमधील पहिल्या दोन अंकांवरून ते पोस्ट ऑफिस किंवा ते गाव कोणत्या राज्यात आहे ते समजते. पुढच्या दोन अंकांवरून जिल्ह्याचा बोध होतो, आणि शेवटचे दोन अंक हेड पोस्ट, सब पोस्ट किंवा ग्रामीण पोस्टासाठी असतात. हे सर्व आकडे विचारात घेतले की भारतातील ते विशिष्ट गाव कोणते ते समजायला मदत होते.

भारतातील राज्यांसाठी मुक्रर केलेले क्रमांक (हे सहा अंकी पिनकोड संख्येच्या आरंभाचे अंक असतात.) २९, ३५, ५४, ५५, ६५, ६६ आणि ८६ ते ९९ हे अंक कोणत्याही राज्याला दिलेले नाहीत.

ईशान्येकडील राज्ये (मणिपूर, मिझोराम, मेघालय, त्रिपुरा, नागालँड, अरुणाचल प्रदेश, सिक्कीम - ७९
आंध्र प्रदेश - ५० ते ५३
आसाम - ७८
उत्तर प्रदेश - २० ते २८
ओरिसा - ७५ ते ७७
कर्नाटक - ५६ ते ५९
केरळ - ६७ ते ६९
गुजराथ - ३६ ते ३९
जम्मू आणि काश्मीर - १८ ते १९
तामिळनाडू - ६० ते ६४
दिल्ली राज्य - ११
पंजाब - १४ ते १६
पश्चिम बंगाल - ७० ते ७४
बिहार आणि झारखंड - ८० ते ८५
मध्य प्रदेश - ४५ ते ४९
महाराष्ट्र - ४० ते ४४
राजस्थान - ३० ते ३४
हरियाणा - १२ ते १३
हिमाचल प्रदेश - १७






Wiki letter w.svg
कृपया स्वत:च्या शब्दात परिच्छेद लेखन करून या लेखाचा / विभागाचा विस्तार करण्यास मदत करा.
अधिक माहितीसाठी या लेखाचे चर्चा पान, विस्तार कसा करावा? किंवा इतर विस्तार विनंत्या पाहा.